விஜய் தொலைக்காட்சியில் கடந்த வாரம் தொடங்கப்பட்ட பிக்பாஸ் நிகழ்ச்சி ஒரு வாரத்தை நிறைவு செய்து இருக்கிறது. இந்த ஒரு வாரத்தில் போட்டியாளர்கள் அனைவருமே கொஞ்சம் ஜாலியாக தான்இருந்து வந்தனர். அதேபோல வீட்டில் பெரிதாக சண்டையோ சர்ச்சையை எழவில்லை. இடையில் நமிதா மாரிமுத்து மற்றும் தாமரைச்செல்வி ஆகிய இருவருக்கு மட்டும் லேசாக சண்டை எழுந்தது. ஆனால், சிறிது நேரத்திலேயே அதுவும் சமாதானத்தில் முடிந்துவிட்டது.
https://twitter.com/vijaytelevision/status/1447449438260137985
முதல் வாரத்தில் போட்டியாளர்களுக்கு கடந்து வந்த பாதை டாஸ்க் கொடுக்கப்பட்டது. இதில் போட்டியாளர்கள் அனைவரும் தாங்கள் கடந்து வந்த பாதை குறித்து பேசி இருந்தார்கள். அதிலும் குறிப்பாக திருநங்கையான நமிதா மாரிமுத்து பேசியது பலரையும் சோகத்தில் ஆழ்த்தி இருந்தது. அவரது பேச்சு ஒட்டுமொத்த திருநங்கைகளின் குரலாக ஒலித்தது. இந்த நிலையில் கடந்த சனிக்கிழமை அவர் சில தவிர்க்க முடியாத காரணத்தால் பிக் பாஸ் வீட்டில் இருந்து வெளியேறியதாக அறிவிக்கப்பட்டிருந்தது.
மேலும், நமிதா பிக்பாஸ் வீட்டில் இருக்கும் சக போட்டியாளர் ஒருவரிடம் சண்டையிட்டு வீட்டில் இருந்த பொருட்களை எல்லாம் தூக்கி எறிந்து ரகளை செய்ததாக கூறப்பட்டது. அவரை பிக் பாஸ் குழு எவ்வளவோ சமாதானம் செய்ய முயற்சித்தும் அது பலனும் அளிக்காததால் அவருக்கு ரெட் கார்ட் கொடுக்கப்பட்டு வெளியேற்றப்பட்டதாகவும் கூட கூறப்பட்டது.
கடந்த வாரம் நாமினேஷன் நடைபெறாததால் எலிமினேஷன் இல்லை என்று அறிவிக்கப்பட்டது. இன்று வெளியாகி இருந்த முதல் ப்ரோமோவில் இந்த சீஸனின் முதல் நாமினேஷன் நடைபெற்றது. இதில் அக்ஷரா, அபிநய், இசைவானி என்று பலரின் பெயர் அடிபட்டது. தற்போது வெளியாகி இருக்கும் ப்ரோமோவில் இந்த வாரம் நாமினேட் ஆனவர்களின் பெயர்கள் அறிவிக்கப்பட்டுள்ளது. இதில் நாதியா, இமான் அண்ணாச்சி, நிரூப், இசைவானி, பிரியங்கா, அபினய், அபிஷேக், அக்ஷரா என்று 8 பேர் நாமினேட் ஆகி இருக்கின்றனர்.
