பிக் பாஸ் சீசன் 8 நிகழ்ச்சியின் ஒன்பதாம் நாளுக்கான முதல் ப்ரோமோ வீடியோ தான் தற்போது இணையத்தில் வைரலாகி வருகிறது. விஜய் டிவியில் பிக் பாஸ் 8 நிகழ்ச்சி கோலாகலமாக தொடங்கி இன்று ஒன்பதாம் நாள். இந்த முறை நிகழ்ச்சியை விஜய் சேதுபதி தான் தொகுத்து வழங்குகிறார். இந்த சீசனில் தயாரிப்பாளர் ரவீந்தர் சந்திரசேகர், சாச்சனா நமிதாஸ், தர்ஷா குப்தா, சத்யா, தீபக், சுனிதா, கானா ஜெஃப்ரி, ஆர்ஜே ஆனந்தி, ரஞ்சித், பவித்ரா, தர்ஷிகா, அர்னவ், அன்ஷிதா, விஜே விஷால், முத்துக்குமரன், சௌந்தர்யா, ஜாக்குலின், அருண் பிரசாத் ஆகிய 18 போட்டியாளர்கள் பங்கேற்று உள்ளனர்.
இந்த முறை ஆளும் புதுசு, ஆட்டமும் புதுசு என்பதால் பல்வேறு டீவ்ஸ்டுகளுடன் பிக் பாஸ் சீசன் 8 ஆரம்பமாகியுள்ளது. அதோடு முதல் நாளே பிக் பாஸ் வீட்டுக்கு நடுவே கோடு போடப்பட்டு ஆண்கள் ஒருபுறம், பெண்கள் ஒரு புறம் இருக்க வேண்டும் என அறிவிக்கப்பட்டது. பின் 24 மணி நேர எவிக்ஷனில் அதிக நாமினேஷன்களை சாச்சனா பெற்று பிக் பாஸ் வீட்டை விட்டு வெளியேறி இருந்தார். பின் முதல் வாரத்திற்கான நாமினேஷன் பட்டியலில் ஜாக்லின்,ரவீந்தர்,சௌந்தர்யா, முத்து, ரஞ்சித்,அருண் ஆகியோர் இடம் பிடித்து இருந்தார்கள்.
பிக் பாஸ் சீசன் 8:
அதன் பின் சாச்சனா பிக் பாஸ் வீட்டுக்குள் மீண்டும் என்ட்ரி கொடுத்து இருந்தார். இவரின் என்ட்ரியால் பிக் பாஸ் வீட்டில் ஆட்டம் சூடு பிடித்து இருக்கிறது. மேலும், முதல் வார நாமினேஷனில் ரவீந்தர் தான் வெளியே போனார். ரவீந்தர் வெளியே வந்தவுடன் ஓவ்வொரு போட்டியாளர் பற்றியும் புட்டு புட்டு வைத்தார். மேலும், இரண்டாம் வாரத்திற்கான நாமினேஷன் நடந்தது. அதில் அதிக வாக்குகளை பெற்று சௌந்தர்யா, ஜெஃப்ரி, ரஞ்சித், அர்னவ், விஷால், முத்து, ஜாக்லின், தீபக் ஆகியோர் நாமினேட் ஆகி இருக்கிறார்கள்.
நேற்று எபிசோட்:
நேற்று எபிசோட்டில் இந்த இரண்டாம் வாரத்திற்கான கேப்டன்சி டாஸ்க்கில் சத்யா வெற்றி பெற்றார். அதற்குப்பின் ஆண்கள் அணியில் இருந்து தீபக்கும், பெண்கள் அணியில் இருந்து தர்ஷாவும் இடம் மாறினார்கள். அப்போது தர்ஷாவுக்கு பெண்கள் அணியினர் நிறைய அறிவுரை சொன்னார்கள். அதன் பின் மளிகை பொருள்களுக்கான டாஸ்க் நடைபெற்றது. அதில் ஆண்கள் அணியினர் வெற்றி பெற்று அதிக பொருள்களை வாங்கி இருந்தார்கள்.
https://www.youtube.com/watch?v=v5Gw-dt9Lis
முதல் ப்ரோமோ:
இந்த நிலையில் இன்றைக்கான முதல் ப்ரோமோவில், நேற்று நடந்த உருட்டு டாஸ்க்கில் ஆண்கள் அணியினர் 8000க்கு வெற்றி பெற்று 12000த்துக்கு பொருட்களை எடுத்ததால் எனக்கு என்ன தோணுதோ அந்த பொருளைதான் சமைக்க கொடுப்பேன். அதை வைத்து இந்த வாரம் ஓட்டுங்கள் என்று பிக் பாஸ் அறிவித்தவுடன் பெண்கள் அணியினர் பயங்கரமாக கத்தி சந்தோசப்படுகிறார்கள். இந்த பிளான் ஏ, பி என்று போட தெரிந்த உங்களுக்கு உள்ளே யார் போகணும் என்று பிளான் போட தெரியலையா? என்று பயங்கரமாக ஆண்கள் அணி மீது தர்ஷா கோபப்படுகிறார்.
