மேனன் என்பது நீங்க படிச்சி வாங்குன பட்டமா - ஜாதி பற்றி குறிப்பிட்ட ப்ளூ சட்டை, கெளதம் மேனன் கொடுத்த பதில்.

சமீபத்தில் கெளதம் மேனன் இயக்கத்தில் சிம்பு நடிப்பில் வெளியாகி இருந்த வெந்து தணிந்தது காடு படத்தை ப்ளூ சட்டை மாறன் கடுமையாக விமரிசித்து இருந்தார். அவரது விமர்சனத்தில் 'பார்த்திபன் ஒரு அவார்ட் பைத்தியம் என்றால், கௌதம் வாசுதேவ் மேனன் ஒரு வாய்ஸ் ஓவர் பைத்தியம். இதை நன்றாகவே கண்டுபிடித்து மக்கள் போன படத்திலேயே கலாய்த்து விட்டதால் இனி வாய்ஸ் ஓவர் கொடுத்தால் நம்மை கலைப்பார்கள் என்று இந்த படத்தில் அப்பு குட்டி மூலமாக வாய்ஸ் ஓவரில் கதையை சொல்ல ஆரம்பித்திருக்கிறார். இதிலிருந்து என்ன தெரிகிறது கௌதம் மேனனுக்கு இன்னும் அந்த பைத்தியம் முழுதாக குணமாகவில்லை என்பது தெரிகிறது என்று கலாய்த்து இருந்தார்.

https://www.youtube.com/watch?v=0MTy3s8AMuQ

ஹீரோ ஒரு பெரிய டானாக மாறி வருகிறார் என்றதும் அவரை கொல்ல ஒரு பெரியபீசை ரெடி செய்கிறார்கள். அது யார் என்றால் விக்ரம் படத்தில் குட்டியாக லில்லி புட்டு போல மினி வாட்டர் போல வருவாரே அவரை ஒரு கோடி ரூபாய் கொடுத்து ஹீரோவை கொல்ல ஏற்பாடு செய்கிறார்கள் என்று ஜாபரை உருவாக் கேலி செய்து இருந்த ப்ளூ சட்டை வீணா போனவன் எப்படி டான் ஆனான் என்பதை தான் எடுத்து வைத்திருக்கிறார்கள் என்று இந்த படத்தை கழுவி ஊற்றி இருந்தார்.

ப்ளூ சட்டை குறித்து கெளதம் மேனன் :

இப்படி ஒரு நிலையில் சமீபத்தில் பேட்டி ஒன்றில் பங்கேற்ற கெளதம் மேனன் ப்ளூ சட்டை மாறன் பற்றி பேசுகையில் ' ப்ளூ சட்டை மாறன் மேல எனக்கு அவ்வளவு கடுப்பு. அவரது யூட்யூப் சேனலுக்கு ஸ்பான்சர் கிடைக்குறதுக்கும், அவருக்கு பணம் வர்றதுக்காகவும், ஒரு படத்தை தரக்குறைவா விமர்சனம் செய்றத பார்க்கும்போது எனக்கும் ரொம்ப கோபம் வரும். நீ ரிவ்யூ பண்ணு, ஆனா இளக்காரமாவோ, தரக்குறைவாகவோ விமர்சனம் பண்ணாத.

https://twitter.com/YourNanban/status/1572089390054404096

ஏதாவது செய்யலாமான்னு தோணுது:

அவர் சொன்ன திருச்சிற்றம்பலம் படத்தோட விமர்சனத்தை பார்த்தபோது, அதில் முதல் 10 நிமிஷம் படத்தை பற்றி கழுவி ஊற்றி விட்டு, நடுவுல படம் நல்லா இருக்குன்னு சொல்லுவாரு. இதெல்லாம் பார்க்குறப்போ, இறங்கி ஏதாவது செய்யலாமாங்குற அளவுக்கு கோபம் வருது. மத்தவங்களுக்கு அப்படி கோபம் வருதான்னு எனக்கு தெரியல. ஆனா உண்மையிலேயே எனக்கு இறங்கி ஏதாவது செய்யலாமான்னு தோணுது என்று கூறியுள்ளார்.

ப்ளூ சட்டை பதிலடி :

கெளதம் மேனனின் இந்த விமர்சனத்திற்கு தனது ட்விட்டர் பக்கத்தில் பதிலடி கொடுத்து வரும் ப்ளூ சட்டை மாறன் அவரது பெயரில் இருக்கும் மேனன் என்ற சாதிப்பெயரை குறிப்பிட்டு விமர்சித்து ''கெளதம் மேனன் இயக்கிய முதல் படமான மின்னலே பட போஸ்டரை பதிவிட்டு அதில் கெளதம் மேனனின் பெயர் கெளதம் என்று குறிப்பிட்டு இருப்பதை சுட்டிகாட்டி இருக்கிறார்.

ஜாதியை குறிப்பிட்டு விமர்சித்த ப்ளூ சட்டை :

மேலும், தமிழ் சினிமாவில் கெளதம் என்ற பெயருடன் நுழைந்துவிட்டு பின்னர் மேல் சாதி பெயரான மேனன் என்ற சாதி பெயரை போட்டுகொண்டு தன்னை உயர்த்திக்கொண்டார். சாதிப்பெயரை பின்னால் போட்டுக்கொள்வதை விரும்பாத தமிழகத்தில்..சாதிய அடையாளத்தை பெருமையாக கருதும் ஒரே இயக்குனர் கெளதம் வாசுதேவ் மேனன் என்று ஜாதியை குறிப்பிட்டு விமர்சித்து இருக்கிறார்.

https://www.youtube.com/shorts/d61NCOmo7kk

கெளதம் மேனன் விளக்கம் :

இப்படி ஒரு நிலையில் சில தினங்களுக்கு முன் பேட்டி ஒன்றில் பங்கேற்ற கெளதம் மேனன் 'எனக்கு பிறக்கும்போது வைத்தது கௌதம் வாசுதேவ் மேனன் தான். என் அனைத்து சான்றிதழ்களிலும் அப்படித்தான் இருக்கும். மின்னலே படம் பண்ணும் போது என் பெயரை கௌதம் வாசுதேவ் மேனன் என்று போட்டு தான் தயார் செய்து இருந்தோம். ஆனால், அந்த படத்தின் தயாரிப்பாளர் முரளி 'இல்லை அப்படி வேண்டாம் கௌதம் என்று வை, சங்கர் பெயர் எப்படி ஷார்ட்டாக இருக்கிறதோ அப்படி வைக்க வேண்டும்' என்று அவர் சொன்னதால்தான் அப்படி போட்டேன். ஆனால், அதன் பின்னர் வந்த படங்களில் எல்லாம் கௌதம் வாசுதேவ் மேன் என்றுதான் என் பெயரை போட்டு இருக்கிறேன்' என்று கூறியுள்ளார்.