விஜய் டிவியில் டிஆர்பியில் முன்னிலை வகுக்கும் ‘பாக்கியலட்சுமி’ சீரியல் தொடங்கிய நாளில் இருந்து தற்போது வரை விறுவிறுப்பாக சென்று கொண்டு இருக்கிறது. சீரியலில் பாக்கியாவை அவர் கணவர் கோபி விவாகரத்து செய்து ராதிகாவை இரண்டாம் திருமணம் செய்து கொள்கிறார். விவகாரத்திற்கு பின் பாக்கியா கேண்டீன், சமையல், கல்லூரி என்று சுற்றி கொண்டிருக்கிறார். பின் ராதிகா கர்ப்பமாக இருந்தார். ஆனால், எதிர்பாராத விதமாக கால் தடுமாறி ராதிகா கீழே விழுந்ததால் கர்ப்பம் கலைந்து விட்டது. இதனால் கோபமடைந்த ராதிகா, ஈஸ்வரியை பயங்கரமாக திட்டி தீர்த்தார். பின் கோபி, தன் அம்மாவை வீட்டை விட்டு வெளியே போக சொன்னார்.
இந்த நேரத்தில் ராதிகா அம்மா, போலீஸ் ஸ்டேஷனில் ஈஸ்வரி மீது புகார் கொடுத்து விட்டார். இதனால் போலீசும் ஈஸ்வரியை கைது செய்தது. மேலும், நீதிமன்றத்தில் எல்லா பக்கமும் ஈஸ்வரிக்கு எதிராக இருந்ததால் ஈஸ்வரியை நீதிமன்ற காவலில் வைத்து இருந்தார்கள். அப்போது பார்க்கில் இருந்த மையூ, என்னுடைய அம்மா பூ ஜாடி தடிக்கி தான் கீழே விழுந்தார். ஈஸ்வரி பாட்டி தள்ளிவிடவில்லை. அவர் காப்பாற்ற தான் சென்றதை நான் பார்த்தேன் என்று சொன்னதைக் கேட்டு பாக்கியா அதிர்ச்சி ஆகி இருந்தார். பின் மயூ சொன்ன சாட்சியை ஏற்று நீதிமன்றம் ஈஸ்வரி வழக்கை தள்ளுபடி செய்தது. மொத்த குடும்பமும் சந்தோஷமாக இருக்கிறது.
பாக்கியலட்சுமி சீரியல்:
பின் ராதிகா, கமலா மீது கோபப்பட்டு பேசி இருந்தார். கடைசியில் கமலா வீட்டை விற்று சென்று விட்டார். பின் கோபி, தன்னுடைய அம்மா ஈஸ்வரிடம் மனம் விட்டு அழுது மன்னிப்பு கேட்டார். ஆனால், கோபத்தில் ஈஸ்வரி, இனி எனக்கு மகனே இல்லை. எனக்கு இருப்பது ஒரே மகள் பாக்யா தான். நான் இறந்த பிறகு கூட என்னுடைய சாவிற்கு நீ வரக்கூடாது என்று தலையில் தண்ணீர் எடுத்து ஊற்றிக் கொண்டார். கோபி எதுவும் பேச முடியாமல் மனம் நொந்து வெளியே வந்து விட்டார். இந்த சூழ்நிலையில் சென்னையில் சமையல் போட்டி நடக்கிறது. அதில் பாக்கியா-கோபி இருவரும் கலந்து கொண்டு இருக்கிறார்கள்.
சமையல் போட்டி:
அப்போது கோபி, நான் தான் வெற்றி பெறுவேன் என்று பாக்கியாவிடம் சவால் விடுகிறார். சமையல் போட்டியும் மும்முரமாக நடைபெற்றது. இன்னொரு பக்கம் இனியா தன்னுடைய நண்பர்களுடன் சேர்ந்து படிக்க செல்கிறேன் என்று பொய் சொல்லி பார்ட்டிக்கு சென்றிருக்கிறார். அங்கு ஆட்டம் பாட்டம் என்று சந்தோசமாக இனியா இருக்கிறார். மேலும், நேற்று எபிசோடில், சமையல் டாஸ்க்கில் கோபி தான் வெற்றி பெற்று இருந்தார். அப்போது இனியா போன் எடுக்கவில்லை என்ற பதட்டத்தில் செழியனிடம் சொல்கிறார் பாக்கியா. செழியன், இனியா பிரண்டு வீட்டிற்கு சென்று தேடிக் கொண்டிருக்கிறார். ஆனால், பார்ட்டியில் நண்பர்களுக்குள் இடையில் சண்டை வந்ததால் போலீசிக்கு தகவலை சொல்லி விடுகிறார்கள்.
இன்றைய எபிசோட்:
இன்னொரு பக்கம் பாக்கியா, இனியவை நினைத்து ரொம்ப வருத்தப்பட்டுக் கொண்டிருக்கிறார். இன்றைய எபிசோடில், பார்ட்டி நடந்த இடத்திற்கு போலீஸ் வந்து அனைவரையுமே கைது செய்ய பார்க்கிறது. இனியா,எந்த தவறும் செய்யவில்லை என்று அழுது புலம்புகிறார். அந்த சமயம் அங்கு ராதிகா இருந்தார். ராதிகாவிடம் நடந்தது குறித்து இனியா சொல்லி அழுகிறார். பின் ராதிகா யாரிடமோ பேசி தடுத்து இனியாவை காப்பாற்றுகிறார். அதற்கு பின் செழியனுக்கு போன் செய்து வரவைக்கிறார். செழியன், இனியாவை பயங்கரமாக திட்டி ராதிகாவிற்கு நன்றி சொல்லி அவரை அழைத்து போக பார்க்கிறார்.
https://youtu.be/mItLWLaSXH0?si=0VmHSz417aLvq-cu
சீரியல் ப்ரோமோ:
உடனே ராதிகா, இனியா கையை பிடித்து உன் அம்மா இங்க வர வேண்டும், அதுவரையும் நான் இனியாவை போக விடமாட்டேன் என்று சொன்னதைக் கேட்டு இனியா-செழியன் இருவருமே அதிர்ச்சி ஆகிறார்கள். இந்நிலையில் தற்போது வெளியாகியிருக்கும் ப்ரோமோவில், ராதிகா போலீசில் இனியா மாட்டிக் கொண்டது குறித்து பாக்கியாவிடம் போனில் சொல்லி பார்ட்டி நடந்த இடத்திற்கு வர வைக்கிறார். பாக்கியா- ஈஸ்வரி இருவருமே வருகிறார்கள். அங்கு ராதிகா, உன் மகளை போலீஸ் கைது செய்தது. ஆனால், நான் தான் காப்பாற்றினேன். என் மகளை நீ கோர்ட்டில் ஏத்தி நிறுத்தி விட்டாய் என்று ஆவேசத்தில் கேட்கிறார். எதுவும் பேச முடியாமல் பாக்கியா நிற்கிறார். இனி வரும் நாட்களில் ராதிகா, பாக்கியாவை பலி வாங்குவாரா? சமையல் போட்டியில் பாக்கியா வெற்றி பெற்றாரா? இனியா நிலமை என்ன? போன்ற விறுவிறுப்பில் சீரியல் சென்று கொண்டிருக்கின்றது.
