லெஜெண்ட் சரவணனின் இரண்டாவது படத்தில் கதாநாயகியாக நடிக்கும் நடிகை குறித்து அப்டேட் தான் தற்போது இணையத்தில் வைரலாகி வருகிறது. தி லெஜெண்ட் சரவணனை தெரியாதவர்கள் யாரும் இருக்க மாட்டார்கள். சரவணா ஸ்டோர்ஸ் விளம்பரம் மூலம் மக்கள் மத்தியில் அதிகம் பேசப்பட்டவர் சரவணன் அருள். இவர் தனது சொந்தக் கடை விளம்பரத்தில் தானே நடித்து பிரபலம் தேடிக் கொண்டவர். அதோடு இவர் தனது கடையின் விளம்பரங்களில் ஹன்சிகா, தமன்னா போன்ற முன்னணி நடிகைகளுடன் சேர்ந்து நடித்தார்.
இதனால் அவரை பலரும் உருவ கேலி செய்து கலாய்த்து தள்ளினர். அதை எல்லாம் கண்டுகொள்ளாத சரவணன் அடுத்த கட்டமாக படங்களில் நடிக்கும் ஆசையில் தானே படநிறுவனத்தை உருவாக்கி “தி லெஜெண்ட்” என்ற படத்தில் நடித்தார். இந்த படத்தை ஜேடி – ஜெர்ரி இயக்கி இருந்தார்கள். இந்த திரைப்படத்திற்கு ஹாரிஷ் ஜெயராஜ் இசையமைத்திருந்தார். மிக பிரம்மாண்டமான பொருட் செலவில் இந்த படம் எடுக்கப்பட்டிருந்தது.
தி லெஜன்ட் படம்:
இந்த படத்தில் அருள் அண்ணாச்சிக்கு ஜோடியாக புதுமுகம் கீத்திகா திவாரி நடித்து இருந்தார். இவர்களுடன் இந்தப் படத்தில் பிரபு, விவேக், விஜயகுமார், நாசர், தம்பி ராமையா, வெங்கட், மயில்சாமி, லதா, கோவை சரளா உள்ளிட்ட பல நடிகர்கள் நடித்து இருந்தார்கள். அதிக எதிர்பார்ப்புடன் இந்த படம் தமிழ், தெலுங்கு, கன்னடம், மலையாளம், ஹிந்தி உள்ளிட்ட பல மொழிகளில் பான் இந்திய படமாக வெளியாகி இருந்தது. இந்த படத்தின் மூலம் சரவணன் அருள் அவர்கள் ரசிகர்கள் மத்தியில் வேற லெவல்ல ட்ரெண்டிங் ஆகி இருந்தார்.
சரவணன் நடிக்கும் படம்:
இருந்தாலும், இந்த படம் எதிர்பார்த்த அளவிற்கு வெற்றி கொடுக்கவில்லை. இந்த படத்தை தொடர்ந்து சரவணன் அவர்கள் தன்னுடைய அடுத்த படத்திற்கான வேலையில் மும்முரமாக இருக்கிறார். அந்த படமும் கமர்சியல் படமாக இருக்கும் என்று கூறப்படுகிறது. இவருடைய இரண்டாவது படத்தை இயக்குனர் துரை செந்தில்குமார் இயக்குகிறார். இந்த படத்தினுடைய படப்பிடிப்பு தற்போது ஜார்ஜியாவில் நடைபெற்று வருகிறது.
நடிகை குறித்த அப்டேட்:
இந்த நிலையில் ஷூட்டிங் ஸ்பாட்டில் படக்குழுவினருடன் லெஜெண்ட் சரவணன் எடுத்துக் கொண்ட புகைப்படங்கள் எல்லாம் தற்போது இணையத்தில் படு வைரலாக்கப்பட்டு லைஃகளையும் குவித்து வருகிறது.
அதோடு இந்த படத்தில் சரவணனுக்கு ஜோடியாக தெலுங்கு நடிகை பாயல் ராஜ்புட் தான் நடிக்கிறார். இந்த இரண்டாவது படத்தையும் லெஜெண்ட் சரவணன் தான் தயாரிக்கிறார் என்பது குறிப்பிடத்தக்கது.
பாயல் ராஜ்புட் குறித்த தகவல்:
இந்திய சினிமாவில் பிரபலமான நடிகைகளில் ஒருவராக பாயல் ராஜ்புட் இருக்கிறார். இவர் முதன் முதலில் பஞ்சாபி மொழி படங்களில் தான் நடிக்க தொடங்கினார். அதற்கு பிறகு தான் இவருக்கு தெலுங்கு மொழியில் நடிக்க வாய்ப்பு கிடைத்தது. அதனை தொடர்ந்து இவர் தெலுங்கு, ஹிந்தி, பஞ்சாபி, தமிழ் போன்ற பல மொழி படங்களில் நடித்துக் கொண்டு வருகிறார்.
