97வது ஆஸ்கர் விருதின் இறுதி பட்டியலில் இருந்து நிராகரிக்கப்பட்ட இந்திய படங்கள் குறித்த தகவல் தான் தற்போது இணையத்தில் வைரலாகி வருகிறது. வருடம் வருடம் உலக முழுவதும் வெளிவந்த படங்களுக்கான ஆஸ்கர் விருது விழா மார்ச் இரண்டாம் தேதி லாஸ் ஏஞ்சல்ஸில் உள்ள ஹாலிவுட்டின் டால்பி தியேட்டரில் தான் நடைபெறும். அந்த வகையில் இந்த வருடம் 97வது ஆஸ்கர் விழா நடைபெற இருக்கிறது.
இதில் சிறந்த படம், சிறந்த நடிகர், சிறந்த நடிகை, சிறந்த தொழில்நுட்ப கலைஞர்கள் என பல்வேறு பிரிவுகளில் இந்த வருடத்தின் விருதுகளுக்கான இறுதி தேர்வு பட்டியலை ஆஸ்கர் குழு சமீபத்தில் தான் வெளியிட்டு இருந்தது. ஏற்கனவே இந்த வருட ஆஸ்கருக்கு இந்திய சார்பில் பத்து படங்கள் பரிந்துரைக்கப்பட்டிருந்தது.
ஆஸ்கர் விருது:
அதில் லாப்பாட்டா லேடிஸ், ஸ்வதந்த்ரியா வீர் சாவர்க்கர், புதுல், ஆடுஜீவிதம்: தி ஆடு லைஃப், ஆல் வி இமேஜின் அஸ் லைட், பேண்ட் ஆஃப் மஹாராஜாஸ், கங்குவா, தி ஸீப்ராஸ், கேர்ள்ஸ் வில் பி கேர்ள்ஸ் மற்றும் சந்தோஷ் ஆகிய படங்கள் தான் இந்தியா சார்பில் பரிந்துரைக்கப்பட்டிருந்தது. அதில் லாப்பாட்டா லேடிஸ் மற்றும் இந்த வருடத்திற்கு கேன்ஸ் திரைப்பட விழாவில் விருது பெற்ற ஆல் வி இமேஜின் அஸ் லைட் படங்கள் மீதும் அதிக எதிர்பார்ப்பு வைத்திருந்தார்கள்.
நிராகரிக்கப்பட்ட படங்கள்:
இந்த படங்களின் பெயர்கள் இறுதி பட்டியலில் தவறவிட்டது. இதை அடுத்து மலையாள நடிகர் பிரித்விராஜ் சுகுமார் நடிப்பில் கடந்த ஆண்டு வெளியாகியிருந்த ஆடு ஜீவிதம் படம் மிகப்பெரிய அளவில் வரவேற்பு பெற்றுள்ளது. இந்த படமுமே ஆஸ்கர் ரேசில் பின் வாங்கி இருக்கிறது. அதுமட்டுமில்லாமல் சூர்யாவின் நடிப்பில் சிவா இயக்கத்தில் வெளியாகியிருந்த கங்குவா படமும் ஆஸ்கர் குழுவால் பரிந்துரைக்கப்பட்டிருந்தது.
கங்குவா படம்:
கடைசி நேரத்தில் இந்த படமும் நிராகரிக்கப்பட்டு இருக்கிறது. இது ரசிகர்கள் மத்தியில் மிகப்பெரிய வேதனையை கொடுத்திருக்கிறது.மேலும், இந்த இறுதிப்பட்டியலில் இந்தியாவில் இருந்து சிறந்த லைவ் ஆக்ஷன் குறும்படம் என்ற பிரிவில் இந்தியாவைச் சார்ந்த 'அனுஜா' என்ற குறும்படம் தேர்வாகி இருக்கிறது. இந்த படம் மட்டும் தான் ஆஸ்கர் விருதின் இறுதிப்பட்டியல் வரை வந்து இருக்கிறது.
தேர்வான இந்திய படம்:
இதன் மீது எதிர்பார்ப்பும் அதிகமாக உள்ளது. இந்த படத்தை பிரியங்கா சோப்ரா தயாரித்து இருந்தார். குழந்தை தொழிலாளர்களின் பிரச்சினைகளை மையமாக வைத்து இந்த படம் பேசப்பட்டிருக்கிறது. இது தவிர பிரெஞ்சு திரைப்பட இயக்குநர் ஜாக் ஆடியார்ட் இயக்கிய 'எமிலியா பெரெஸ்', சிறந்த திரைப்படம், சிறந்த நடிகை, சிறந்த திரைக்கதை, சிறந்த பாடல் உள்ளிட்ட 13 பிரிவுகளில் ஆஸ்கர் விருதுக்காக பரிந்துரை செய்யப்பட்டிருக்கிறது என்பது குறிப்பிடத்தக்கது.
