தளபதி 68 படத்தின் டைட்டில் குறித்த தகவல் தற்போது கோலிவுட் வட்டாரத்தில் கசிந்துள்ளது. தமிழ் சினிமா உலகில் பல ஆண்டு காலமாக உச்ச நட்சத்திரமாக ஜொலித்து கொண்டிருப்பவர் தளபதி விஜய். இவர் நடிப்பில் வெளியாகும் அனைத்து படங்களும் மக்கள் மத்தியில் நல்ல வரவேற்பை பெற்று இருக்கிறது. அந்த வகையில் கடந்த ஆண்டு விஜய் நடிப்பில் வெளியான படம் பீஸ்ட். இந்த படம் ரசிகர்கள் மத்தியில் கலவையான விமர்சனத்தை பெற்று இருந்தது. இந்த படத்தை தொடர்ந்து இறுதியாக விஜய் நடிப்பில் வெளியான படம் வாரிசு குடும்பங்கள் கொண்டாடும் வெற்றி லிஸ்டில் சேர்ந்தது.
இந்த படத்தை வம்சி இயக்கி இருந்தார். இந்த படத்தில் ராஷ்மிகா மந்தனா, சரத்குமார், யோகி பாபு, பிரகாஷ் ராஜ், நாசர், பிரபு, ஜெயசுதா, ஸ்ரீகாந்த், சங்கீதா, ஷ்யாம் போன்ற பலர் நடித்து இருந்தார்கள். தமன் இந்த படத்திற்கு இசை அமைத்து இருந்தார். குடும்ப பின்னணியை மையமாக கொண்ட கதை. இந்த படம் பொங்கல் விருந்தாக ரசிகர்களுக்கு வெளியாகி இருந்தது. மேலும், வாரிசு படம் கலவையான விமர்சனத்தை பெற்று இருந்தாலும், உலக அளவில் 300 கோடிக்கும் மேல் அதிகமாக வசூல் செய்து இருந்ததாக அதிகாரப்பூர்வ அறிவிப்பும் வெளியாகி இருந்தது.
லியோ படம்:
இதனை அடுத்து தற்போது தளபதி விஜய்யை வைத்து “லியோ” என்ற படத்தை லோகேஷ் இயக்கி வருகிறார். இந்த படம் அக்டோபர் 19ஆம் தேதி வெளியாகும் என்று அறிவிக்கப்பட்டிருக்கிறது. இந்த படத்திற்கு இயக்குனர் ரத்னகுமார் மற்றும் இயக்குனர் தீரஜ் வைதி ஆகியோர் கதை மற்றும் வசனம் எழுதுவதில் பணியாற்றி வருகிறார்கள். இதனை அடுத்து நடிகர் விஜய்யின் தளபதி 68-வது படத்தை இயக்குனர் வெங்கட் பிரபு இயக்க இருப்பதாக தகவல் வெளியாகியிருந்தது. இந்த படத்தை ஏஜிஎஸ் என்டர்டைன்மென்ட் நிறுவனம் தயாரிக்கிறது.
10 மாதம் முன்பே சந்திப்பு :
இந்த படம் தொடர்பாக பத்து மாதங்களுக்கு முன்பே வெங்கட் பிரபு விஜய் சந்தித்து இருக்கிறார். அப்போது எடுத்த புகைப்படத்தையும் சோசியல் மீடியாவில் பகிர்ந்து இருந்தார். யுவன் சங்கர் ராஜா தான் தளபதி 68 படத்திற்கு இசையமைப்பாளர் என்று அதிகாரபூர்வமாக அறிவிக்கப்பட்டிருக்கிறது. கிட்டத்தட்ட 20 வருடங்களுக்கு பிறகு யுவன் சங்கர் ராஜா- விஜய் இணைந்திருக்கிறார்கள்.
இந்த படம் மாநாடு படம் போல டைம் லூப் போல் கதையாக இருக்கும் என்று கூறப்படுகிறது. அதோடு இந்த படத்திற்கு கதாநாயகியாக தமன்னா, கீர்த்தி செட்டி இடம் பேச்சுவார்த்தை நடந்து வருகிறது. இந்த படத்திற்கு ஒளிப்பதிவாளர் ரிச்சர்ட் எம்நாதன் ஒளிப்பதிவு செய்கிறார். மேலும், ஜூன் மாதம் விஜயின் பிறந்தநாள் வருவதால் இந்த படத்தின் டைட்டிலையும் பர்ஸ்ட் லுக் போஸ்டரையும் வெளியிட படக்குழு திட்டமிட்டு வருகின்றனர்.
படத்தின் தலைப்பு இதுவா :
இந்த நிலையில் இந்த படத்துக்கு ‘சிஎஸ்கே’ எனப் பெயர் வைக்கப்படலாம் என கோலிவுட் வட்டாரத்தில் பேசப்பட்டு வருகிறது. மேலும், விரைவில் இதுகுறித்த அதிகாரப்பூர்வ அறிவிப்பு வெளியாகும் என்றும் எதிர்பார்க்கப்படுகிறது.வெங்கட் பிரபுவின் முதல் படமான சென்னை 28 திரைப்படத்தையும் அதன் இரண்டாம் பாகத்தையும் கிரிக்கெட்டை மையப்படுத்தி எடுக்கப்பட்டிருந்தது என்பது குறிப்பிடத்தக்கது.
தளபதி 68க்கு என்ன சப் டைட்டில் :
தற்போது இந்தப் படத்தின் தலைப்பு, வெங்கட் பிரபு மீண்டும் கிரிக்கெட் சம்பந்தப்பட்ட படம் எடுக்கிறாரா எனும் கேள்விகளை எழுப்பியுள்ளது. வெங்கட் பிரபு படம் என்றாலே டைட்டலுக்கு பின் A Venkat Prabhu Game, Sixer, Reunion, Politics, Diet, Holiday, Hangover, Quickie, Hunt போன்ற ஆங்கில வார்த்தைகள் இருக்கும் அந்த வகையில் இந்த படத்திற்கு அவர் என்ன ஆங்கில டைட்டில் வைக்கப்போகிறார் என்பதை பொறுத்திருந்து பார்ப்போம்.
