இனி ரஜினியின் மகள் மட்டுமே, தனுஷ் பெயரை நீக்கிய ஐஸ்வர்யா – தனுஷின் தோழி ட்வீட்டால் கடுப்பானாரா ?

சமீபத்தில் 18 ஆண்டு திருமண வாழ்க்கையில் இருந்து பிரிவதாக தனுஷ் மற்றும் ஐஸ்வர்யா அறிவித்து இருந்தது அனைவரும் அறிந்த ஒன்று. தனுஷின் இந்த முடிவை தொடர்ந்து ரசிகர்கள், பிரபலங்கள் என பலரும் பல விதமான கருத்துக்களை போட்டு வருகின்றனர். மேலும், இவர்கள் இருவரையும் சேர்த்து வைக்க குடும்பத்தினர், உறவினர்கள், நண்பர்கள், ரசிகர்கள், தெரிந்தவர்கள், தெரியாதவர்கள் என பலரும் பல முயற்சிகள் செய்து வருகின்றனர். சமீபத்தில் கூட ஐஸ்வர்யாவை விவாகரத்துச் செய்வதில் தனுஷ் மனம் மாறி இருப்பதாக தகவல் வெளியாகி இருந்தது. அதோடு பிரிய போகிறோம் என்று அறிவித்த பிறகு இருவரும் தங்களின் கேரியரில் அதிக கவனம் செலுத்தி வருகிறார்.

தற்போது தனுஷ் தி கிரேட் மேன் என்ற தனுஷ் திரைப்படத்தில் நடித்து முடித்து உள்ளார். இதை தொடர்ந்து தனுஷ் அவர்கள் திருச்சிற்றம்பலம், நானே வருவேன், வாத்தி, sir ஆகிய பல படங்களில் நடித்து வருகிறார். இப்படி தொடர்ந்து தனுஷ் பல படங்களில் கமிட்டாகி பிஸியாக நடித்துக் கொண்டிருக்கிறார். அதேபோல் ஐஸ்வர்யா மியூசிக் ஆல்பத்தை இயக்கி வெளியிட்டு இருக்கிறார். பிறகு ஐஸ்வர்யா படம் இயக்க இருப்பதாகவும் தகவல் வெளியானது. சமீபத்தில் தனுஷ் நடித்த மாறன் திரைப்படம் டிஸ்னி ப்ளஸ் ஹாட்ஸ்டாரில் வெளியாகி இருந்தது.

மாறன் படம் பற்றிய தகவல்:

இந்த படத்தை கார்த்திக் நரேன் இயக்கி இருந்தார். மேலும், படத்தில் மாளவிகா மோகனன், மகேந்திரன், சமுத்திரகனி, ஸ்மிருதி வெங்கட் உட்பட பல நடிகர்கள் நடித்திருந்தார்கள். ஜிவி பிரகாஷ் இந்த படத்திற்கு இசையமைத்து இருந்தார். இந்த படத்தை சத்யஜோதி பிலிம்ஸ் நிறுவனம் தயாரித்திருந்தது. இந்த படம் வெளியாகி ரசிகர்கள் மத்தியில் கலவையான விமர்சனத்தை பெற்று வருகிறது. இதனிடையியே இந்த படம் ரிலீஸ் செய்தியை தனுஷ் ட்விட்டரில் பதிவிட்டிருந்தார். அந்த ட்வீட்டை ஐஸ்வர்யா ரஜினிகாந்த் லைக்ஸ் செய்து இருந்தார்.

தனுஷ்-ஐஸ்வர்யா பற்றிய விவரம்:

பின் சில தினங்களுக்கு முன் ஐஸ்வர்யா ரஜினிகாந்த் பயணி என்ற ஆல்பத்தை வெளியிட்டார். தமிழில் அனிரூத் இசையமைத்து பாடியுள்ளார். இது தமிழ், தெலுங்கு, மலையாளம் மற்றும் ஹிந்தி என பல்வேறு மொழிகளிலும் வெளியிடப்பட்டுள்ளது. தனுஷூம் தன்னுடைய சோஷியல் மீடியா பக்கத்தில் ஐஸ்வர்யாவின் பயணி ஆல்பத்தை பகிர்ந்து, ‘தோழி’ ஐஸ்வர்யாவின் பயணி ஆல்பம் வெற்றியடைய வாழ்த்துகள் என கூறி இருந்தார். இந்த பதிவை கண்ட ரசிகர்கள் பலரும் அதிர்ச்சி அடைந்து கமெண்ட் போட்டு இருந்தார்கள்.

தனுஷிடம் இளையராஜா சொன்னது:

பின் சமீபத்தில் நடந்த இளையராஜாவின் இசை கச்சேரியில் தனுஷ் தன் மகன்களுடன் கலந்து கொண்டு இருந்தார். அப்போது இளையராஜா தனுஷை பார்த்து உன்னுடைய மாமனார் ரஜினிகாந்த் தான் என்று அழுத்தி கூறியது சோசியல் மீடியாவில் பேசும் பொருளாக உள்ளது. அதுமட்டும் இல்லாமல் நிகழ்ச்சியில் தனுஷ் மேடை ஏறி தனது மகனுக்காக இளையராஜாவிடம் அனுமதி வாங்கி ஒரு எமோஷனலான பாடல் பாடி இருந்தார் என்பது குறிப்பிடத்தக்கது. இதையெல்லாம் பார்த்த ரசிகர்கள் கண்டிப்பாக தனுஷ்- ஐஸ்வர்யா இருவரும் சேர்வார்கள் என்று நம்பிக்கையோடு இருக்கிறார்கள்.

ஐஸ்வர்யா செய்த செயல்:

இந்த நிலையில் திடீரென்று ஐஸ்வர்யா செய்திருக்கும் செயல் ரசிகர்களுக்கு பெரும் அதிர்ச்சியை ஏற்படுத்தி இருக்கிறது. அது என்னவென்றால், ஐஸ்வர்யா தன்னுடைய டுவிட்டரில் ஐஸ்வர்யா தனுஷ் என்ற பெயரை நீக்கி ஐஸ்வர்யா ரஜினிகாந்த் என மாற்றியுள்ளார். ஆனால், இன்ஸ்டாகிராமில் ஐஸ்வர்யா தனுஷ் என்றே இருக்கிறது. திடிரென்று ஐஸ்வர்யா தன்னுடைய பெயரை ரஜினிகாந்த் என்று மாற்றி இருப்பது ரசிகர்களுக்கு அதிர்ச்சி அளித்து இருக்கிறது.