பிக் பாஸ் சீசன் 8 நிகழ்ச்சியில் சத்யா, தர்ஷிகா வாங்கி இருக்கும் சம்பளம் குறித்த தகவல் தான் தற்போது இணையத்தில் வைரலாகி வருகிறது. விஜய் டிவியில் பிக் பாஸ் 8 நிகழ்ச்சி டிவியில் தொடங்கி பத்தாவது வாரம் இறுதி கட்டத்தை நெருங்கி இருக்கிறது. இந்த சீசனில் ரவீந்தர் சந்திரசேகர், சாச்சனா, தர்ஷா குப்தா, சத்யா, தீபக், சுனிதா, கானா ஜெஃப்ரி, ஆர்ஜே ஆனந்தி, ரஞ்சித், பவித்ரா, தர்ஷிகா, அர்னவ், அன்ஷிதா, விஜே விஷால், முத்துக்குமரன், சௌந்தர்யா, ஜாக்குலின், அருண் பிரசாத் ஆகிய 18 போட்டியாளர்கள் பங்கேற்று இருந்தார்கள்.
இந்த முறை நிகழ்ச்சியை விஜய் சேதுபதி தான் தொகுத்து வருகிறார். இந்த முறை ஆளும் புதுசு, ஆட்டமும் புதுசு என்பதால் பல்வேறு டீவ்ஸ்டுகளுடன் பிக் பாஸ் நிகழ்ச்சி ஆரம்பமாகியுள்ளது. அதோடு முதல் நாளே பிக் பாஸ் வீடு நடுவே கோடு போடப்பட்டு ஆண்கள் ஒருபுறம், பெண்கள் ஒரு புறம் இருக்க வேண்டும் என அறிவிக்கப்பட்டது. அதன் பின் நிகழ்ச்சியை சுவாரசியம் ஆக்கும் வகையில் வைல்ட் கார்ட் என்ட்ரி ஆக வர்ஷினி வெங்கட், ராயன், ராணவ், மஞ்சரி, ரியா தியாகராஜன், சிவக்குமார் ஆகியோர் கலந்து இருந்தார்கள்.
பிக் பாஸ் 8:
இதுவரை நிகழ்ச்சியில் இருந்து ரவீந்தர், அர்னவ், தர்ஷா குப்தா, சுனிதா, வர்ஷினி, ரியா, சிவகுமார், ஆர்.ஜே.ஆனந்தி, சாச்சனா ஆகியோர் வெளியேறி இருந்தார்கள். இந்த வாரம் தொழிலாளி- முதலாளி டாஸ்க் நடைபெற்று இருந்தது. இதில் போட்டியாளர்கள் மத்தியில் சண்டை சச்சரவு வெடித்தது. அதுமட்டுமில்லாமல் இந்த நிகழ்ச்சி இறுதிக்கட்டத்தை நெருங்கி வருகிறது. இருந்தாலுமே ஆட்கள் அதிகமாக இருப்பதால் இனி வரும் வாரங்களில் டபுள் எவிக்ஷன் நடக்க வாய்ப்பு இருப்பதாக கூறப்பட்டது.
நிகழ்ச்சி குறித்த தகவல் :
மேலும், இந்த வாரம் மிட் வீக் எவிக்ஷன் நடக்க இருப்பதாக கூறப்பட்டது. அந்த வகையில் இந்த வாரம் நாமினேஷனில் தர்ஷிகா, சௌந்தர்யா, ஜாக்குலின், ராயன், பவித்ரா, அன்சிதா, விஷால், அருண் சத்யா ஆகியோர் பெயர்கள் இடம் பெற்றிருக்கிறது. இதில் ஓட்டின் நிலவரப்படி சத்யா, தர்ஷிகா ஆகியோர் குறைவான வாக்குகளை பெற்றிருந்தார்கள். ஆனால், இந்த வாரம் மிட் வீக் எவிக்ஷனில் நடக்கவே இல்லை.
இந்த வாரம் வீகென்ட் எபிசோட் வந்த உடனேயே விஜய் சேதுபதி நாமினேஷன் குறித்து சொல்லி இருந்தார்.
சம்பளம் விவரம்:
அதில் இந்த வாரம் டுபுள் எவிக்ஷன் என்பதால் முதலில் சத்யா வெளியேறி இருந்தார். அதன் பின் தர்ஷிகா வெளியேறி இருக்கிறார். இந்த நிலையில் பிக் பாஸ் நிகழ்ச்சியில் சத்யா-தர்ஷிகா வாங்கி இருக்கும் சம்பளம் குறித்த தகவல் தான் தற்போது வைரலாக்கப்பட்டு வருகிறது.
சத்யா:
ஒரு நாளைக்கு இவருக்கு 20 ஆயிரம் ரூபாய் சம்பளம் பேசப்பட்டது. இவர் பிக் பாஸ் நிகழ்ச்சியில் மொத்தம் 70
நாட்கள் இருந்து இருக்கிறார். இதனால் இவருக்கு 13 லட்சம் கொடுக்கப்பட்டதாக கூறப்படுகிறது.
தர்ஷிகா:
ஒரு நாளைக்கு இவருக்கு 25 ஆயிரம் ரூபாய் சம்பளம் பேசப்பட்டது. இவர் பிக் பாஸ் நிகழ்ச்சியில் மொத்தம் 70
நாட்கள் இருந்து இருக்கிறார். இதனால் இவருக்கு 14 லட்சம் கொடுக்கப்பட்டதாக கூறப்படுகிறது.
