என்னது கவினின் காதலி லாஸ்லியாவின் தோழியா தானா ? இதனால் தான் கவின் காதலை முறித்துக்கொண்டாரா லாஸ்லியா ?

மோனிகா- லாஸ்லியா ஒன்றாக இருக்கும் புகைப்படம் தற்போது சோசியல் மீடியாவில் வைரல் ஆகி வருகிறது. தமிழ் சினிமாவில் வளர்ந்து வரும் நடிகர்களில் ஒருவராக கவின் திகழ்ந்து வருகிறார். இவர் சின்னத்திரையில் நிகழ்ச்சி தொகுப்பாளராக தான் தன்னுடைய பயணத்தைத் தொடங்கினார். அதற்கு பிறகு தன்னுடைய நண்பர்களின் குறும் படங்களில் நடிக்க தொடங்கினார். அதன் மூலம் இவர் கனா காணும் காலங்கள் என்ற தொடரில் நடிகராக அறிமுகமானார்.

அதனை தொடர்ந்து இவர் சரவணன் மீனாட்சி என்ற தொடரில் வேட்டையன் என்ற கதாபாத்திரத்தின் மூலம் தனக்கென ஒரு ரசிகர் கூட்டத்தை சேர்த்தார். பின்பு 2017 ஆம் ஆண்டு வெளிவந்த சத்ரியன் என்ற திரைப்படத்தில் துணைக் கதாபாத்திரத்தில் நடித்து வெள்ளித்திரையில் கவின் நுழைந்தார். பிறகு இவர் 2019 ஆம் ஆண்டு நட்புன்னா என்னன்னு தெரியுமா என்ற படம் மூலம் கதாநாயகனாக சினிமாவில் தடம் பதித்தார். ஆனால், இந்த படம் இவருக்கு எதிர்பார்த்த வெற்றியை தரவில்லை.

கவின் திரைப்பயணம்:

பின் விஜய் தொலைக்காட்சியில் ஒளிபரப்பான பிக் பாஸ் நிகழ்ச்சியில் போட்டியாளராக கவின் பங்குபெற்று மக்கள் மத்தியில் பிரபலமானார். இந்த நிகழ்ச்சியின் மூலம் மீண்டும் இவருக்கு என்று ஒரு தனி ரசிகர் படை சேர்ந்தது. பிக் பாஸ் நிகழ்ச்சிக்கு பிறகு இயக்குனர் வினித் வரப்பிரசாத் இயக்கத்தில் கவின் நடிப்பில் லிப்ட் படம் வெளியாகி இருந்தது. இந்த படத்தை லிப்ரா புரொடக்ஷன் தயாரித்தது. இந்த படம் ஐடி கம்பெனியில் நடக்கும் திகில் சம்பவங்களை அடிப்படையாக வைத்து உருவானது. மேலும், இந்த படம் ரசிகர்கள் மத்தியில் நல்ல விமர்சனங்களை பெற்றது.

டாடா படம்:

இதனைத் தொடர்ந்து சமீபத்தில் கவின் நடித்த “டாடா” படம். இந்த படம் ரசிகர்கள் மத்தியில் நல்ல வரவேற்பு பெற்று இருந்தது. இந்த படத்தை பார்த்து பிரபலங்கள் பலரும் பாராட்டி இருந்தனர். இதனை அடுத்து கவின் அவர்கள் இரண்டு படங்களில் பிசியாக நடித்துக் கொண்டிருக்கிறார். இந்த நிலையில் கவினுக்கு திருமணமாக இருக்கும் தகவல் தற்போது இணையத்தில் வைரலாகி இருக்கிறது. அதாவது வருகிற ஆகஸ்ட் 20ஆம் தேதி தான் கவினுக்கு திருமணம் ஆக இருக்கிறது.

கவின் திருமணம்:

மேலும், இவர் திருமணம் செய்து கொள்ளும் பெண்ணின் பெயர் மோனிகா. இவர் தனியார் பள்ளியில் பணியாற்றி வருகிறார். இவரைத்தான் கவின் ரகசியமாக காதலித்து வந்தார். தற்போது இரு வீட்டார் சம்மதத்துடன் இவர்கள் திருமணம் செய்து கொள்ள இருக்கிறார்கள். இந்த நிலையில் லாஸ்லியா- மோனிகா இருவரும் இணைந்திருக்கும் புகைப்படம் சோசியல் மீடியாவில் பயங்கர வைரலாகி வருகிறது. அதாவது, பிக் பாஸ் நிகழ்ச்சியின் போது கவின்- லாஸ்லயா காதலித்தது அனைவரும் அறிந்ததே.

லாஸ்லியா- மோனிகா புகைப்படம்:

கவிலியா என்ற ஆர்மியை சோசியல் மீடியாவில் பயங்கர ட்ரெண்டிங் ஆகி இருந்தது. இந்நிகழ்ச்சிக்கு பின் இருவர்கள் இருவரும் காதலிக்கவில்லை என்று கூறி தங்களுடைய கேரியரில் கவனம் செலுத்தி வருகிறார்கள். இப்படி இருக்கும் நிலையில் மோனிகா- லாஸ்லியா ஒன்றாக இருக்கும் புகைப்படம் தான் தற்போது வெளியாகி இருக்கிறது. இவர்கள் இருவரும் நண்பர்களா? இல்லை லாஸ்லியா நடித்த படங்கள் அல்லது விளம்பரத்தில் மோனிகா பணியாற்றி இருக்கிறாரா? ஒரு வேலை இவர்களின் காதலால் தான் கவின் – லாஸ்லியாவின் காதல் பிரிந்ததா போன்ற கேள்விகளும் எழுந்துள்ளது.