பிக் பாஸில் நுழைந்திருக்கும் தன்னுடைய மனைவிக்கு வாழ்த்துக்கள் கூறி தினேஷ் பதிவிட்டு இருக்கும் பதிவை கண்டு ரசிகர்கள் பலரும் நெகிழ்ச்சி அடைந்துள்ளார்கள். சின்னத்திரை சீரியல் மூலம் மக்கள் மத்தியில் பிரபலம் ஆனவர் நடிகை ரக்ஷிதா. இவர் கர்நாடகாவை சேர்ந்தவர். இவர் விஜய் டிவியில் ஒளிபரப்பான பிரிவோம் சந்திப்போம் என்ற டிவியில் மூலம் தான் தமிழக மக்கள் மத்தியில் அறிமுகம் ஆகி இருந்தார். இதனை தொடர்ந்து இவர் பல சீரியல்களில் நடித்து இருந்தார். அதன் பின் இவர் சின்னத்திரையில் தனக்கென ஒரு ரசிகர் பட்டாளத்தை சேர்த்தார்.
விஜய் டிவியில் ஒளிபரப்பாகி சூப்பர் ஹிட் கொடுத்து சமீபத்தில் முடிவடைந்த நாம் இருவர் நமக்கு இருவர் 2 என்ற சீரியலில் மகா என்ற கதாபாத்திரத்தில் ரக்ஷிதா நடித்து இருந்தார். ஆனால், இந்த தொடரில் இருந்து இவர் திடீரென்று விலகிவிட்டார். ரஷிதாவிற்கு சீரியல் நடிகர் தினேஷ் என்பவருடன் கடந்த சில ஆண்டுகளுக்கு முன்னர் திருமணம் ஆனது. ஆனால், இவர்களுக்கு குழந்தைகள் எதுவும் இல்லை.
இப்படி ஒரு நிலையில் ரக்ஷிதா தன் கணவரை விட்டு பிரிந்து தனியாக வாழ்கிறார் என்று சோசியல் மீடியாவில் வெளியாகி இருந்தது. இது குறித்து பலரும் பலவிதமான கருத்துக்களை பதிவிட்டு வந்தனர். அதிலும் குறிப்பாக ரஷிதாவிற்கு குழந்தை இல்லை என்பதால் தான் இருவருக்கும் மனஸ்தாபம் ஏற்பட்டு திருந்தி விட்டார்கள் என்று ஒரு சிலரும் தினேஷிற்கு சமீப காலமாக சீரியலில் வாய்ப்பு இல்லாததால் தான் ரஷிதா அவரை பிரிந்து விட்டார் என்றும் கூறிவந்தனர்.
ஆனால், தங்கள் விவாகரத்து சர்ச்சை குறித்து பேசிய தினேஷ், கணவன், மனைவி இடையிலான சண்டை நடந்தால் ஒரு சிலர் ஒரே வீட்டில் இருந்துகொண்டே ஒருத்தருக்கு ஒருத்தர் பேசாமல் இருப்பார்கள். சிலர் கொஞ்சநாள் தனித்தனியாக இருப்போம் என்று முடிவெடுப்பார்கள். என்னை பொறுத்தவரைக்கும் எங்கள் இடையிலான பிரிவு தற்காலிகமானதுதான். மற்றபடி நான், ரக்ஷிதா இருவரும் ஒரு சட்ட பூர்வமாக பிரிவதற்கான எந்த ஒரு முயற்சியையும் இந்த நிமிஷம் வரைக்கும் எடுக்கவில்லை என்று கூறி இருந்தார்.
இறுதியாக ரக்ஷிதா இது சொல்ல மறந்த கதை என்ற தொடரில் நடித்து வந்தார். இந்த தொடர் திடீரென்று நிறுத்தப்பட்டு இருந்தது. இதனால் கடுப்பான ரக்ஷிதா, கலர்ஸ் தமிழ் தொலைக்காட்சியை திட்டி தீர்த்து பதிவு ஒன்றை போட்டு இருந்தார். இந்த தொடரை தவிர ரட்சிதா வேறு எந்த ஒரு தொடரிலும் நடிக்கவில்லை. இப்படி ஒரு நிலையில் தான் ரட்சிதா பிக்பாஸ் நிகழ்ச்சியில் கலந்து கொண்டு இருக்கிறார்.
பிக் பாஸ் நிகழ்ச்சியில் கலந்து கொண்ட ரக்ஷிதா, தன்னைப் பற்றிய வீடியோவில் பேசியபோது தன்னுடைய குடும்பத்தார் பற்றியும் தான் வளர்ப்போம் செல்ல நாய் பற்றியும் கூட பேசி இருந்தார். ஆனால், தன்னுடைய கணவர் குறித்து எதுவுமே பேசவில்லை. இப்படி ஒரு நிலையில் ரக்ஷிதாவின் கணவர் தினேஷ் ரட்சிதாவிற்கு வாழ்த்து தெரிவித்து பதிவு ஒன்றை போட்டு இருக்கிறார். இந்த பதிவை பார்த்து ரசிகர்கள் பலரும் விரைவில் நீங்கள் இருவரும் ஒன்று சேர வேண்டும் என்று கூறி வருகிறார்கள்.
