மஞ்சுமெல் பாய்ஸ் இயக்குநர் சிதம்பரம் இயக்கி இருக்கும் 'பாலன் தி பாய்' திரைப்படம் ஜூன் 19 ஆம் தேதி வெளியாகிறதுகே.வி.என் புரொடக்ஷன்ஸ் (KVN Productions) மற்றும் தெஸ்பியன் ஃபிலிம்ஸ் (Thespian Films) இணைந்து தயாரித்துள்ள, ரசிகர்கள் ஆவலுடன் எதிர்பார்க்கும் "பாலன் தி பாய்" திரைப்படத்தின் அதிகாரப்பூர்வ வெளியீட்டுத் தேதியை படக்குழுவினர் இன்று அறிவித்துள்ளனர்.
கேன்ஸ் திரைப்பட விழாவின் (Cannes Film Festival 2026) ஒரு பகுதியான 'மார்ச் டு ஃபிலிம்'-இல் (Marché Du Film) திரையிடப்படுவதற்கு முன்னதாக, இந்தப் படம் வருகிற ஜூன் 19, 2026 அன்று உலகம் முழுவதும் திரையரங்குகளில் வெளியாகும் என உறுதி செய்யப்பட்டுள்ளது. ஐந்து மொழிகளில் ஒரு உணர்ச்சிகரமான பயணம்:
மஞ்சுமெல் பாய்ஸ் படம்:
திரு. வெங்கட் கே நாராயணா தலைமையிலான கே.வி.என் புரொடக்ஷன்ஸ் மற்றும் திருமதி ஷைலஜா தேசாய் ஃபென் தலைமையிலான தெஸ்பியன் ஃபிலிம்ஸ் தயாரிப்பில் உருவாகியுள்ள இத்திரைப்படம் தமிழ், மலையாளம், இந்தி, தெலுங்கு மற்றும் கன்னடம் ஆகிய ஐந்து மொழிகளில் வெளியாகிறது.
கதைக்கரு:
ஒரு மனிதனின் அடையாளம், அவனது வேர்கள் மற்றும் சமூகத்தில் அவன் கொண்டுள்ள பிணைப்பு ஆகியவற்றை மையமாகக் கொண்ட ஆழமான உணர்ச்சிகரமான கதையாக இப்படம் உருவாகியுள்ளது. 'மஞ்சுமெல் பாய்ஸ்' புகழ் இயக்குநர் சிதம்பரம் இப்படத்தை எழுதி, இயக்கியுள்ளார். ஜித்து மாதவன் இப்படத்திற்கு திரைக்கதை எழுதியுள்ளார்.
பாலன் படம்:
கேன்ஸ் திரைப்பட நிகழ்வில் திரையிடப்படுவதன் மூலம், இந்தியத் திரையுலகின் ஒரு குறிப்பிடத்தக்க படைப்பாக இது உலக அரங்கில் தடம் பதிக்கிறது. உலகளாவிய உணர்ச்சிகளை உள்ளடக்கிய ஒரு கதையாகவும், திறமையான தொழில்நுட்பக் கலைஞர்களின் கூட்டணியிலும் உருவாகியுள்ள 'பாலன் தி பாய்', இந்த ஆண்டின் மிக முக்கியமான மற்றும் கண்டிப்பாகப் பார்க்க வேண்டிய திரைப்படங்களில் ஒன்றாக இருக்கும் என எதிர்பார்க்கப்படுகிறது.
