பிக் பாஸ் சீசன் 8 நிகழ்ச்சியின் ஒரு அதிரடி அப்டேட் தான் தற்போது இணையத்தில் ட்ரெண்டிங் ஆகி வருகிறது. விஜய் டிவியில் பிக் பாஸ் 8 நிகழ்ச்சி கோலாகலமாக தொடங்கி இன்று மூன்றாவது நாள். இந்த முறை நிகழ்ச்சியை விஜய் சேதுபதி தான் தொகுத்து வழங்குகிறார். இந்த சீசனில் தயாரிப்பாளர் ரவீந்தர் சந்திரசேகர், சாச்சனா நமிதாஸ், தர்ஷா குப்தா, சத்யா, தீபக், சுனிதா, கானா ஜெஃப்ரி, ஆர்ஜே ஆனந்தி, ரஞ்சித், பவித்ரா, தர்ஷிகா, அர்னவ், அன்ஷிதா, விஜே விஷால், முத்துக்குமரன், சௌந்தர்யா, ஜாக்குலின், அருண் பிரசாத் ஆகிய 18 போட்டியாளர்கள் பங்கேற்று உள்ளனர்.
இந்த முறை ஆளும் புதுசு, ஆட்டமும் புதுசு என்பதால் பல்வேறு டீவ்ஸ்டுகளுடன் பிக் பாஸ் சீசன் 8 ஆரம்பமாகியுள்ளது. அதோடு முதல் நாளே பிக் பாஸ் வீட்டுக்கு நடுவே கோடு போடப்பட்டு ஆண்கள் ஒருபுறம், பெண்கள் ஒரு புறம் இருக்க வேண்டும் என அறிவிக்கப்பட்டது. இதனால் எல்லோருமே குழப்பத்தில் என்ன செய்வதென்று புரியாமல் இருந்தார்கள். கடைசியில் ஆண்கள், பெண்கள் கேட்ட பக்கம் விட்டுக் கொடுத்தார்கள். இருந்தாலும், ஒரு வாரம் எந்த ஆண்களையும் எலிமினேஷன் செய்யக்கூடாது என்ற கண்டிசன் போட்டார்கள்.
பிக் பாஸ் சீசன் 8:
இதை பெண்கள் அணி ஏற்று கொண்டாலும் ஜாக்லினுக்கு இதில் உடன்பாடு இல்லை. இப்படி முதல் நாளே பிக் பாஸ் வீட்டிற்குள் டாஸ்கும், சலசலப்பும் தொடங்கிவிட்டது. பின் 24 மணி நேரத்தில் ஒரு போட்டியாளர் வெளியேற்றப்படுவார் என்று பிக் பாஸ் அறிவித்தது எல்லோருக்குமே ஷாக்கிங் ஆன விஷயம் தான். அதன் பின் ஒவ்வொரு போட்டியாளர்களுமே ஒவ்வொருவரின் பெயரை நாமினேட் செய்திருந்தார்கள். அந்த வகையில் 24 மணி நேர எவிக்ஷனில் அதிக நாமினேஷன்களை சாச்சனா பெற்று பிக் பாஸ் வீட்டை விட்டு வெளியேறி இருந்தார்.
நிகழ்ச்சி குறித்த தகவல்:
அதன் அடுத்து முதல் வாரத்திற்கான கேப்டன்சி டாஸ்க் நடைபெற்றது. இதில் தர்ஷிகா வெற்றி பெற்று இந்த வார தலைவராகி இருக்கிறார். பின் முதல் வாரத்திற்கான நாமினேஷன் பட்டியலில் ஜாக்லின்,ரவீந்தர்,சௌந்தர்யா, முத்து, ரஞ்சித்,அருண் ஆகியோர் இடம் பிடித்து இருக்கிறார்கள். நேற்று ஆண்கள் vs பெண்கள் டாஸ்க் கொடுக்கப்பட்டது. அதில் ஆண்கள் அணியில் இருந்து ஒருவர் பெண்கள் அணிக்கும், பெண்கள் அணியில் இருந்து ஒருவர் ஆண்கள் அணிக்கும் போக வேண்டும். இதில் ஜாக்லின்-சுனிதா இடையே சண்டை நடந்தது.
நேற்று எபிசோட்:
அதன் பின் ஆண்கள் அணிக்கு பவித்ராவை போக கூடாது என்று ஜாக்லின் சொல்ல, இருவருக்கும் சண்டை வந்தது. ஒரு வழியாக பஞ்சாயத்து செய்து பவித்ரா ஆண்கள் அணிக்கும், முத்து பெண்கள் அணிக்கும் சென்று இருந்தார்கள். இதற்கிடையில் ரவிந்தருக்கு உடம்பு சரியில்லாமல் போனது. உடனே அவருக்கு முதலுதவியும் கொடுக்கப்பட்டது. இருந்தும் அவரால் பிக் பாஸ் வீட்டில் சமாளிக்க முடியுமா? என்பது தெரியவில்லை. மேலும் இன்றைக்கான முதல் ப்ரோமோவில், விஷால்-பவித்ரா இடையே பயங்கர சண்டை வெட்டுகிறது.
https://www.youtube.com/watch?v=GukDYiN_CUs
மூன்றாவது ப்ரோமோ:
இரண்டாவது ப்ரோமோவில், ரஞ்சித்-ரவீந்தர் இடையே பயங்கர சண்டை நடக்கிறது. மற்ற போட்டியாளர்கள் தடுத்தும் அவர்கள் கேட்டு கொள்ளவில்லை. இந்த நிலையில் தற்போது வெளியான மூன்றாவது ப்ரோமோவில், இந்த வாரத்திற்கான டாஸ்க் அறிவிக்கப்படுகிறது. அதற்கான தலைப்பு, 'நம்பிக்கைகுரியவர்கள் யார்? ஆண்களா? பெண்களா? ' என்ற தலைப்பு கொடுக்கப்படுகிறது. அதில் முத்துக்குமரன் மற்றும் ஆர்ஜே ஆனந்தி பெண்களுக்கு ஆதரவாக பேசுகிறார்கள். அப்போது ஆர்ஜே ஆனந்தியிடம் ரவீந்தர், தவறை நியாயப்படுத்துவது நியாயம் இல்லை, நீங்கள் செய்கிற வாதம், விவாதத்துக்குரிய வாதமாகவே வராது என்று கூறகிறார்.
