நல்லா தான் சமைத்தேன் வயித்தால போகுது, வாந்தி வருதுன்னு சொல்றாங்க- வேதனையில் புலம்பி அழுத தர்ஷா

பிக் பாஸ் சீசன் 8 நிகழ்ச்சியின் 11 ஆம் நாளுக்கான இரண்டாவது ப்ரோமோ வீடியோ தான் தற்போது இணையத்தில் வைரலாகி வருகிறது. விஜய் டிவியில் பிக் பாஸ் 8 நிகழ்ச்சி கோலாகலமாக தொடங்கி இன்று 11ஆம் நாள். இந்த முறை நிகழ்ச்சியை விஜய் சேதுபதி தான் தொகுத்து வழங்குகிறார். இந்த சீசனில் தயாரிப்பாளர் ரவீந்தர் சந்திரசேகர், சாச்சனா நமிதாஸ், தர்ஷா குப்தா, சத்யா, தீபக், சுனிதா, கானா ஜெஃப்ரி, ஆர்ஜே ஆனந்தி, ரஞ்சித், பவித்ரா, தர்ஷிகா, அர்னவ், அன்ஷிதா, விஜே விஷால், முத்துக்குமரன், சௌந்தர்யா, ஜாக்குலின், அருண் பிரசாத் ஆகிய 18 போட்டியாளர்கள் பங்கேற்று உள்ளனர்.

இந்த முறை ஆளும் புதுசு, ஆட்டமும் புதுசு என்பதால் பல்வேறு டீவ்ஸ்டுகளுடன் பிக் பாஸ் சீசன் 8 ஆரம்பமாகியுள்ளது. அதோடு முதல் நாளே பிக் பாஸ் வீட்டுக்கு நடுவே கோடு போடப்பட்டு ஆண்கள் ஒருபுறம், பெண்கள் ஒருபுறம் இருக்க வேண்டும் என அறிவிக்கப்பட்டது. பின் 24 மணி நேர எவிக்ஷனில் அதிக நாமினேஷன்களை சாச்சனா பெற்று பிக் பாஸ் வீட்டை விட்டு வெளியேறி இருந்தார். பின் முதல் வாரத்திற்கான நாமினேஷனில் ரவீந்தர் வெளியேறி இருந்தார்.

பிக் பாஸ் சீசன் 8:

அதன் பின் சாச்சனா பிக் பாஸ் வீட்டுக்குள் மீண்டும் என்ட்ரி கொடுத்து இருந்தார். மேலும், இரண்டாம் வாரத்திற்கான நாமினேஷனில் அதில் அதிக வாக்குகளை பெற்று சௌந்தர்யா, ஜெஃப்ரி, ரஞ்சித், அர்னவ், விஷால், முத்து, ஜாக்லின், தீபக் ஆகியோர் நாமினேட் ஆகி இருந்தார்கள். பின் இரண்டாம் வாரத்திற்கான கேப்டன்சி டாஸ்க்கில் சத்யா வெற்றி பெற்றார். அதற்குப்பின் ஆண்கள் அணியில் இருந்து தீபக்கும், பெண்கள் அணியில் இருந்து தர்ஷாவும் இடம் மாறினார்கள்.

நிகழ்ச்சி குறித்த தகவல்:

சமைப்பதற்கு பெண்கள் அணியில் இருந்து ஜாக்லின், சாச்சனா பெயரை சொன்னார்கள். அதோடு இந்த வாரம் முழுவதும் இவர்கள் தான் சமைக்கனும், பாத்திரம் விலக்கணும் என்றவுடன் கலவரம் வெடித்தது.
நேற்று நடந்த டாஸ்கில் உங்கள் ஃபேவரிசம் இங்கே காட்டாதீர்கள். உங்கள் வன்மத்தை கொட்டாதீர்கள் என்று முத்து கத்தி இருந்தார். பின் ஜெப்ரி பேசும் போது போட்டியாளர்கள் சிரித்தார்கள். உடனே கோபத்தில் ஜெப்ரி, பிக் பாஸ் சொன்னதால்தான் நான் கட்டுப்பட்டு இருக்கிறேன்.

முதல் ப்ரோமோ:

ஓட்டு போட்டா உள்ளே, இல்லனா வெளியே என்றெல்லாம் இல்லை என்று பேசி இருந்தார். மேலும், இன்றைக்கான முதல் ப்ரோமோவில், இன்றைக்கு கொடுக்கப்பட்ட டாஸ்கில் எந்த அணி அறிவில் சிறந்தது? திறமையில் சிறந்தது? அணி ஒற்றுமையில் சிறந்தது? என்று பார்ப்பதற்கு போட்டி வைக்கப்படுகிறது. அதில் எந்த அணி வெற்றி பெறுகிறதோ அந்த அணியில் ஒரு நாமினேஷன் ஃப்ரீ என்று சொன்னவுடன் போட்டியாளர்கள் விறுவிறுப்பாக விளையாடுகிறார்கள்.

இரண்டாவது ப்ரோமோ:

இந்நிலையில் தற்போது வெளியாகிருக்கும் இரண்டாவது ப்ரோமோவில் தர்ஷா, நான் நல்லா தான் சமைத்தேன். ஆனால், அவர்கள் வாந்தி வருது, வயித்தால போகுது என்றெல்லாம் கஷ்டப்படுற மாதிரி பேசுகிறார்கள். என்னை ரொம்பவே டார்கெட் செய்கிறார்கள். ரொம்ப வேதனை அளிக்கிறது என்று அழுது கொண்டே புலம்புகிறார். மற்ற போட்டியாளர்கள் அவரை சமாதானம் செய்தும் அவர், என்னை மக்கள் எப்படி பார்ப்பார்கள் என்று வேதனைப்படுகிறார்.