பிக் பாஸ் சீசன் 8 நிகழ்ச்சியில் ஐந்தாம் வாரத்திற்கான நாமினேசன் பட்டியல் தான் தற்போது இணையத்தில் வைரலாக்கப்பட்டு வருகிறது. விஜய் டிவியில் பிக் பாஸ் 8 நிகழ்ச்சி கோலாகலமாக தொடங்கி நான்கு வாரம் முடிந்து 29 நாள்கள் நடந்து கொண்டு இருக்கிறது. இந்த சீசனில் ரவீந்தர் சந்திரசேகர், சாச்சனா நமிதாஸ், தர்ஷா குப்தா, சத்யா, தீபக், சுனிதா, கானா ஜெஃப்ரி, ஆர்ஜே ஆனந்தி, ரஞ்சித், பவித்ரா, தர்ஷிகா, அர்னவ், அன்ஷிதா, விஜே விஷால், முத்துக்குமரன், சௌந்தர்யா, ஜாக்குலின், அருண் பிரசாத் ஆகிய 18 போட்டியாளர்கள் பங்கேற்று இருந்தார்கள்.
இந்த முறை நிகழ்ச்சியை விஜய் சேதுபதி தான் தொகுத்து வருகிறார். இந்த முறை ஆளும் புதுசு, ஆட்டமும் புதுசு என்பதால் பல்வேறு டீவ்ஸ்டுகளுடன் பிக் பாஸ் நிகழ்ச்சி ஆரம்பமாகியுள்ளது. அதோடு முதல் நாளே பிக் பாஸ் வீடு நடுவே கோடு போடப்பட்டு ஆண்கள் ஒருபுறம், பெண்கள் ஒரு புறம் இருக்க வேண்டும் என அறிவிக்கப்பட்டது. பின் முதல் வாரத்தில் ரவீந்தர் வெளியேறி இருந்தார். இரண்டாவது வாரம் அர்னவ் வெளியேறி இருந்தார். மூன்றாவது வாரத்தில் தர்ஷா குப்தா வெளியேறி இருந்தார்.
பிக் பாஸ் 8:
இந்த நான்காவது வாரம் கேப்டன்சி டாஸ்கில் முத்துகுமரன் வென்றார். அதற்கு பின் நாமினேஷனில் நேரடியாக அன்ஷிதா, தீபக் நாமினேட் செய்யப்பட்டு இருந்தார்கள். அதற்கு பின் ஜெப்ரி, ஜாக்லின், ரஞ்சித், சுனிதா, சத்யா, பவித்ரா ஆகியோர் பெயர்கள் நாமினேஷனில் இடம் பிடித்து இருந்தார்கள். இந்த வாரம் ஆள் மாறாட்டம் டாஸ்க் கொடுக்கப்பட்டிருந்தது. ஒருவர் மற்றவரை போல மாறி நடித்து காட்ட வேண்டும். இதனால் ஒவ்வொரு போட்டியாளர்களுமே சிறப்பாக செய்திருந்தார்கள்.
நிகழ்ச்சி குறித்த தகவல்:
அதில் போட்டியாளர்களுக்கு இடையே சில மனக்கசப்புகளும், பிரச்சனைகளும் வந்திருந்தது. அதைத்தொடர்ந்து பிக் பாஸ் வீட்டில் தீபாவளி கொண்டாட்டம் சிறப்பாக நடைபெற்றது. கடைசியில் இந்த வாரம் நடந்த நாமினேஷன் பிரீ பாஸ் டாஸ்கில் பெண்கள் அணி தான் மீண்டும் வென்றிருந்தார்கள். பெண்கள் அணியில் ஜாக்லின், அன்ஷிதா, பவித்ரா மற்றும் சுனிதா இந்த வாரம் நாமினேஷனில் இருந்த நிலையில், அதிக வாக்குகள் பெற்று சுனிதா காப்பாற்றப்பட்டார்.
வைல்ட் கார்ட் என்ட்ரி:
அதை தொடர்ந்து இந்த வார நாமினேஷனில் குறைவான வாக்குகளை பெற்று அன்ஷிதா தான் வெளியேறி இருந்ததாக கூறப்பட்டது. ஆனால், திடீர் என்று கடந்த வாரம் யாரும் வெளியேறவில்லை. அதன் பின் நிகழ்ச்சியை மேலும் சுவராசியமாக்கும் வகையில் வைல்ட் கார்ட் என்ட்ரி ஆக 6 பேர் பிக் பாஸ் வீட்டுக்குள் என்ட்ரி கொடுத்து இருக்கிறார்கள். அதில் மாடல் அழகி வர்ஷினி வெங்கட், சீரியல் நடிகர் ராயன், நடிகரும் மாடலும் ஆன ராணவ், பட்டிமன்ற பேச்சாளர் மஞ்சரி, ரியா தியாகராஜன், சுஜா வருணியின் கணவர் சிவக்குமார்.
நாமினேஷன் பட்டியல்:
இப்படி இருக்கும் நிலையில் ஐந்தாம் வாரத்திற்கான நாமினேஷன் நடைபெற்றிருக்கிறது. இந்த முறை நேரடியாக நாமினேட் செய்ய வேண்டும் என்று பிக் பாஸ் அறிவித்திருந்தார். அதன்படி ஒவ்வொரு போட்டியாளர்களும் இரண்டு பேரை சொன்னார்கள். அதன் படி முத்துக்குமரன், தீபக், விஷால், ரஞ்சித், அருண், ஜாக்லின், பவித்ரா, சாச்சனா, ஆனந்தி, அன்ஷிதா, சுனிதா ஆகியோர் நாமினேட் செய்யப்பட்டிருக்கிறார்கள். இதில் யார் இந்த வாரம் வெளியேற போகிறார்கள் என்பதை பொறுத்து இருந்து பார்க்கலாம்.
