நான் மத்தவங்கள மாதிரி நான் தான் வாழ்க்க கொடுதேன்னு சொல்ல மாட்டேன் – சிவகார்த்திகேயன் பேச்சால் கொந்தளித்த தனுஷ் ரசிகர்கள்

By
Rajkumar
-
0
301
- Advertisement -

‘கொட்டுக்காளி’ படத்தின் ட்ரெய்லர் வெளியீட்டு விழாவில் நடிகர் சிவகார்த்திகேயன் பேசியதற்கு, தற்போது தனுஷின் ரசிகர்கள் கொந்தளித்து இருக்கும் செய்தி தான் சோசியல் மீடியாவில் வைரல் ஆகி வருகிறது. தமிழ் சினிமா உலகில் மிகப்பிரபலமான காமெடி நடிகராக இருந்து தற்போது ஹீரோவாக கலக்கி கொண்டு இருக்கிறார் சூரி. கடைசியாக இவர் நடித்த ‘கருடன்’ படம் மிக பெரிய அளவில் வெற்றி பெற்று வசூல் சாதனையும் செய்து இருந்தது. தற்போது சூரி நடித்து இருக்கும் படம் ‘கொட்டுக்காளி’.

-விளம்பரம்-

இந்த படத்தை இயக்குனர் பி.எஸ்.வினோத் ராஜ் இயக்கி இருக்கிறார். இவர் ஏற்கனவே ‘கூழாங்கல்’ என்ற படத்தை இயக்கி இருந்தார் என்பது குறிப்பிடத்தக்கது. மேலும், கொட்டுக்காளி படத்தை சிவகார்த்திகேயன் தயாரித்து இருக்கிறார். இந்தப் படத்தில் சூரி, அன்னா பென் உட்பட பல நடிகர்கள் நடித்திருக்கிறார்கள். இந்த படம் ஆகஸ்ட் 23-ஆம் தேதி வெளியாக இருக்கிறது. தற்போது இந்த படத்திற்கான வேலைகள் மும்மரமாக நடை பெற்று வருகிறது.

- Advertisement -

ட்ரெய்லர் வெளியீட்டு விழாவில் சிவா:

இந்த நிலையில் கொட்டுக்காளி படத்தினுடைய ட்ரெய்லர் வெளியீட்டு விழா இன்று நடைபெற்று இருக்கிறது. இதில் கொட்டுக்காளி படக்குழுவினர் உடன் சிறப்பு விருந்தினராக பிரபலங்கள் பலர் கலந்து கொண்டிருந்தார்கள். அப்போது விழாவில் சிவகார்த்திகேயன் பேசுகையில், நான் அருணிடம், வினோத் ராஜின் அடுத்த படத்தை நான் தயாரிக்கிறேன். அவர் என்ன கதை வைத்திருந்தாலும் பரவாயில்லை நான் தயாரிக்கிறேன் என்று சொன்னேன். நான் கதைக்காக பண்ணுவதை தாண்டி இப்படி ஒருத்தரை, வினோத் ராஜ் என்பவரை செலப்ரேட் பண்ணுவதற்காக இந்த படத்தை பண்ணுகிறேன்.

சிவகார்த்திகேயன் பேச்சு:

இந்த படம் ஆரம்பிக்கப்பட்டதற்கான ஒரே காரணம் வினோத் ராஜ் தான். இது எவ்வளவு பட்ஜெட் என்று எதுவும் தெரியாது. அவர் என்னிடம் கதை சொன்னார். அதற்கு நான், எனக்கு முழு கதையும் தேவை இல்லை. அப்புறம் தேவையில்லாத டிஸ்கஷன் வரும், பட்ஜெட் ஒர்க்கவுட் பண்ணி கொடுங்கள் என்றேன். இது ஒரு தொடக்கம் தான். இந்த படத்தில் என்ன இன்வெஸ்ட் பண்ணி இருக்கேனோ அது வெற்றி அடைந்து லாபம் வந்தால் அவருடைய அடுத்த படத்திற்கு அதை கொடுப்பேன். இன்னும் கொஞ்சம் லாபம் கிடைத்தால் வினோத் ராஜ் மாதிரி இருக்கும் நபர்களை தேடி கண்டுபிடித்து இரண்டு பேருக்கு அட்வான்ஸ் கொடுப்பேன் என்றார்.

-விளம்பரம்-

நான் அந்த மாதிரி ஆள் கிடையாது :

இதை நான் சினிமாவிற்காக ஏதாவது செய்ய வேண்டும் என்று தான் செய்கிறேன். இந்த வாழ்க்கை கொடுத்த சினிமாவுக்கு என்னால் முடிந்த சின்ன கிரெடிடாக பார்க்கிறேன். அதுக்காக நான் தான் எல்லாரையும் கண்டுபிடித்து வாழ்க்கை கொடுத்தேன். நான்தான் எல்லாரையும் உருவாக்கினேன் என்று சொல்ல மாட்டேன். ஏன்னா, என்னை அப்படி சொல்லி சொல்லி பழகி விட்டார்கள். அந்த மாதிரி ஆள் நான் கிடையாது. கொட்டுக்காளி வெற்றியடைந்தால், இந்த மாதிரி முயற்சிகள் மீண்டும் தொடரும் என்று பேசி இருந்தார்.

தனுஷ் ரசிகர்கள் கொந்தளிப்பு:

இந்நிலையில், சிவகார்த்திகேயனின் பேச்சைக் கேட்ட தனுஷின் ரசிகர்கள், சிவகார்த்திகேயனுக்கு எதிராக சமூக வலைத்தளங்களில் பதிவிட்டு வருகிறார்கள். குறிப்பாக அனிருத், சென்றாயன், ரோபோ சங்கர், எஸ் ஜே சூர்யா, பிரகாஷ் ராஜ் உட்பட பல நடிகர்கள் தனுஷை புகழ்ந்து பேசுவதைப் போல வீடியோக்களை பகிர்ந்து வருகின்றனர். மேலும், தனுஷ் ஒருபோது நான் தான் உருவாக்கினேன் என்று யாரையும், எங்கும் சொன்னதில்லை என்று , சிவகார்த்திகேயனுக்கு எதிராக திட்டி கமெண்ட்களை பதிவிட்டு வருகின்றனர். தற்போது இந்த செய்தி தான் சோசியல் மீடியாவில் பரபரப்பு ஏற்படுத்தியுள்ளது.

Advertisement

RELATED ARTICLESMORE FROM AUTHOR