விஜய் டிவியில் டிஆர்பியில் முன்னிலை வகுக்கும் ‘பாக்கியலட்சுமி’ சீரியல் தொடங்கிய நாளில் இருந்து தற்போது வரை விறுவிறுப்பாக சென்று கொண்டு இருக்கிறது. சீரியலில் பாக்கியாவை அவர் கணவர் கோபி விவாகரத்து செய்து ராதிகாவை இரண்டாம் திருமணம் செய்து கொள்கிறார். விவகாரத்திற்கு பின் பாக்கியா கேண்டீன், சமையல், கல்லூரி என்று சுற்றி கொண்டிருக்கிறார். பின் ராதிகா கர்ப்பமாக இருந்த உண்மை வீட்டில் எல்லோருக்கும் தெரிந்து அதிர்ச்சி ஆகி இருந்தார்கள். பின் கால் தடுமாறி ராதிகா கீழே விழுந்ததால் கர்ப்பம் கலைந்து விட்டது.
இதனால் கோபமடைந்த ராதிகா, ஈஸ்வரியை பயங்கரமாக திட்டி தீர்த்தார். பின் கோபி, தன் அம்மாவை வீட்டை விட்டு வெளியே போக சொன்னார். மனமுடைந்த ஈஸ்வரி, பாக்கியா வீட்டிற்கு வந்து விட்டார். இந்த நேரத்தில் ராதிகா அம்மா, போலீஸ் ஸ்டேஷனில் ஈஸ்வரி மீது புகார் கொடுத்து விட்டார். இதனால் போலீசும் ஈஸ்வரியை கைது செய்தது. மேலும், நீதிமன்றத்தில் எல்லா பக்கமும் ஈஸ்வரிக்கு எதிராக இருந்தது. இதனால் ஈஸ்வரியை நீதிமன்ற காவலில் வைக்க வேண்டும் என்று நீதிபதி உத்தரவிட்டு இருந்தார். அப்போது பார்க்கில் இருந்த மையூ, என்னுடைய அம்மா பூ ஜாடி தடிக்கி தான் கீழே விழுந்தார்.
பாக்கியலட்சுமி சீரியல்:
ஈஸ்வரி பாட்டி தள்ளிவிடவில்லை. அவர் காப்பாற்ற தான் சென்றார். அதை நான் பார்த்தேன் என்று சொன்னதைக் கேட்டு பாக்கியா அதிர்ச்சி ஆகி இருந்தார். மேலும், மயூ சொன்ன சாட்சியை ஏற்று நீதிமன்றம் ஈஸ்வரி வழக்கை தள்ளுபடி செய்தது. மொத்த குடும்பமும் சந்தோஷமாக இருக்கிறது. பின் ராதிகா கோர்ட்டில் நடந்ததை மயூ இடம் விசாரித்தார். அதன் பின் கமலாவை பார்த்து ராதிகா கோபப்பட்டு பேசி இருந்தார். கடைசியில் கமலா வீட்டை விற்று சென்று விட்டார். பின் கோபி, தன்னுடைய அம்மா ஈஸ்வரிடம் மனம் விட்டு அழுது மன்னிப்பு கேட்டார். ஆனால், கோபத்தில் ஈஸ்வரி, இனி எனக்கு மகனே இல்லை.
ஈஸ்வரி செய்த செயல்:
எனக்கு இருப்பது ஒரே மகள் பாக்யா தான். நான் இறந்த பிறகு கூட என்னுடைய சாவிற்கு நீ வரக்கூடாது என்று தலையில் தண்ணீர் எடுத்து ஊற்றிக் கொண்டார். இதை பார்த்து வீட்டில் உள்ள எல்லோருமே அதிர்ச்சி ஆனார்கள். கோபி எதுவும் பேச முடியாமல் மனம் நொந்து வெளியே வந்து விட்டார். பின் ராதிகா வீட்டிற்கு வந்து அழுது கொண்டிருந்தார். ராதிகா, நான் தெரியாமல் செய்து விட்டேன். சாரி என்று கேட்டவுடன் ஒரே சாரியில் எல்லாம் முடிந்ததா? என்று கோபி வேதனையில் பேசி இருந்தார். பின் கோபி தன் அம்மாவை நினைத்து புலம்பி அழுது கொண்டிருந்தார். அடுத்த நாள் ராதிகா, கோபத்தில் பாக்கியாவை திட்டி விடுகிறார்.
நேற்று எபிசோட்:
இன்னொரு பக்கம், வீட்டில் ஈஸ்வரி நடந்ததை நினைத்துக் கொண்டே இருந்தார். அந்த சமயம் பார்த்து கோபி வீட்டிற்கு மீண்டும் வந்தார். உடனே ஈஸ்வரி, கோபியை திட்டி வெளியே போ என்று சொல்லி கதவை மூடி விட்டார். மேலும், சென்னையில் சமையல் போட்டி நடக்கிறது. அதில் பாக்கியா-கோபி இருவரும் கலந்து கொண்டு இருக்கிறார்கள். அப்போது கோபி, நான் தான் வெற்றி பெறுவேன் என்று பாக்கியாவிடம் சவால் விடுகிறார். பின் சமையல் போட்டியும் மும்முரமாக நடைபெற்றது.
சீரியல் ப்ரோமோ:
இந்நிலையில் தற்போது வெளியாகியிருக்கும் புரோமோவில் சமையல் போட்டியில் கோபி- பாக்கியா இருவருமே மாற்றி மாற்றி சமைத்துக் கொண்டிருக்கிறார்கள். இன்னொரு பக்கம் இனியா தன்னுடைய நண்பர்களுடன் சேர்ந்து படிக்க செல்கிறேன் என்று பொய் சொல்லி பார்ட்டிக்கு சென்றிருக்கிறார். அங்கு இனியாவை சில பேர் மோசமாக பேசுகிறார்கள். இதனால் அடிதடி கலவரம் நடந்தது. பின் அந்த இடத்திற்கு வந்த போலீஸ் மொத்த பேரையும் கைது செய்து செல்கிறது. இன்னொரு பக்கம், பாக்கியா, தன் மகள் போன் எடுக்கவில்லை என்று வருத்தப்பட்டுக் கொண்டிருக்கிறார். இனி வரும் நாட்களில் இனியா கைதான விஷயம் பாக்யாவுக்கு தெரிய வருமா? சமையல் போட்டியில் பாக்கியா வெற்றி பெறுவாரா? போன்ற விறுவிறுப்பான கட்டத்துடன் சீரியல் சென்று கொண்டிருக்கின்றது
