கதை சொல்ல வேணாம், பணம் முக்கமில்லை- ஒரே ஒரு காரணத்திற்காக கூலி படத்தில் ஒப்புக்கொண்ட உபேந்திரா

பிரபல கன்னட நடிகர் உபேந்திரா, ‘கூலி’ படத்தில் இணைந்திருக்கும் தகவல் தான் இணையத்தில் வைரலாகி வருகிறது. தமிழ் சினிமாவில் தற்போது முன்னணி இயக்குனராக திகழ்ந்து வருபவர் லோகேஷ் கனகராஜ். இவர் இயக்கத்தில் வந்த அனைத்து படங்களும் பெரிய அளவில் ஹிட் கொடுத்தது மட்டுமில்லாமல் கோடிக்கணக்கில் வசூல் சாதனையும் படைத்து வருகிறது. கடைசியாக லோகேஷ் இயக்கத்தில் விஜய் நடிப்பில் வெளிவந்த ‘லியோ’ படம் நல்ல வரவேற்பை பெற்று இருந்தது.

இப்படத்தில் சஞ்சய் தட், த்ரிஷா, கௌதம் மேனன், அர்ஜுன், மிஷ்கின், தாமஸ், மன்சூர் அலிகான் என பலர் நடித்து இருந்தார்கள். அதிரடி ஆக்சன் பாணியில் வெளிவந்த லியோ படம் உலக அளவில் மிகப்பெரிய வசூல் சாதனை படைத்தது மட்டுமில்லாமல் திரை பிரபலங்கள் பலருமே பாராட்டி இருந்தார்கள். தற்போது லோகேஷ் இயக்கத்தில் ரஜினி நடிப்பில் உருவாகி வரும் படம் கூலி. இந்த படத்தை சன் பிக்சர்ஸ் நிறுவனம் தயாரிக்கிறது.

கூலி படம்:

இந்தப் படத்திற்கு அனிருத் இசையமைக்கிறார். இந்த படத்தில் ஸ்ருதிஹாசன் மற்றும் சத்யராஜ் ஆகியோர் முக்கிய கதாபாத்திரத்தில் நடிக்கிறார்கள். அதோடு சௌபின் சாஹிர், உபேந்திரா, நாகர்ஜூனா உள்ளிட்டோர் இப்படத்தில் நடிக்கிறார்கள். தற்போது இந்த படத்தினுடைய படப்பிடிப்பு முமரமாக நடைபெற்று வருகிறது. தமிழ், மலையாளம், தெலுங்கு என ஒவ்வொரு மொழியிலும் ஒரு நடிகரை தேர்வு செய்து இருப்பது இப்படத்தின் மீதான எதிர்பார்ப்பை அதிகரிக்கச் செய்து கொண்டிருக்கிறது‌.

உபேந்திரா பேட்டி:

இந்நிலையில் பிரபல நடிகர் மற்றும் இயக்குனருமான உபேந்திரா சமீபத்தில் கூலி படத்தில் நடிப்பது குறித்து பேட்டி ஒன்றில் பேசியுள்ளார். அதில், நான் என்னுடைய படத்தின் வேலைக்காக சென்னை வந்தேன். அப்போது எனக்கு இயக்குனர் லோகேஷ் கனகராஜ் இடம் இருந்து அழைப்பு வந்தது. அப்போது தான் அவர் ‘கூலி’ படத்தின் ஒன்லைன் ஸ்டோரியை மட்டும் எனக்குச் சொன்னார். அதற்குப் பிறகு நான் அவரிடம் மீதிக் கதையை சொல்ல வேண்டாம் என்று சொல்லிவிட்டேன்.

ரஜினியுடன் நடிப்பது குறிப்பு உபேந்திரா:

சூப்பர் ஸ்டார் ரஜினியின் படத்தில் நடிக்க யாருக்குத்தான் ஆசை இருக்காது. எனக்கு அவர் வரும் காட்சியில், அவரின் பக்கத்தில் இருக்க வேண்டும், அதுவே போதும் என்றேன். அவர் மீது பெரிய மரியாதை எனக்கு இருக்கிறது. பணமெல்லாம் பெரிய விஷயமே இல்லை. நான் அவருடைய பெரிய ரசிகன் என்று கூறியுள்ளார். நடிகர் உபேந்திரா தமிழில் நடித்து பல வருடங்கள் ஆகிவிட்டது. கடைசியாக இவர், நடிகர் விஷால் நடிப்பில் வெளியாகியிருந்த ‘சத்யம்’ படத்தில் நடித்திருந்தார்.

நாகார்ஜுனாவும் இணைகிறார்:

கிட்டத்தட்ட 16 ஆண்டுகளுக்குப் பிறகு தமிழில் இவர் ‘கூலி’ படம் மூலம் ரீ என்ட்ரி ஆகிறார். என்பது குறிப்பிடத்தக்கது. அதேபோல், பிரபல தெலுங்கு நடிகர் நாகார்ஜுனா முதல் முறையாக ரஜினியுடன் இப்படத்தின் மூலம் இணைகிறார் என்பது குறிப்பிடத்தக்கது. அதேபோல், பிரபல தெலுங்கு நடிகர் நாகார்ஜுனா இதற்கு முன்பு ஒரு சில தமிழ் படங்களில் நடித்திருந்தாலும் இப்படத்தின் மூலம் முதல் முறையாக ரஜினியுடன் இணைகிறார் என்பது குறிப்பிடத்தக்கது. இப்படி பல பிரபலங்கள் கூலி படத்தில் நடிப்பது மக்களிடையே பெரும் எதிர்பார்ப்புகளை ஏற்படுத்தியுள்ளது‌.