பிசிசிஐ-யின் அடுத்த அரசியல் ? 15 வயதில் இந்திய அணியில் வைபவ் சூர்யவன்ஷி அறிமுகம்.. பின்னணியில் என்ன நடக்கிறது?

அயர்லாந்து தொடரில் திடீர் வாய்ப்பு – ரசிகர்கள் அதிர்ச்சி!

இந்திய கிரிக்கெட் வட்டாரத்தில் தற்போது ஹாட் டாப்பிக்காக பேசப்பட்டு வருவது அயர்லாந்துக்கு எதிரான டி20 தொடருக்கான இந்திய அணி தேர்வு தான். இங்கிலாந்துக்கு எதிரான ஒருநாள் தொடரில் ஜெய்ஸ்வால் போன்ற சீனியர் வீரர்களுக்கே இடமில்லாத நிலையில், வெறும் 15 வயதே ஆன இளம் புயல் வைபவ் சூர்யவன்ஷிக்கு இந்திய டி20 அணியில் வாய்ப்பு கிடைக்கப்போவதாக நம்பத்தகுந்த செய்திகள் வெளியாகியுள்ளன. இந்த திடீர் அறிவிப்பு கிரிக்கெட் ரசிகர்களிடையே பெரும் ஆச்சரியத்தையும், அதே சமயம் "இவ்வளவு சீக்கிரம் சர்வதேச போட்டி தேவையா?" என்ற விவாதத்தையும் கிளப்பியுள்ளது.

இந்தியா 'ஏ' அணியில் உலக சாதனை ருத்ரதாண்டவம்!

சூர்யவன்ஷிக்கு இந்திய அணியில் கதவுகள் திறக்க மிக முக்கிய காரணம், சமீபத்தில் இலங்கை 'ஏ' அணிக்கு எதிராக தம்புள்ளை மைதானத்தில் நடந்த முக்கோணத் தொடரின் இறுதிப்போட்டியில் அவர் ஆடிய அதிரடி ஆட்டம் தான். அந்த போட்டியில் வெறும் 11 பந்துகளில் அரைசதம் அடித்து, உலகிலேயே 'மிக அதிவேகமாக அரைசதம் அடித்த லிஸ்ட்-ஏ கிரிக்கெட் வீரர்' என்ற வரலாற்று உலக சாதனையை படைத்தார். 29 பந்துகளில் 10 பவுண்டரிகள், 8 சிக்ஸர்களுடன் 94 ரன்கள் குவித்து ஒட்டுமொத்த பிசிசிஐ தேர்வுக்குழுவையும் தன் பக்கம் திரும்ப வைத்தார்.

ஐபிஎல் ஏலத்தில் கிளப்பிய அலைகள்!

இதற்கு முன்பாகவே, ஐபிஎல் (IPL) மெகா ஏலத்தில் மிக குறைந்த வயதில் (13 வயதில்) ராஜஸ்தான் ராயல்ஸ் அணியால் ரூ. 1.10 கோடிக்கு வாங்கப்பட்டு சூர்யவன்ஷி உலக சாதனை படைத்திருந்தார். அங்கும் தனது அசாத்தியமான பேட்டிங் திறமையால் அனைவரது பாராட்டுகளையும் பெற்றார். லோக்கல் கிரிக்கெட் முதல் ஐபிஎல், இந்தியா 'ஏ' அணி வரை சூர்யவன்ஷி அடித்து நொறுக்கும் ரன்களும், அவரது அக்ரஸிவ் பேட்டிங் ஸ்டைலும் தான் அவரை இவ்வளவு சீக்கிரம் இந்திய அணியின் நீல நிற ஜெர்சியை நோக்கி நகர்த்தியுள்ளது.

திறமையா? பிசினஸ் அரசியலா? எழும் சர்ச்சைகள்!

ஆனால், இந்த இளம் வயதிலேயே அவருக்கு இந்திய அணியில் கேப் (Cap) கொடுப்பது சரிதானா என்ற சர்ச்சையும் வெடித்துள்ளது. "பிருத்வி ஷா போன்ற பல இளம் திறமைகள் ஆரம்பத்திலேயே இந்திய அணியில் சேர்க்கப்பட்டு, பின் பிரஷர் தாங்காமல் காணாமல் போனார்கள். அதே தவறை சூர்யவன்ஷி விஷயத்திலும் பிசிசிஐ செய்கிறதா? அல்லது டிஆர்பி மற்றும் ஸ்பான்சர்ஷிப் பிசினஸுக்காக 15 வயது சிறுவனை பலியாக்குகிறார்களா?" என சமூக வலைத்தளங்களில் கடுமையான விமர்சனங்கள் எழுந்து வருகின்றன.

கம்பேக் கொடுப்பாரா அல்லது காணாமல் போவாரா?

எது எப்படியோ, அயர்லாந்து போன்ற சிறிய அணிக்கு எதிராக சூர்யவன்ஷி களம் இறங்கினால், சர்வதேச கிரிக்கெட்டில் மிக இளம் வயதில் அறிமுகமான இந்திய வீரர் என்ற சச்சின் டெண்டுல்கரின் சாதனையை அவர் முறியடிப்பார். பிரஷர் குறித்து சூர்யவன்ஷி ஏற்கனவே "என் மேல் பிரஷர் இல்லை, பிளான் தான் முக்கியம்" என்று கூறியிருந்தாலும், சர்வதேச கிரிக்கெட்டின் அழுத்தம் முற்றிலும் வேறானது. இந்த சவால்களை கடந்து அவர் சாதிப்பாரா என்பதை பொறுத்திருந்துதான் பார்க்க வேண்டும்.