விஜய் டிவியில் பிக் பாஸ் 7 நிகழ்ச்சி தொடங்கி 8வது வாரத்தை கடந்து இருக்கிறது. இந்த சீசனில் கூல் சுரேஷ், பூர்ணிமா ரவி, ரவீனா தாஹா, பிரதீப் ஆண்டனி, நிக்சன், சரவணா விக்ரம், மாயா எஸ் கிருஷ்ணா, விஷ்ணு, ஜோவிகா, அக்ஷ்யா உதயகுமார், மணிசந்திரா, வினுஷா தேவி, யுகேந்திரன் வாசுதேவன், விசித்ரா, பவா செல்லதுரை, விஜய் வர்மா என்று பலர் பிக் பாஸ் வீட்டிற்குள் சென்று இருந்தார்கள். இதில் அனன்யா, பவா, விஜய் வர்மா, வினுஷா மற்றும் யுகேந்திரன், அன்னபாரதி,பிரதீப், ஐஷு, கானா பாலா ஆகியோர் வெளியேறி இருக்கின்றனர்.
கடந்த வாரம் வரை பிக் பாஸ் வீட்டில் 14 பேர் இருக்க பாஸ் வீட்டில் மேலும் 3 wild card போட்டியாளர்கள் வர இருப்பதாக அறிவிக்கப்பட்டது. மேலும், போட்டியாளர்களுக்கு மூன்று டாஸ்க் கொடுக்கப்படும், அதில் வென்றால் பிக் பாஸ் வீட்டில் தொடரலாம், தோற்றால் wild card போட்டியாளருக்கு வழிவிட்டு பிக் பாஸ் வீட்டில் இருந்து வெளியேற வேண்டும் என்று போட்டியாளர்களுக்கு அதிர்ச்சியை கொடுத்து இருந்தார் பிக் பாஸ்.
கடந்த வாரம் நடைபெற்ற மூன்று பூகம்ப டாஸ்கில் இரண்டு டாஸ்கில் போட்டியாளர்கள் தோற்றதால் இரண்டு வைல்ட் கார்ட் போட்டியாளர்கள் உறுதியானது. அந்த வகையில் ஏற்கனவே பிக் பாஸ் வீட்டில் இருந்து வெளியேறிய விஜய் வர்மா மற்றும் அனன்யா wild Card போட்டியாளர்களாக உள்ளே நுழைந்து இருக்கின்றனர். இவர்கள் இருவரின் வருகையில் டபுள் ஏவிக்ஷன் ஏற்பட்டது. இதில் பிராவோ மற்றும் அக்ஷ்யா வெளியேறினார்கள்.
கடந்த வாரம் நடைபெற்ற கேப்டன்சி டாஸ்கில் விஷ்ணு, நிக்சன்,ஜோவிகா ஆகியோர் பங்கேற்று இருந்தனர். இதில் நிக்ஸன் வெற்றி பெற்று இந்த வார தலைவரானார். தலைவரானதால் இந்த வாரம் நடைபெறும் நாமினேஷனில் இருந்து தப்பித்துவிட்டோம் என்று மகிழ்ச்சியில் இருந்தார் நிக்சன். இப்படி ஒரு நிலையில் இன்று வெளியான முதல் ப்ரோமோவில் நிக்சன் கேப்டன் பதவிக்கு ஆப்பு வைத்தார் பிக் பாஸ்.
அதாவது நிக்சனின் கேப்டன்சியில் யாருக்காவது அநீதி நிகழ்ந்து இருக்கும் பட்சத்தில் வீட்டில் வைத்து இருக்கும் மணியை அடிக்கலாம். ஒருவேளை பெரும்பாலனோர் மணி அடிக்கும் பட்சத்தில் நிக்சனின் கேப்டன் பதிவு பறிக்கப்படுவதுடன் அவர் நேரடியாக இந்த வார நாமினேஷனில் இடம்பெறுவார் என்றும் அறிவித்து இருந்தார் பிக் பாஸ். இதனால் கேப்டன் டாஸ்க்கை வென்றும் இந்த வாரம் ஆபத்தில் சிக்கி இருக்கிறார் நிக்சன்.
அதே போல இன்று நடைபெற்ற ஸ்மால் பாஸ், பிக் பாஸ் வீட்டு நபர்களை பிரிக்கும் விஷயத்தில் விஜய் வர்மா, விக்ரம், பூர்ணிமா, விஷ்ணு, அர்ச்சனா, கூல் சுரேஷ் ஆகிய 6 பேரை ஸ்மால் பாஸ் வீட்டிற்கு அனுப்பி வைத்து இருக்கிறார் நிக்சன். இப்படி ஒரு நிலையில் தற்போது வெளியாகி இருக்கும் ப்ரோமோவில் இந்த வாரத்திற்கான ஓப்பன் நாமினேஷன் நடைபெற்று இருக்கிறது. அதில் மாயா,, பூர்ணிமாவை நாமினேட் செய்து இருகிறார். இதனால் பூர்ணிமா கண் கலங்கி அழுதுள்ளார்.
