எனக்கு வாய்ப்பே தரவில்லை- சௌந்தர்யா சொன்ன வார்த்தையால் டென்ஷனான விஜய் சேதுபதி

பிக் பாஸ் 8 நிகழ்ச்சியின் இன்றைய எபிசோடுக்கான ப்ரோமோ தான் தற்போது இணையத்தில் வைரலாகி வருகிறது. விஜய் டிவியில் பிக் பாஸ் 8 நிகழ்ச்சி கோலாகலமாக தொடங்கி மூன்றாவது வாரம் தொடங்கி 20 நாள்கள் நடந்து கொண்டு இருக்கிறது. இந்த சீசனில் தயாரிப்பாளர் ரவீந்தர் சந்திரசேகர், சாச்சனா நமிதாஸ், தர்ஷா குப்தா, சத்யா, தீபக், சுனிதா, கானா ஜெஃப்ரி, ஆர்ஜே ஆனந்தி, ரஞ்சித், பவித்ரா, தர்ஷிகா, அர்னவ், அன்ஷிதா, விஜே விஷால், முத்துக்குமரன், சௌந்தர்யா, ஜாக்குலின், அருண் பிரசாத் ஆகிய 18 போட்டியாளர்கள் பங்கேற்று உள்ளனர்.

இந்த முறை நிகழ்ச்சியை விஜய் சேதுபதி தான் தொகுத்து வருகிறார். இந்த முறை ஆளும் புதுசு, ஆட்டமும் புதுசு என்பதால் பல்வேறு டீவ்ஸ்டுகளுடன் பிக் பாஸ் சீசன் 8 ஆரம்பமாகியுள்ளது. அதோடு முதல் நாளே பிக் பாஸ் வீடு நடுவே கோடு போடப்பட்டு ஆண்கள் ஒருபுறம், பெண்கள் ஒரு புறம் இருக்க வேண்டும் என அறிவிக்கப்பட்டது. பின் 24 மணி நேர எவிக்ஷனில் அதிக நாமினேஷன்களை பெற்று சாச்சனா வெளியேறி மீண்டும் உள்ளே வந்தார்.

பிக் பாஸ் 8:

பின் முதல் வாரத்தில் ரவீந்தர் வெளியேறி இருந்தார். இரண்டாவது வாரம் அர்னவ் வெளியேறி இருந்தார். மூன்றாவது வாரம் 5 ஸ்டார் ஹோட்டல் நிர்வாகம் டாஸ்க் கொடுக்கப்பட்டது. இதில் ஆண்கள் அணி கஸ்டமராகவும், பெண்கள் அணி நிர்வாகம் செய்து இருந்தார்கள். பின் ஆண்கள் அணி நிர்வாகமும், பெண்கள் அணி கஸ்டமராகவும் இருந்தார்கள். பின் இரண்டு அணியில் இருந்து டாஸ்க்கில் சிறப்பாகவும் மோசமாகவும் விளையாடிய போட்டியாளர்களை தேர்வு செய்து விளையாடி இருந்தார்கள்.

நாமினேஷன் ப்ரீ பாஸ் டாஸ்க்:

மேலும், இந்த வாரமும் நாமினேஷன் ப்ரீ பாஸ் டாஸ்க் நடந்தது. அதில் முதல் டாஸ்கில் ஆண்கள் வென்றார்கள். இரண்டாம் டாஸ்கில் பெண்கள் அணி வென்றார்கள். கடைசியில் மூன்றாம் டாஸ்கில் பெண்கள் அணி தான் வென்றார்கள். கடந்த வாரமும் இந்த நாமினேஷன் ப்ரீ டாஸ்கை பெண்கள் அணி தான் வென்று இருந்தார்கள். அதில் ஜாக்லின் காப்பாற்றப்பட்டார். இறுதியில் ஓட்டிங்கில் கடைசி நான்கு இடத்தில் அன்ஷிதா, ஜாக்லின், தர்ஷா, பவித்ரா ஆகியோர் தான் இருந்தார்கள்.

காப்பாற்றப்பட்ட நபர்:

இதில் பெண்கள் அணி முடிவு எடுத்து பவித்ரா காப்பாற்றப்பட்டு இருப்பதால் இந்த வார நாமினேஷனில் இருந்து அவர் காப்பாற்றப்பட்டு இருக்கிறார். இந்நிலையில் இன்றைய எபிசோடுக்கான ப்ரோமோவில், கில்லர் காயின் டாஸ்க்கில் என்ன சுவாரஸ்யம்? என்று கேட்டிருக்கிறார். உடனே எல்லா பெண் போட்டியாளர்களுமே, டாஸ்க் பிடிக்கவில்லை, நன்றாக இல்லை, பயமாக இருந்தது என்று தங்கள் கருத்து சொன்னார்கள். ஆண் போட்டியாளர்கள், எப்படியாவது வெற்றி பெற வேண்டும் என்று சொல்கிறார்கள். உடனே விஜய் சேதுபதி கோபப்பட்டு பேசி இருக்கிறார்.

ப்ரோமோ வீடியோ:

மேலும், தற்போது வெளியாகியிருக்கும் கடைசி ப்ரோமோவில் சௌந்தர்யா, எனக்கு யாருமே வாய்ப்பு கொடுப்பதில்லை என்று சொல்கிறார். உடனே மற்ற பெண்கள், இந்த வாரம் கூட அவரை தான் விளையாட வைத்தோம் என்று சொன்னதற்கு, இந்த வாரம் தான் கொடுத்தார்கள் என்று சௌந்தர்யா சொன்னார். ஏன் வாய்ப்பு தரவில்லை என்று சொல்கிறீர்கள்? என விஜய் சேதுபதி கேட்கிறார். அன்சிதா வாய்ப்பை தான் எனக்கு கொடுத்தார்கள் என்று சௌந்தர்யா சொன்னவுடன் அதை மற்ற பெண்களுக்கு கொடுத்து இருக்கலாமே, உங்களுக்கு ஏன் கொடுத்தார்கள்? என்று விஜய் சேதுபதி கேட்க, சௌந்தர்யாவால் எதுவுமே பேச முடியவில்லை.