நடிகர் ஸ்ரீயின் நிலைமை குறித்து இயக்குனர் லோகேஷ் கனகராஜ் வெளியிட்டு இருக்கும் அறிக்கை தான் தற்போது இணையத்தில் வைரலாகி வருகிறது. தமிழ் சினிமா உலகில் பிரபலமாக அறியப்பட்டவர் நடிகர் ஸ்ரீ. இவர் விஜய் டிவியில் ஒளிபரப்பாகியிருந்த கனா காணும் காலங்கள் என்ற தொடரின் மூலம் தான் நடிக்க வந்தார். இதில் இவர் ஸ்ரீராம் என்ற கதாபாத்திரத்தில் நடித்திருந்தார். இந்த தொடரின் மூலம் இவருக்கு மக்கள் மத்தியிலும் நல்ல வரவேற்பு கிடைத்தது.
அதனை தொடர்ந்து அவருக்கு படங்களில் நடிக்கும் வாய்ப்பு வந்தது. அதன் படி இவர் 2012 ஆம் ஆண்டு வெளிவந்த வழக்கு எண் 18 கீழ் 9 வழக்கு படத்தில் நடித்திருந்தார். இந்த படத்தில் இவர் தெருவில் தள்ளுவண்டி கடை வைத்திருக்கும் கதாபாத்திரத்தில் நடித்திருந்தார். முதல் படத்திலேயே இவருடைய நடிப்பு ரசிகர்கள் மத்தியில் பாராட்ட பெற்றிருந்தது. இதனை அடுத்து இவர் ஓநாயும் ஆட்டுக்குட்டியும் என்ற படத்தில் நடித்திருந்தார்.
ஸ்ரீ குறித்த தகவல்:
அதற்கு பின் இவர் வில் அம்பு, மாநகரம் போன்ற படங்களில் எல்லாம் நடித்திருந்தார். குறிப்பாக, லோகேஷ் கனகராஜ் இயக்கிய மாநகரம் படம் மிகப்பெரிய அளவில் வரவேற்பை பெற்றிருந்தது. இந்த படத்தின் மூலம் இவருக்கு ரசிகர்கள் மத்தியில் நல்ல வரவேற்பு கிடைத்து இருக்கிறது. அதனை தொடர்ந்து கடந்த 2023 ஆம் ஆண்டு வெளியாகியிருந்த இறுக்கப்பற்று படத்தில் ஸ்ரீ நடித்திருந்தார். இந்த படத்தை இயக்குனர் யுவராஜ் இயக்கி இருந்தார்.
ஸ்ரீ நிலைமை:
இந்த படத்தில் விக்ரம் பிரபு, ஷ்ரத்தா, அபர்ணதி, விதார்த், சானியா உட்பட பல நடிகர்கள் நடித்து இருந்தார்கள். இந்த படமும் ரசிகர்கள் மத்தியில் நல்ல வரவேற்பை பெற்றிருந்தது. ஆனால், இந்த படத்திற்கு பிறகு ஸ்ரீ நடிப்பில் எந்த படமுமே வெளியாகவில்லை. இவர் சினிமாவில் இல்லாததால் ரசிகர்கள் பலருமே ஸ்ரீக்கு என்னாச்சு? எதனால் அவர் படங்களில் நடிக்கவில்லை? ஏதாவது பிரச்சனையா? என்றெல்லாம் கேள்வி எழுப்பி இருக்கிறார்கள். இந்த நிலையில் இவருடைய லேட்டஸ்ட் புகைப்படம் தான் தற்போது சோசியல் மீடியாவில் வைரலாகி வருகிறது.
ஸ்ரீ நிலைமைக்கு காரணம்:
அதில் அவர், உடல் மெலிந்து நீண்ட தலை முடியுடன் ரொம்ப பார்க்கவே பரிதாபமான நிலையில் இருக்கிறார். இது ஸ்ரீயா? எப்படி இருந்தவர் இப்படி ஆகிட்டாரே? என்றெல்லாம் ரசிகர் கேள்வி எழுப்பி வருகிறார்கள். இன்னொரு தரப்பினர் இது உண்மையாகவே ஸ்ரீயின் புகைப்படமா? இல்ல வேறு யாரேனும் அதை தவறாக பயன்படுத்தியிருக்கிறார்களா? என்றெல்லாம் கேட்டு இருக்கிறார்கள். மேலும், ஸ்ரீயின் இந்த நிலைமைக்கு காரணம், இவர் போதைப் பொருளுக்கு அடிமையாகி இருக்கிறார் என்றும், சினிமா வாய்ப்பு கிடைக்காததால் இவர் மன வேதனையில் போதை பொருளுக்கு அடிமையானார் என்றெல்லாம் கூறப்படுகிறது. ஆனால் உண்மையிலேயே என்ன நடந்தது? என்று ஸ்ரீ சொன்னால் தான் தெரியும்.
லோகேஷ் கனகராஜ் அறிக்கை:
இதைத்தொடர்ந்து பிரபலங்கள் பலருமே நடிகர் ஸ்ரீயின் நிலைமையை பற்றி பதிவு போட்டு வருகிறார்கள். இப்படி இருக்கும் நிலையில் இயக்குனர் லோகேஷ் கனகராஜ் அவர்கள் ஸ்ரீ பற்றி அறிக்கை ஒன்றை வெளியிட்டு இருக்கிறார். அதில் அவர், ஸ்ரீ ராம் குடும்பத்தினர் மற்றும் நண்பர்கள் தரப்பிலிருந்து இந்த அறிவிப்பு வெளியிடுகிறோம். நடிகர் ஸ்ரீ தற்போது மருத்துவ கண்காணிப்பில் தான் இருக்கிறார். டாக்டர்களின் அறிவுறுத்தலின்படி சோசியல் மீடியாவில் இருந்து அவரை விலகியும், சிகிச்சை பெற்றும் வருகிறார். அவர் மீண்டும் நலமுடன் வர அவரின் தனி உரிமைக்கு மதிப்பளிக்குமாறு கேட்டுக்கொள்கிறோம். அவரைப் பற்றி வரும் தவறான வதந்திகளும் ரொம்பவே பாதிக்கிறது. ஸ்ரீயின் உடல்நிலை பற்றி வரும் வதந்திகளை எல்லாம் தவிர்த்து விடுங்கள் என்று அனைத்து தரப்பு ஊடகத்தினரையும் கேட்டுக்கொள்கிறோம். அவருடைய உடல்நிலை தொடர்பாக வரும் செய்திகளையும் பேட்டிகளையும் நீக்குமாறு கேட்டுக்கொள்கிறோம் என்று கூறியிருக்கிறார்.
