தனலட்சுமி தான் இந்த சீசன் ஜூலினு சொல்றாங்களே – பத்திரிகையாளர் கேட்ட கேள்விக்கு ஜூலி சொன்ன பதில்.

பிக் பாஸில் கலந்துகொண்டு இருக்கும் தனலட்சுமியை தன்னுடன் ஒப்பிடுவது குறித்து ஜூலி பேசி இருக்கிறார். விஜய் டிவி பிக்பாஸ் நிகழ்ச்சி மக்கள் மத்தியில் பேராதரவை பெற்று இருக்கிறது. சமீபத்தில் தான் பிக்பாஸ் 5 நிகழ்ச்சி கடந்து இருக்கிறது. மேலும், பிக் பாஸ் நிகழ்ச்சியில் கலந்து கொண்ட பல பேர் தற்போது பிரபலமாகி இருக்கிறார்கள். பிக்பாஸ் முதல் சீசன் தமிழ் சின்னத்திரையில் பெரிய எதிர்பார்ப்பு கிடையில் நடந்தது. அது மட்டுமில்லாமல் பிக்பாஸ் நிகழ்ச்சியை தொகுத்து வழங்கிய கமல்ஹாசனுக்கும் நிறைய பிரச்சினைகள் எல்லாம் இருந்தது.

இருந்தாலும் நிகழ்ச்சி பிரம்மாண்டமாக தொடங்கப்பட்டு வெற்றிகரமாக முடிந்தது. இதுவரை ஐந்து சீசன் முடிந்து விட்டது. ஆனால், முதல் சீசனை போல் பெரிய அளவில் ஹிட்டடித்த சீசன் எதுவும் இல்லை என்று தான் சொல்லணும். அந்த வகையில் முதல் சீசனில் சினிமா பற்றி எந்த ஒரு தெளிவும் இல்லாமல் கலந்து கொண்டவர் ஜூலி. இந்த நிகழ்ச்சியின் மூலம் ஜூலி மக்கள் மத்தியில் பிரபலமாகி இருந்தாலும் பல விமர்சனங்களை சந்தித்து இருந்தார்.

ஜல்லிக்கட்டு ஜூலி:

ஜல்லிக்கட்டு போராட்டத்தின் போது வீரத் தமிழச்சி என்று பெயெர்தெடுத்தவர் ஜூலி. ஜல்லிக்கட்டு போரட்டத்தில் இவரை ஆஹா ஓஹோ என்று அனைவரும் புகழ்ந்தனர். ஆனால், பிக் பாஸ் நிகழ்ச்சி மூலம் தனது அத்தனை பெயரரையும் கெடுத்துக் கொண்டார் ஜூலி. அதற்கு பின் இவர் பிக்பாஸ் முதல் சீசனில் வீட்டுக்குள் நடந்த கலவரத்தால் மாத்தி மாத்தி பொய் பேசி இருந்தது தான். மேலும், பிக் பாஸ் நிகழ்ச்சிக்கு பின்னர் ஜூலி பல நெகடிவ் இமேஜ்களை பெற்றாலும் விளம்பரம், ரியாலிட்டி ஷோ, பட வாய்ப்பு என படு பிஸியாக உள்ளார்.

செவிலியர் தொழிலை விட்ட ஜூலி :

அதோடு பிக் பாஸ் நிகழ்ச்சிக்கு முன்னர் செவிலியராக பணியாற்றி வந்த ஜூலி பிக் பாஸ் நிகழ்ச்சிக்கு பின்னர் செவிலியர் தொழிலை விட்டு சினிமா பக்கம் வந்து விட்டார்.இருந்தாலும் ஜூலி குறித்து பலரும் பயங்கரமாக திட்டி தீர்த்து மீம்ஸ் போட்டு கலாய்த்து இருந்தார்கள். ஆனால், ஜூலி மனம் தளராமல் தைரியமாக பல மேடைகளில் கலந்துகொண்டு பேசியிருந்தார். இதிலிருந்து மீண்டு வர இவர் மிகவும் கஷ்டப்பட்டு இருந்தார்.

அழடிமேட் மூலம் பெயரை மாற்றிய ஜூலி :

பின் சமீபத்தில் வெற்றிகரமாக முடிவடைந்த பிக் பாஸ் அல்டிமேட் நிகழ்ச்சியில் ஜூலி கலந்துகொண்டிருந்தார்.இந்த நிகழ்ச்சியின் மூலம் இவர் தன்னுடைய இமேஜை அப்படியே சுக்குநூறாக உடைத்து தன்னுடைய நேர்மையான முகத்தை காட்டி மக்களின் மனதை கவர்ந்து இறுதி வாரம் வரை வந்து இருந்தார். இந்த நிகழ்ச்சியில் ஜூலி வெற்றி பெறுவார் என்று ரசிகர்கள் பலரும் எதிர்பார்த்திருந்தனர். மேலும், ஜூலி போட்டியில் வெற்றி அடையவில்லை என்றாலும் ரசிகர்கள் பலரின் மனதில் வெற்றி அடைந்து விட்டார் என்றே சொல்லலாம்.

தனலட்சுமி குறித்து ஜூலி :

தற்போது படங்கள் சீரியல்கள் என்று பிசியாக இருந்து வருகிறார். இப்படி ஒரு நிலையில் பேட்டி ஒன்றில் பங்கேற்ற ஜூலியிடம், பிக் பாஸில் கலந்துகொண்டு இருக்கும் தனலட்சுமியுடன் உங்களை ஒப்பிட்டு வருவது குறித்து என்ன நினைக்கிறீர்கள் என்று கேள்வி எழுப்பப்பட்டது. இதற்கு பதில் அளித்த ஜூலி ‘அப்படியா, அது நிஜமாக எனக்கு தெரியாது. ஒவ்வொருவரும் ஒவ்வொரு விதத்தில் நல்லவர்கள். எல்லாருக்கும் நல்லவர்களாக இருக்க முடியாது. எனவே, என்னோடு அவரை ஒப்பிட்டால் அது நல்ல விதமாக இருந்தாலும் சரி கெட்ட விதமாக இருந்தாலும் சரி அவங்க அவங்க தான் நான் நான்தான்’ என்று கூறியுள்ளார்.