இரண்டு இல்லை ஒரு எலிமினேஷன் தான் – இந்த வாரம் வெளியேறியது யார் தெரியுமா?

பிக் பாஸ் 8 நிகழ்ச்சியை விட்டு ஐந்தாம் வாரம் வெளியேற இருக்கும் போட்டியாளர் குறித்த விவரம் தான் தற்போது இணையத்தில் வைரலாகி வருகிறது. விஜய் டிவியில் பிக் பாஸ் 8 நிகழ்ச்சி கோலாகலமாக தொடங்கி நான்கு வாரம் முடிந்து 34 நாள்கள் நடந்து கொண்டு இருக்கிறது. இந்த சீசனில் ரவீந்தர் சந்திரசேகர், சாச்சனா நமிதாஸ், தர்ஷா குப்தா, சத்யா, தீபக், சுனிதா, கானா ஜெஃப்ரி, ஆர்ஜே ஆனந்தி, ரஞ்சித், பவித்ரா, தர்ஷிகா, அர்னவ், அன்ஷிதா, விஜே விஷால், முத்துக்குமரன், சௌந்தர்யா, ஜாக்குலின், அருண் பிரசாத் ஆகிய 18 போட்டியாளர்கள் பங்கேற்று இருந்தார்கள்.

இந்த முறை நிகழ்ச்சியை விஜய் சேதுபதி தான் தொகுத்து வருகிறார். இந்த முறை ஆளும் புதுசு, ஆட்டமும் புதுசு என்பதால் பல்வேறு டீவ்ஸ்டுகளுடன் பிக் பாஸ் நிகழ்ச்சி ஆரம்பமாகியுள்ளது. அதோடு முதல் நாளே பிக் பாஸ் வீடு நடுவே கோடு போடப்பட்டு ஆண்கள் ஒருபுறம், பெண்கள் ஒரு புறம் இருக்க வேண்டும் என அறிவிக்கப்பட்டது. இதனால் முதல் நாளில் இருந்தே போட்டியாளர்கள் மத்தியில் சண்டை, கலவரம் தொடங்கி விட்டது. இதுவரை நிகழ்ச்சியில் இருந்து ரவீந்தர், அர்னவ், தர்ஷா குப்தா ஆகியோர் வெளியேறி இருக்கிறார்கள்.

பிக் பாஸ் 8:

பின் நான்காவது வாரம் எலிமினேஷன் நடக்கவில்லை. அதைத்தொடர்ந்து பிக் பாஸ் வீட்டில் தீபாவளி கொண்டாட்டம் சிறப்பாக நடைபெற்றது. அதன் பின் நிகழ்ச்சியை மேலும் சுவராசியமாக்கும் வகையில் வைல்ட் கார்ட் என்ட்ரி ஆக 6 பேர் பிக் பாஸ் வீட்டுக்குள் என்ட்ரி கொடுத்து இருக்கிறார்கள். அதில் மாடல் அழகி வர்ஷினி வெங்கட், சீரியல் நடிகர் ராயன், நடிகரும் மாடலும் ஆன ராணவ், பட்டிமன்ற பேச்சாளர் மஞ்சரி, ரியா தியாகராஜன், சுஜா வருணியின் கணவர் சிவக்குமார் ஆவார்.

நிகழ்ச்சி குறித்த தகவல்:

தற்போது போட்டியாளர்களுக்குள் சண்டை, போட்டி, பொறாமை, கலாட்டா கலவரம் என்று நிகழ்ச்சி விறுவிறுப்பாக சென்று கொண்டிருக்கிறது. இந்த வாரம் கடந்து வந்த பாதை டாஸ்க் நடைபெற்று வருகிறது.
இதில் ஒவ்வொரு போட்டியாருக்குமே தங்களுடைய வாழ்க்கையில் நடந்த மோசமான சம்பவங்களை குறித்து மனம் திறந்து பேசி இருக்கிறார்கள். அந்த வகையில் சத்யா, சௌந்தர்யா சொன்ன கதை எல்லம் இணையத்தில் அதிகமாக பேசப்பட்டது.

நாமினேஷன் பட்டியல்:

அதோடு ஐந்தாம் வாரத்திற்கான நாமினேஷன் நடைபெற்றது. இந்த முறை நேரடியாக நாமினேட் செய்ய வேண்டும் என்று பிக் பாஸ் அறிவித்திருந்தார். அதன்படி முத்துக்குமரன், தீபக், விஷால், ரஞ்சித், அருண், ஜாக்லின், பவித்ரா, சாச்சனா, ஆனந்தி, அன்ஷிதா, சுனிதா ஆகியோர் நாமினேட் செய்யப்பட்டிருக்கிறார்கள். போன வாரம் எலிமினேஷன் இல்லை என்பதால் இந்த வாரம் டபுள் எவிக்ஷன் என்று கூறப்படுகிறது.

வெளியேறும் நபர்:

இது எந்த அளவிற்கு உண்மை என்று தெரியவில்லை. இந்த நிலையில் தற்போது வெளியாகி இருக்கும் வாக்குகளின் அடிப்படையில் ஆர்.ஜே.ஆனந்தி, சாச்சனா மற்றும் சுனிதா ஆகியோர் தான் குறைவான வாக்குகள் பெற்றிருப்பதாக கூறப்படுகிறது. இதில் மிக குறைவான வாக்குகள் பெற்று சாச்சனா வெளியேறி இருப்பதாக கூறப்படுகிறது. 24 மணி நேர எவிக்ஷனில் மீண்டும் உள்ளே வந்த சாச்சனா சில வாரத்திலேயே வெளியே போவது பலருக்கும் ஷாக்கிங் தான்.