தமிழ்த்திரையுலகில் நயன்தாரா என்றால் தேவதை என்கிற அந்தஸ்தை இளைஞர்களிடமிருந்து பெற்றிருக்கின்றார் நயன்தாரா.
தமிழ்த்திரையுலகில் கடந்த பத்து ஆண்டுகளுக்கும் மேலாக அதிக ரசிகர்களை பெற்றிருக்கும் ஒரே நடிகை இவர் தான். நயன்தாராவின் முன்னாள் காதல்கள் பற்றி இங்கு அனைவரும் அறிந்ததே. சிம்பு,பிரபுதேவா போன்றோரை காதலித்து பின்னர் ஏமாந்ததே மிச்சம்.
இந்நிலையில் நயன்தாரா தற்போது இயக்குனர் விக்னேஷ் சிவனை காதலித்து வருகின்றார். இவர்கள் இருவருக்கும் விரைவில் திருமணமும் நடைபெறவுள்ளது.
ஏற்கனவே சில மாதங்களுக்கு முன்பு விக்னேஷ் சிவன் பிறந்தநாளின்போது, நயன்தாரா விக்னேஷ் சிவனுக்கு சர்ப்ரைஸ் தரும் விதத்தில் அவரே டிக்கெட் போட்டு அமெரிக்காவிற்கு போய் இருவரும் விக்னேஷ் சிவனின் பிறந்தநாளை கொண்டாடிவிட்டுத் திரும்பினார்கள்.
அப்போது அமெரிக்காவில் நயன்தாராவும்,விக்னேஷ் சிவனும் நெருக்கமாக இருந்த புகைப்படங்களை விக்னேஷ் சமூகவலைத்தளத்தில் பதிவேற்றினார். அது அப்போது வைரலானது.
அதேபோல தற்போது ஆஸ்கர் விருது விழா நடைபெற்ற லாஸ் ஏஞ்சல்ஸ் நகரத்துக்கு இருவரும் சென்றிருக்கிறார்கள். அங்கு இருவரும் இணைந்து எடுத்துக்கொண்ட புகைப்படங்களை ட்விட்டரில் பதிவேற்றியுள்ளார் விக்னேஷ் சிவன்.
இம்முறையும் இருவரும் நெருக்கமாக ரொமான்ஸ் செய்யும் காட்சிகள் சமூகவலைத்தளங்களில் வைரலாக தொடங்கியுள்ளது. “வாழ்றான்டா விக்னேஷ் சிவன்” என்கிற நயன்தாரா ரசிகர்களின் மைன்ட்வாய்ஸ் சற்று அதிகமாகவே இம்முறை காதில் விழுகின்றது.