அட்லீ தனது மகனுக்கு வைத்து இருக்கும் பெயர் சமூக வளைத்ததில் பேசுபொருளாகி இருக்கிறது. தமிழ் சினிமா உலகில் நுழைந்த குறுகிய காலத்திலேயே மிகப் பிரபலமான இயக்குனர்களில் ஒருவராக திகழ்ந்து வருபவர் அட்லீ. இவர் மதுரையை சேர்ந்தவர். இவர் சினிமா உலகில் இயக்குனர், திரைக்கதை, எழுத்தளார் என பல முகங்களைக் கொண்டு திகழ்கிறார். இவர் ராஜா ராணி படத்தின் மூலம் தான் சினிமா உலகில் இயக்குனராக அறிமுகமானார்.
முதல் படத்திலேயே இவர் ரசிகர்கள் மத்தியில் தனெக்கென ஒரு இடத்தை பிடித்தார். பின் இவர் தளபதி விஜய்யை வைத்து தெறி, மெர்சல், பிகில் ஆகிய மூன்று சூப்பர் ஹிட் படங்களை கொடுத்தார். விஜயை வைத்து இவர் இயக்கிய மூன்று படங்களும் விமர்சன ரீதியாகவும், வசூல் ரீதியாகவும் நல்ல வரவேற்பை பெற்று இருந்தது. இதன் மூலம் அட்லீ அவர்கள் தமிழ் சினிமா உலகில் முன்னணி இயக்குனர்களுக்கு இணையான அந்தஸ்திற்கு உயர்ந்தார்.
அட்லீ – ப்ரியா திருமணம்:
அட்லீ அவர்கள் பிரபல சின்னத்திரை நடிகையான ப்ரியாவை காதலித்து திருமணம் செய்து கொண்டார். ப்ரியா அவர்கள் விஜய் டிவி கனா காணும் காலங்கள் சீரியல் மூலம் மக்கள் மத்தியில் பிரபலமானவர். அதனை தொடர்ந்து இவர் பல சீரியல்களில் நடித்து இருக்கிறார். பின் இவர் வெள்ளித்திரையிலும் சில படங்களில் நடித்து இருக்கிறார். மேலும், கடந்த 2014 ஆம் ஆண்டு பிரியா, அட்லீயை திருமணம் செய்து கொண்டார்.
பிரியா- அட்லீ குறித்த தகவல்:
திருமணத்திற்கு பின் பிரியா நடிப்பதை நிறுத்தி விட்டார். ஆனால், ப்ரியா அட்லீ எப்போதும் சமூக வலைத்தளங்களில் ஆக்டிவாக இருப்பார். இவர் தன் கணவருடன் எடுக்கும் போட்டோ, வீடியோ என அனைத்தையும் சோசியல் மீடியாவில் பதிவிட்டு வருவார். சமீபத்தில் கூட இவர் திருமண நாள் கொண்டாடி இருந்த புகைப்படத்தை பகிர்ந்து இருந்தார். இந்த நிலையில் அட்லி அவர்கள் ஒரு சந்தோஷமான செய்தியை சோசியல் மீடியாவில் பகிர்ந்திருந்தார்.
சமீபத்தில் பிறந்த மகன் :
அதாவது, தான் அப்பாவாகிய தகவலை தான் அட்லீ பகிர்ந்திருந்தார். பிரியா மற்றும் அட்லி இருவருக்கும் திருமணம் ஆகி 8 வருடங்கள் ஆகிறது. தற்போது பிரியா கர்ப்பமாக இருக்கிறார். இதை தான் அட்லி சோசியல் மீடியாவில் அறிவித்திருந்தார். இப்படி ஒரு நிலையில் சமீபத்தில் அட்லீ - பிரியாவிற்கு ஆண் குழந்தை பிறந்து இருந்தது. இந்த பதிவு வைரலானதை தொடர்ந்து ரசிகர்கள் பலரும் வாழ்த்துக்களை தெரிவித்து வந்தனர்.
மகனுக்கு வித்யாசமான பெயர் :
இப்படி ஒரு நிலையில் தங்கள் மகனுக்கு மீர் என்று பெயர் வைத்துள்ளதாக அறிவித்து இருக்கின்றனர். இதனை கண்ட ரசிகர்கள் பலரும் மீர் என்று வைத்ததற்கு பதிலாக பீர் என்று வைத்து இருக்கலாமே என்று கேலி செய்து வருகின்றனர். ஏற்கனவே விக்னேஷ் சிவன் - நயன்தாரா தம்பதி தங்கள் மகன்களுக்கு உயிர் மற்றும் உலக் என்று பெயர் வைத்து இருந்தது சமூக வலைத்தளத்தில் பெரும் கேலிக்கு உள்ளாகி இருந்தது என்பதும் குறிப்பிடத்தக்கது.
