ஈஸ்வரி ரெஸ்டாரண்டை சீல் வைத்து இழுத்து மூடிய அதிகாரிகள், வேதனையில் கதறும் பாக்கியா குடும்பம்- பாக்கியலட்சுமி

விஜய் டிவியில் ஒளிபரப்பாகும் 'பாக்கியலட்சுமி ' சீரியலில் கடந்த வாரம் பாக்கியா தன்னுடைய புதிய ஆர்டர் கான வேலைகளை சிறப்பாக முடித்து விட்டார். பின் வந்த ஆர்டர்களை எல்லாம் பாக்கியா நல்லபடியாக முடித்து அனுப்பி விட்டார். ரெஸ்டாரண்டிலும் பயங்கர கூட்டமாக இருந்தது. அப்போது ஒருவர், சாப்பாடு எல்லாம் கெட்டுப் போய்விட்டது என்று கடையில் சாப்பாட்டை கொட்டி ஒரே பிரச்சனை செய்தார். இவரை தொடர்ந்து அன்று சாப்பாடு வாங்கிய எல்லோரும், கெட்டு போன சாப்பாடு என்று பாக்யாவிடம் சண்டைக்கு போனார்கள். பாக்யாவிற்கு என்ன நடக்கிறது? என்ன சொல்வது? என்று புரியாமல் இருந்தார்.

இன்னொரு பக்கம் அந்த செப் மட்டும் சந்தோஷத்தில் கோபிக்கு நடப்பதை அப்டேட் செய்து கொண்டிருந்தார். உடனே கோபி, பாக்யா ரெஸ்டாரண்ட்டுக்கு வெளியே நின்று ரசித்து பார்த்துக் கொண்டிருந்தார். சோசியல் மீடியா, பிரஸ், உணவுத்துறை அதிகாரிகள் எல்லோருமே பாக்யா ரெஸ்டாரண்டுக்கு வந்து விவாதம் செய்தார்கள். பின் அதிகாரிகள் பாக்யாவின் ரெஸ்டாரண்டை சோதனை செய்கிறார்கள். இன்னொரு பக்கம் வீட்டில் உண்மையறிந்து ஈஸ்வரி, செழியன், இனியா எல்லோருமே பதட்டப்படுகிறார்கள்.

பாக்கியலட்சுமி சீரியல்:

பாக்கியாவின் ரெஸ்டாரண்டில் மக்கள் எல்லோருமே ஆவேசமாக கொந்தளித்து கத்துகிறார்கள். நேற்று எபிசோட்டில், ரெஸ்டாரண்டில் நடந்த விஷயத்தை அறிந்து மொத்த குடும்பமே வேதனைப்படுகிறது. செழியன்,எழில் இருவருமே கடைக்கு வந்து எல்லோரையும் சமாதானம் செய்ய முயற்சி செய்தார்கள். ஆனால், யாரும் கேட்கவில்லை. ஒரு கட்டத்தில் மக்கள் ஆவேசமாகி பாக்கியாவை தாக்க போனார்கள். பின் பாக்கியா, நான் பணத்தை எல்லாம் திருப்பிக் கொடுத்து விடுகிறேன். எனக்கு டைம் கொடுங்கள் என்று பேசி இருந்தார்.

பாக்கியா ரெஸ்டாரண்ட் ப்ரச்சனை:

இன்னொரு பக்கம் உணவுத்துறை அதிகாரிகள் ரெஸ்டாரண்டை சோதனை செய்த போது, கெட்டுப்போன பொருட்களை வைத்து சமைத்தது தெரிய வந்தது. இதை பாக்கியாவிடம் சொல்ல அவர் அதிர்ச்சி ஆனார். பின் உணவுத்துறை அதிகாரிகள் பாக்கியாவின் ரெஸ்டாரன்ட்டுக்கு 50,000 பைன் போட்டு கடைக்கு சீல் வைத்தார்கள். இதனால் எல்லோருமே அதிர்ச்சியாகி இருக்கிறார்கள். இந்நிலையில் இன்றைய எபிசோட்டில், சோசியல் மீடியா, நியூஸ் ஊடகங்கள் எல்லாமே பாக்கியா உணவு குறித்து தவறான செய்திகள் பரவிக் கொண்டிருக்கின்றது.

இன்றைய எபிசோட்:

வேதனையில் பாக்கியா அழுது புலம்ப, பழனிச்சாமி- எழில் எல்லோருமே அவருக்கு சமாதானம் சொல்கிறார்கள். இருந்தும் பாக்கியாவால் ஏற்றுக்கொள்ள முடியவில்லை. இன்னொரு பக்கம் வீட்டில் கோபி, சோசியல் மீடியாவில் பாக்யாவின் ரெஸ்டாரண்டை குறித்து வரும் செய்தியை பார்த்து ரொம்ப சந்தோஷப்பட்டு கொண்டிருக்கிறார். இதை பார்த்த ராதிகா, என்ன விஷயம்? என்று கேட்டதற்கு, நடந்ததை கோபி சொன்னார். ஆனால், ராதிகா அதை நம்பவில்லை.

சீரியல் ட்ராக்:

பின் ஈஸ்வரி, என்னால் தான் இதெல்லாம் நடந்தது என்று புலம்ப பாக்யா அவருக்கு ஆறுதல் சொல்லி சமாதானம் சொல்கிறார். எல்லோரும் பாக்கியாவின் ரெஸ்டாரண்ட் குறித்து தான் பேசி கொண்டு இருக்கிறார்கள். பின் தன்னிடம் சாப்பாடு வாங்கியவர்களுக்கு பணத்தை திருப்பி கொடுக்க ஜெனி- பாக்யா இருவரும் கணக்குப் போட்டுக் கொண்டிருக்கிறார்கள். அப்போது நிறைய லட்சக்கணக்கில் நஷ்டம் அடைவதை நினைத்து செல்வி வருத்தப்படுகிறார். இத்துடன் சீரியல் முடிகிறது.