ஊழலுக்கு ஆப்பு ரெடி என்று கமலின் ரசிகர்கள் வைத்த பேனர் தற்போது சோசியல் மீடியாவில் பயங்கர வைரல் ஆகி வருகிறது. தமிழ் சினிமா உலகின் பிரம்மாண்ட இயக்குனர் ஷங்கரின் இயக்கத்தில் உலக நாயகன் கமல்ஹாசன் நடிப்பில் 1996 ஆம் ஆண்டு வெளிவந்து இருந்த படம் “இந்தியன்”. இந்த படம் சூப்பர் டூப்பர் ஹிட் கொடுத்து இருந்தது. இதனால் இந்த படத்தின் இரண்டாம் பாகம் எடுக்க முடிவு செய்து இருந்தார்கள். 25 வருடங்களுக்கு பிறகு மீண்டும் ஷங்கர்- கமலஹாசன் கூட்டணியில் “இந்தியன் 2” படம் உருவாகி வந்தது.
இந்த படத்தை லைகா நிறுவனம் தயாரித்து வருகிறது. மேலும், 'இந்தியன் 2’ படம் அதிகபட்ச செலவில் எடுக்கப் போவதாக தகவல் வெளியாகி இருந்தது. இந்த படத்தில் கமல்ஹாசனுடன், காஜல் அகர்வால், சித்தார்த், ப்ரியா பவானி சங்கர் உள்ளிட்ட பல நடிகர்கள் நடிக்கின்றனர். இந்த படத்திற்கு அனிருத் இசையமைக்கிறார். ஆர். ரத்னவேலு ஒளிப்பதிவு செய்கிறார். வெற்றிகரமாக படப்பிடிப்பும் தொடங்கப்பட்டது.
படப்பிடிப்பு தளத்தில் நடந்த விபத்து:
அப்போது கமலஹாசன் அவர்களுக்கு அறுவை சிகிச்சை நடந்தது. இதனால் படப்பிடிப்பு ஒத்தி வைக்கப்பட்டு இருந்தது. இது அனைவருக்கும் தெரிந்த ஒன்று. அதே சமயம் நடைபெற்று முடிந்த சட்ட மன்ற தேர்தலில் கமல் பிசியாக இருந்ததால் அவர் படப்பிடிப்புகளில் கலந்துகொள்ளாமல் இருந்தார். சிறிய இடைவெளிக்கு பிறகு படப்பிடிப்பு தொடங்கப்பட்டது. ஆனால், படப்பிடிப்பு தளத்தில் திடீரென்று கிரேன் அறுந்து விழுந்து 3 பேர் அநியாயமாக உயிரிழந்து இருந்தார்கள்.
இந்தியன் 2 படம் குறித்த தகவல்:
அதில் 8 பேர் படுகாயமடைந்து இருந்தார்கள். இதனால் படப்பிடிப்பு நின்று விட்டது. இப்படி பல பிரச்சனைகளின் நடுவில் இந்தியன் 2 திரைப்படம் எப்போ தொடங்கப்படும்? என்ற கேள்வி எழுந்தது. சமீபத்தில் சங்கர் அவர்கள் பேட்டியில் இந்தியன் 2 படப்பிடிப்பு தொடங்கும் என்று கூறி இருந்தார். அதன்படி செப்டம்பர் மாதம் மீண்டும் படத்தின் படப்பிடிப்பு தொடங்க உள்ளதாக கூறப்படுகிறது. இந்தியன் 2 பட ஷூட்டிங் சென்னையில் நடைபெற இருக்கும் என்று கூறப்படுகிறது.
இந்தியன் 2 படத்தில் செய்த மாற்றம்:
இந்தியன் 2 திரைப்படத்தில் மறைந்த நடிகர் விவேக் முக்கிய கதாபாத்திரத்தில் ஏற்று நடித்திருந்தார். அவர் சம்பந்தப்பட்ட காட்சிகள் படமாக்கப்பட்டு இருந்தது. அது மட்டுமில்லாமல் முதன்முறையாக கமலுடன் விவேக் இணைந்து நடிப்பது குறித்து பதிவு ஒன்றும் போட்டிருந்தார். ஆனால், விவேக் கடந்த ஆண்டு உடல் நலக்குறைவால் காலமாகி இருந்தார். தற்போது விவேக் நடித்த காட்சிகளை நீக்கிவிட்டு ஜோக்கர் திரைப்படத்தின் நாயகன் குரு சோமசுந்தரம் தான் விவேக் நடித்த கதாபாத்திரத்தில் நடிக்க இருக்கிறார் என்ற தகவல் வெளியாகி இருக்கிறது.
ரசிகர்கள் வைத்த பேனர்:
இந்த நிலையில் இந்தியன் 2 படம் குறித்த பேனர் தற்போது சோசியல் மீடியாவில் வைரலாகி வருகிறது. அதாவது, இந்தியன் 2 படத்தை வரவேற்கும் விதமாக மதுரையில் உள்ள கமலின் ரசிகர்கள் எதுகை மோனை வசனங்களுடன் போஸ்டர் ஒன்று ஒட்டி இருக்கின்றனர். அந்த போஸ்டரில், ஊழலுக்கு ஆப்பு ரெடி" 40/40 என்றும்,
2021 ல் இவரை தவறவிட்டது கோவை
நாடு இருக்கும் சூழலில் நம்மவரின் சேவை
இந்திய அரசியலை சரி செய்ய தேவை என்று கூறி இருக்கிறார்கள்
