கவினின் திருமண புகைப்படங்கள் தற்போது வைரலாகி வருகிறது. தமிழ் சினிமாவில் வளர்ந்து வரும் நடிகர்களில் ஒருவராக கவின் திகழ்ந்து வருகிறார். இவர் சின்னத்திரையில் நிகழ்ச்சி தொகுப்பாளராக தான் தன்னுடைய பயணத்தைத் தொடங்கினார். அதற்கு பிறகு தன்னுடைய நண்பர்களின் குறும் படங்களில் நடிக்க தொடங்கினார். அதன் மூலம் இவர் கனா காணும் காலங்கள் என்ற தொடரில் நடிகராக அறிமுகமானார்.
அதனை தொடர்ந்து இவர் சரவணன் மீனாட்சி என்ற தொடரில் வேட்டையன் என்ற கதாபாத்திரத்தின் மூலம் தனக்கென ஒரு ரசிகர் கூட்டத்தை சேர்த்தார். பின்பு 2017 ஆம் ஆண்டு வெளிவந்த சத்ரியன் என்ற திரைப்படத்தில் துணைக் கதாபாத்திரத்தில் நடித்து வெள்ளித்திரையில் கவின் நுழைந்தார். பிறகு இவர் 2019 ஆம் ஆண்டு நட்புன்னா என்னன்னு தெரியுமா என்ற படம் மூலம் கதாநாயகனாக சினிமாவில் தடம் பதித்தார். இந்த படம் இவருக்கு எதிர்பார்த்த வெற்றியை தரவில்லை.
கவின் திரைப்பயணம்:
பின் விஜய் தொலைக்காட்சியில் ஒளிபரப்பான பிக் பாஸ் நிகழ்ச்சியில் போட்டியாளராக கவின் பங்குபெற்று மக்கள் மத்தியில் பிரபலமானார். இந்த நிகழ்ச்சியின் மூலம் மீண்டும் இவருக்கு என்று ஒரு தனி ரசிகர் படை சேர்ந்தது. பிக் பாஸ் நிகழ்ச்சிக்கு பிறகு இயக்குனர் வினித் வரப்பிரசாத் இயக்கத்தில் கவின் நடிப்பில் லிப்ட் படம் வெளியாகி இருந்தது. இந்த படத்தை லிப்ரா புரொடக்ஷன் தயாரித்தது. இந்த படம் ஐடி கம்பெனியில் நடக்கும் திகில் சம்பவங்களை அடிப்படையாக வைத்து உருவானது.
View this post on Instagram
டாடா படம்:
மேலும், இந்த படம் ரசிகர்கள் மத்தியில் நல்ல விமர்சனங்களை பெற்றது. இதனைத் தொடர்ந்து சமீபத்தில் கவின் நடித்துள்ள “டாடா” படம் திரையரங்குகளில் வெளியாகி இருந்தது. இந்த படத்தில் இவருக்கு ஜோடியாக சிந்து என்ற கதாபாத்திரத்தில் அபர்ணாதாஸ் நடித்து இருந்தார். இந்த படம் ரசிகர்கள் மத்தியில் நல்ல வரவேற்பு பெற்று இருந்தது. இந்த படத்தை பார்த்து பிரபலங்கள் பலரும் பாராட்டி இருந்தனர். இதனை அடுத்து கவின் அவர்கள் இரண்டு படங்களில் பிசியாக நடித்துக் கொண்டிருக்கிறார். .
கவின் திருமணம்:
அதில் ஒன்று, நடன இயக்குனர் சதீஷ் இயக்கத்தில் உருவாகி வரும் ரொமான்ஸ் படத்தில் கவின் நடித்து வருகிறார். இந்த படத்திற்கு அனிருத் இசையமைக்கிறார். இந்த நிலையில் கவினுக்கு விரைவில் திருமணமாக இருப்பதாக சமூக வலைத்தளத்தில் செய்திகள் பரவியது. அதாவது, கவின் திருமணம் செய்து கொள்ளும் பெண்ணின் பெயர் மோனிகா. இவர் தனியார் பள்ளியில் பணியாற்றி வருகிறார்.
சத்தமில்லாமல் நடைபெற்ற திருமணம் :
இவரைத்தான் கவின் ரகசியமாக காதலித்து வந்தார். இவர்களுடைய காதல் ரகசியமாக இருந்தது. தற்போது இரு வீட்டார் சம்மதத்துடன் திருமணம் செய்து கொள்ள இருக்கிறார்கள் என்றும் தகவல் வெளியானது. இந்த நிலையில் கவின் மோனிகாவின் திருமணம் கடந்த சில நாட்களுக்கு முன்னர் சத்தமில்லாமல் நடைபெற்றது உள்ளது. இப்படி ஒரு நிலையில் தனது திருமண வீடியோவை வெளியிட்டுள்ள கவின் 'கடைசி வரைக்கும் வரும் ஒரு நண்பர் கிடைத்துவிட்டார். எங்கள் வாழ்க்கையில் உங்கள் அனைவரையும் பெற்றதற்கு ஆசீர்வதிக்கப்பட்டவனாக கருதுகிறோம்' என்றும் குறிப்பிட்டுள்ளார்.
