நடிகை நயன்தாரா குறைவான சம்பளம் வாங்குவதற்கான காரணம் தான் தற்போது இணையத்தில் வைரலாகி வருகிறது. தொகுப்பாளராக தன்னுடைய பயணத்தை தொடங்கி இன்று சினிமாவில் ஒரு டாப் நடிகை ஆகவும், தமிழ் சினிமாவில் அதிக சம்பளம் வாங்கும் நடிகைகளில் ஒருவராகவும், பல ஆண்டு காலமாக லேடி சூப்பர் ஸ்டார் ஆகவும் நயன்தாரா கலக்கி கொண்டிருக்கிறார். இவர் முன்னணி நடிகை மட்டுமன்றி தயாரிப்பாளராகவும் திகழ்ந்து கொண்டிருக்கிறார்.
அதோடு நயன்தாரா தமிழ், தெலுங்கு, மலையாளம், ஹிந்தி என பல மொழி படங்களில் பிசியாக கமிட்டாகி நடித்து வருகிறார். இந்த நிலையில் நடிகை நயன்தாரா குறைவான சம்பளம் வாங்கும் தகவல் தான் தற்போது இணையத்தில் வைரலாக்கப்பட்டு வருகிறது. பொதுவாக, நயன் ஒரு படத்திற்கு 10 கோடி முதல் 12 கோடி வரை சம்பளம் வாங்குவதாக கூறப்படுகிறது. ஆனால், இவர் மலையாள மொழி படங்களில் மட்டும் தான் குறைவான சம்பளம் வாங்கி வருகிறாராம்.
நயன்தாரா சம்பளம் :
இவர் தமிழில் 10, 12 கோடி வாங்கிவிட்டு அதில் பாதி தான் மலையாள படங்களில் வாங்கியிருக்கிறார். இதற்கு காரணம், தன்னுடைய சொந்த மொழி மலையாளம் என்பது தானாம். இதை மூத்த பத்திரிகையாளர் அந்தணன் சமீபத்தில் அளித்த பேட்டியில் கூறியிருக்கிறார். மேலும், சமீபகாலமாக நயன் கதாநாயகிகளுக்கு முக்கியத்துவம் கொடுக்கும் படங்களை மட்டும் தேர்ந்தெடுத்து நடித்து வருகிறார்.
நயன் திரைப்பயணம்:
கடந்த ஆண்டு அட்லீ இயக்கத்தில் நயன் நடித்த ஜவான் படம் மிக பெரிய அளவில் வசூல் சாதனை செய்து இருந்தது. அதற்கு பின் நயன் நடித்த ‘அன்னபூரணி’ படம் ரசிகர்கள் மத்தியில் கலவையான விமர்சனத்தை பெற்றிருந்தது. இதை அடுத்து இவர் கோலிவுட், பாலிவுட் என பிசியாக பல படங்களில் கமிட்டாகி நடித்து வருகிறார். தற்போது இவர் ‘மண்ணாங்கட்டி’ என்ற படத்தில் நடித்து முடித்து இருக்கிறார்.
நயன் படங்கள்:
இதை அடுத்து இவர் ஒரு மலையாள படத்திலும் கமிட்டாகியிருக்கிறார். பின் யாஷ் நடிப்பில் உருவாகி வரும் டாக்சிக் என்ற படத்தில் யாஷ் சகோதரியாக நயன்தாரா நடித்து வருகிறார். இது தவிர கவினுக்கு ஜோடியாக ஒரு படத்தில், ஆர் ஜே பாலாஜியின் மூக்குத்தி அம்மன் 2, அஜித் நடிப்பில் உருவாகி வரும் ‘குட் பேட் அக்லி’ என தொடர்ந்து பல படங்களில் நயன்தாரா பிசியாக நடித்துக் கொண்டிருக்கிறார். அதுமட்டுமில்லாமல் இவர் சொந்தமாக தொழிலும் கவனம் செலுத்தி வருகிறார்.
நயன் குடும்பம்:
இதற்கிடையில் நயன்-இயக்குனர் விக்னேஷ் சிவன் இருவரும் கடந்த 2022 ஆம் ஆண்டு திருமணம் செய்து கொண்டனர். திருமணத்திற்கு பின்னர் விக்கி-நயனுக்கு இரட்டை ஆண் குழந்தைகள் பிறந்தது. வாடகைத் தாய் மூலம் அவர்கள் இந்த குழந்தைகளை பெற்றுக் கொண்டனர். அந்த குழந்தைகளுக்கு உயிர், உலக் என்று பெயர் வைத்தது நாம் அறிந்ததே. குழந்தை பிறந்த பின்னரும் சினிமாவில் நடித்து வரும் நயன்தாரா, எவ்வளவு பிஸியாக இருந்தாலும் குழந்தைகளுடன் அதிக நேரம் செலவிடுவது வாடிக்கையாக வைத்துள்ளார்.
