பிக் பாஸ் சீசன் 8 நிகழ்ச்சியின் எட்டாவது நாளுக்கான இரண்டாவது ப்ரோமோ வீடியோ தான் தற்போது இணையத்தில் வைரலாகி வருகிறது. விஜய் டிவியில் பிக் பாஸ் 8 நிகழ்ச்சி கோலாகலமாக தொடங்கி ஒரு வாரம் கடந்து இருக்கிறது. இந்த முறை நிகழ்ச்சியை விஜய் சேதுபதி தான் தொகுத்து வழங்குகிறார். இந்த சீசனில் தயாரிப்பாளர் ரவீந்தர் சந்திரசேகர், சாச்சனா நமிதாஸ், தர்ஷா குப்தா, சத்யா, தீபக், சுனிதா, கானா ஜெஃப்ரி, ஆர்ஜே ஆனந்தி, ரஞ்சித், பவித்ரா, தர்ஷிகா, அர்னவ், அன்ஷிதா, விஜே விஷால், முத்துக்குமரன், சௌந்தர்யா, ஜாக்குலின், அருண் பிரசாத் ஆகிய 18 போட்டியாளர்கள் பங்கேற்று உள்ளனர்.
இந்த முறை ஆளும் புதுசு, ஆட்டமும் புதுசு என்பதால் பல்வேறு டீவ்ஸ்டுகளுடன் பிக் பாஸ் சீசன் 8 ஆரம்பமாகியுள்ளது. அதோடு முதல் நாளே பிக் பாஸ் வீட்டுக்கு நடுவே கோடு போடப்பட்டு ஆண்கள் ஒருபுறம், பெண்கள் ஒரு புறம் இருக்க வேண்டும் என அறிவிக்கப்பட்டது. பின் 24 மணி நேர எவிக்ஷனில் அதிக நாமினேஷன்களை சாச்சனா பெற்று பிக் பாஸ் வீட்டை விட்டு வெளியேறி இருந்தார். அதை அடுத்து முதல் வாரத்திற்கான கேப்டன்சி டாஸ்க்கில் தர்ஷிகா வெற்றி பெற்று தலைவராகி இருக்கிறார்.
பிக் பாஸ் சீசன் 8:
பின் முதல் வாரத்திற்கான நாமினேஷன் பட்டியலில் ஜாக்லின்,ரவீந்தர்,சௌந்தர்யா, முத்து, ரஞ்சித்,அருண் ஆகியோர் இடம் பிடித்து இருந்தார்கள். அதோடு கடந்த வாரம் ரவீந்தர் செய்த பிராங் தான் அதிகமாக பேசப்பட்டு இருந்தது. ஒரு கட்டத்தில் ரவீந்தர் பயங்கரமாக கத்தி ஒவ்வொரு போட்டியாளர் பற்றியும் பேசி இருந்தார். அதன் பின் சாச்சனா பிக் பாஸ் வீட்டுக்குள் மீண்டும் என்ட்ரி கொடுத்து இருந்தார். இவரின் என்ட்ரியால் பிக் பாஸ் வீட்டில் ஆட்டம் சூடு பிடித்து இருக்கிறது.
நிகழ்ச்சி குறித்த தகவல்:
மேலும், விஜய் சேதுபதி ஒவ்வொரு போட்டியாளர்களையும் முதல் வாரத்தின் அனுபவத்தை குறித்து கேட்டிருந்தார். பின் ஒவ்வொருவருக்கும் அவர் பதில் அடியும் கொடுத்திருந்தார். அப்போது அவர், நீங்கள் விளையாட வந்திருக்கிறீர்கள். யாரும் சொகுசாக சாப்பிட்டு, தூங்க வரவில்லை என்றும் பேசி இருந்தார். குறிப்பாக, ரவீந்தர் செய்த பிராங்க் குறித்து விஜய் சேதுபதி வெளுத்து வாங்கி இருந்தார். பின் விஜய் சேதுபதி, சாச்சனா-பவித்ராவை வெளுத்து வாங்கி இருந்தார்.
முதல் எவிக்ஷன்:
அவர்கள், தாங்கள் செய்த தவறை உணர்ந்தார்கள். பின் ஜாக்லின்- ரஞ்சித்- ரவீந்தர் ஆகிய மூவரில் ஒருவர் தான் வெளியே போகிறார். அதில் யார் என்று விஜய் சேதுபதி கேட்க ஒவ்வொருவரும் ஒவ்வொரு பேரை சொல்லி இருந்தார்கள். கடைசியில் ரவீந்தர் தான் வெளியே போனார். ரவீந்தர் வெளியே வந்தவுடன் ஓவ்வொரு போட்டியாளர் பற்றியும் புட்டு புட்டு வைத்தார். நேற்று நிகழ்ச்சி சிறப்பாகவே இருந்தது.
https://www.youtube.com/watch?v=F0o1k6jlZfk
பிக் பாஸ் 8 ப்ரோமோ:
மேலும், முதல் ப்ரோமோவில், இரண்டாவது வாரத்திற்கான நாமினேஷன் நடக்கிறது. அதில் அதிகம் ஜெப்ரி, ரஞ்சித், சௌந்தர்யா, சாச்சனா பெயரை சொல்கிறார்கள். இந்நிலையில் தற்போது வெளியாகியிருக்கும் இரண்டாவது ப்ரோமோவில், நான் என்னுடைய கேமை விளையாடுவதால் உங்களுக்கு எதிரி போல் தான் இருக்கும் என்று முத்துக்குமரன் சொல்ல, கோபத்தில் அன்ஷிதா, நீ நடிக்காதே, உன்னிடம் பேச விருப்பமில்லை. நீ எல்லா இடத்திலும் நடிக்கிறாய். நீ என்ன பெரிய இவனா என்றெல்லாம் பயங்கரமாக கத்துகிறார்.
