சமந்தாவை தொடர்ந்து நயனை விளாசிய மருத்துவர் லிவர் டாக், உடனே பதிவை டெலிட் செய்த நயன்

சமந்தாவைத் தொடர்ந்து நயன்தாராவை மருத்துவர் லிவர் டாக் குற்றம் சாட்டியிருக்கும் தகவல் தான் தற்போது இணையத்தில் பேசும் பொருளாக உள்ளது. அதாவது நயன்தாரா செம்பருத்தி டீ உடம்புக்கு ரொம்ப நல்லது என தனது சமூக வலைதள பக்கத்தில் பகிர்ந்திருந்தார். மேலும், அவர் தினமும் செம்பருத்தி டீ குடித்து வருவதாக தெரிவித்து இருந்தார். அதோடு அந்த டீ குடிப்பதால் ஏற்படும் நன்மைகளையும் பட்டியலிட்டு பகிர்ந்து இருந்தார் நயன்தாரா.

அதை தொடர்ந்து இந்த டீயை தனக்கு பரிந்துரை செய்தவரையும் டேக் செய்து, ரெசிபி வேண்டுமென்றால் அவரிடம் கேட்டுக் கொள்ளுமாறு தெரிவித்திருந்தார் நயன். இந்தப் போஸ்ட்டை பார்த்த நயனின் ரசிகர்கள் சூப்பர் தகவல், நாங்கள் கண்டிப்பாக ட்ரை பண்ணுகிறோம் என்று பதிவிட்டு இருந்தனர். இந்நிலையில்தான் நயன்தாராவின் போஸ்டர் பார்த்த லிவர் டாக் அது குறித்து தனது எக்ஸ் பக்கத்தில் விமர்சித்திருந்தார்.

லிவர் டாக் பதிவு:

அதில், நடிகை சமந்தாவை விட அதிக ஃபாலோயர்ஸ் வைத்திருக்கும் சினிமா நடிகை நயன்தாரா, தன்னைப் பின்தொடரும் 8.7 மில்லியன் பாலோயர்களுக்கும் செம்பருத்தி டீ குறித்து தவறான அறிவுரையை கொடுத்துள்ளார். செம்பருத்தி டீ சுவையானது என்பதுடன் அவர் நிறுத்தியிருந்தால் நன்றாக இருந்திருக்கும். ஆனால், ஆரோக்கியம் பற்றி தனக்கு தெரியாத அட்வைஸ் எல்லாம் அவர் பகிர்ந்திருக்கிறார்.

This is cinema actress Nayantara who has more than twice the following of the other actress Samantha miselading her 8.7 million followers on a supplement called hibiscus tea.

If she had stopped at hibiscus tea is kind of tasty, that would have been ok. But no, they have to go… pic.twitter.com/d1fQCohsGU

— TheLiverDoc (@theliverdr) July 29, 2024

விளம்பரமோ என்று தோணுகிறது :

மேலும், நயன்தாராவின் பதிவை பார்த்தால் டயட் மற்றும் நியூட்ரிஷினில் மாஸ்டர்ஸ் டிகிரி வைத்திருக்கும் தனது செலிப்ரிட்டி பிரண்டுக்கு விளம்பரம் கொடுக்க போஸ்ட் போட்டது போல தெரிகிறது. செம்பருத்தி டீ தினமும் குடிப்பதில் மிகவும் கவனமாக இருக்க வேண்டும். அந்தப் போஸ்டில் சர்க்கரை நோய்க்கும், ரத்த அழுத்தத்திற்கும் செம்பருத்தி டீ நல்லது என்று நயன்தாரா கூறியுள்ளார். அதை நான் வன்மையாக கண்டிக்கிறேன்.

அதன் தீமைகள் :

அதைத் தொடர்ந்து லிவர் டாக், செம்பருத்தி டீ தினமும் குடிப்பதால் ஆண்களின் டெஸ்டிஸ் பாதிக்கப்படும். மேலும் பெண்கள் அந்த டீயை தினமும் குடித்து வந்தால் பூப்பெய்வது தள்ளிப் போகும். முக்கியமாக ரீப்ரொடக்டிவ் வயதில் இருக்கும் ஆண்களும் பெண்களும் செம்பருத்தி டீயை தினமும் குடிக்கவே கூடாது என்று குறிப்பிட்டுள்ளார். உங்கள் உடல் ஆரோக்கியமாக இருக்க வேண்டும் என்றால் உண்மையான டாக்டர்களின் அறிவுரையை கேளுங்கள். கடைசியாக, இதை சொல்வதில் நான் ரூடாக இல்லை என்று நினைக்கிறேன். ரசிகர்கள் அதிகம் உள்ளவர் என குறிப்பிட்டுள்ளார்.

போஸ்ட்டை டெலிட் செய்த நயன்:

டாக்டர் லிவர் டாக் செய்த விமர்சனத்திற்கு பிறகு நயன்தாரா தனது சமூக வலைதள பக்கத்திலிருந்து செம்பருத்தி டீ குறித்த போஸ்டை டெலிட் செய்துள்ளார். டாக்டர் லிவர் டாக் இதுபோல் தவறுதலான ஆரோக்கியம் குறித்து பேசும் பிரபலங்களை விமர்சிப்பது இது முதல் தடவை இல்லை. சமீபத்தில், நெபுலசரை பரிந்துரைத்த சமந்தா செய்தது தவறு என தனது எக்ஸ் தளத்தில் பதிவிட்டு இருந்தார். அந்தச் செய்தியும் வைரலானது. தற்போது அதேபோல் நயன்தாரா பற்றி ட்வீட் செய்துள்ளார் என்பது குறிப்பிடத்தக்கது.