நடிகை நமிதாவும் விவாகரத்து பெற இருக்கும் தகவல் தான் தற்போது இணையத்தில் சர்ச்சையாகி இருக்கிறது. தென்னிந்திய சினிமா உலகில் மிக பிரபலமான நடிகையாக இருந்தவர் நமீதா. சொல்லப்போனால், ஒரு காலத்தில் இவர் ரசிகர்களின் கனவு கன்னியாக இருந்தவர். தமிழில் விஜயகாந்த் நடித்த கன்னியாக அண்ணா படத்தின் மூலம் தான் நமீதா அறிமுகமானார். ஆனால், அதற்கு முன் இவர் சில தெலுங்கு படங்களில் நடித்து இருக்கிறார்.
அதை தொடர்ந்து இவர் தமிழ், தெலுங்கு, மலையாளம், கன்னடம், ஹிந்தி, என பல மொழி படங்களில் நடித்து இருக்கிறார். மேலும், இவர் சினிமாவில் அறிமுகமான கொஞ்ச நாட்களிலேயே இளைஞர்களின் மனதில் தனக்கென ஓரு இடத்தை பிடித்து விட்டார். அதன் பின் இவர் ஒட்டு மொத்த ரசிகர்களையும் தன் பக்கம் இழுத்தார். அதோடு இவர் அனைவரையும் ‘மச்சான்’ என்று தான் செல்லமாக அழைப்பார். அதனால் தான் இவர் இளைஞர்கள் மத்தியில் பெரிய அளவுக்கு பிரபலம் ஆனார் என்றும் சொல்லலாம்.
நமீதா திருமணம்:
மேலும், இவர் தமிழ் சினிமாவில் விஜய், அஜித், சரத் குமார் , சத்தியராஜ் , விஜயகாந்த் போன்ற பல முன்னணி நடிகர்களின் படத்தில் நடித்து இருக்கிறார். பின் உடல் எடை கொஞ்சம் அதிகரித்த பிறகு நமீதாவிற்கு சினிமா பட வாய்ப்புகள் குறைய தொடங்கியது. இதனால் இவர் தனியார் தொலைக்காட்சி நிகழ்ச்சிகளில் நடுவராக சில காலம் இருந்தார். அதன் பின் இவர் விஜய் தொலைக்காட்சியில் ஒளிபரப்பான பிக் பாஸ் 1 நிகழ்ச்சியில் போட்டியாளராக பங்கு பெற்றார்.
நமீதா குடும்பம்:
இதன் மூலமாவது பட வாய்ப்புகள் கிடைக்குமா? என்று காத்திருந்தார் நமீதா. ஆனால், பிக் பாஸ் நிகழ்ச்சிக்கு பிறகும் இவருக்கு பெரிதாக சினிமா பட வாய்ப்புகள் அமையவில்லை. பின் இவர் 2017 ஆம் ஆண்டு தனது காதலர் வீரேந்திர சௌத்ரி என்பவரை திருமணம் செய்து கொண்டார். இவர்களுக்கு கடந்த ஆண்டு தான் இரட்டை ஆண் குழந்தைகள் பிறந்தது. இதற்கிடையே சொந்தமாக ஓடிடி தளத்தை நமீதா உருவாக்கி இருக்கிறாராம். தற்போது நமீதா அவர்கள் “பவ் பவ்” தற்போது படத்தில் நடித்து வருகிறார்.
விவாகரத்து பெற இருக்கும் நமீதா:
இப்படத்தை நமீதாவே தயாரித்து இயக்குவதாகவும், இப்படம் முழுக்க செல்லப்பிராணிகளை விரும்பும் நண்பர்களுக்கான படம் என்றும் கூறப்படுகிறது. இப்படி இருக்கும் நிலையில் நடிகை நமீதாவிற்கும் அவருடைய கணவர் வீரேந்திர சௌத்திரிக்கும் இடையே கருத்து வேறுபாடு ஏற்பட்டு விவாகரத்து பெற இருப்பதாக சோசியல் மீடியாவில் தகவல் வெளியாகி இருக்கிறது. சமீபத்தில் சைந்தவி-ஜி வி பிரகாஷ் விவாகரத்து பலருக்கும் பேர் அதிர்ச்சியை கொடுத்து இருக்கும் நிலையில் நமீதா விவாகரத்து தற்போது வைரலாகி வருகிறது.
நமீதா பேட்டி:
மேலும், இது குறித்து நமீதா கூறியிருப்பது, எங்களை பற்றி விவாகரத்து வதந்தி சோசியல் மீடியாவில் வெளியானதை தொடர்ந்து நான், நாங்கள் இருவரும் சேர்ந்து எடுத்துக் கொண்ட புகைப்படத்தை வெளியிட்டேன். இருந்தும் நாங்கள் விவாகரத்து பெற்று விட்டதாக வதந்திகளை பரப்பி வருகிறார்கள். எதன் அடிப்படையில் இப்படியெல்லாம் செய்திகளை வெளியிடுகிறார்கள்? என்று புரியவில்லை. நடிகையான பிறகு நான் இந்த மாதிரி நிறைய வதந்திகளை பார்த்து விட்டேன். இதனால் நானும் என் கணவரும் இந்த விவாகரத்து வதந்தியை பெரிதாக எடுத்துக்கொள்ளவில்லை என்று கூறியிருக்கிறார்.