விஜய்க்கு பதிலடி கொடுக்கும் வகையில் ஜெயிலர் படத்தின் பாடல் வரிகள் இருப்பதாக ரசிகர்கள் கூறிவரும் வரும் நிலையில் சூப்பர் ஸ்டார் பட்டம் குறித்து விஜய் பதில் அளித்துள்ள பதிவு தற்போது சோசியல் மீடியாவில் வைரலாகி வருகிறது. தமிழ் சினிமாவில் கடந்த 45 ஆண்டுகளாக தெடர்ந்து சூப்பர் ஸ்டார் என்ற அந்தஸ்துடன் வலம் வருபவர் ரஜினிகாந்த். இவர் நடிப்பில் வெளியாகும் அணைத்து படங்களுமே பெரிய அளவில் வெற்றி பெற்று வசூலில் சாதனை படைத்து இருக்கிறது. ஆனால், கடந்த சில காலங்களாக ரஜினி நடிப்பில் வந்த எந்த படமும் அந்த அளவுக்கு வெற்றியை கொடுக்கவில்லை என்பது குறிப்பிடதக்கது.
Reality ~
— ⚡SAMCRUZE 👿 (@SamCruze20) July 17, 2023
Thalapathy 🔥 >>> SuperStar 🤣 https://t.co/fqdGuiVGje pic.twitter.com/uVAmgBeXaV
குறிப்பாக கடைசியாக வந்த “அண்ணாத்த” திரைப்படம் மோசமான விமர்சனங்களை பெற்று ரசிகர்கள் மத்தியில் படு தோல்வி அடைந்தது. இந்த சூழ்நிலையை அடுத்து தற்போது ரஜினி நடிக்கும் படம் “ஜெயிலர்”. இந்த படத்தை சன் பிக்சர்ஸ் நிறுவனமே தயாரிக்கிறது. இந்த படத்தை இயக்குனர் நெல்சன் இயக்குகிறார். இயக்குனர் நெல்சன் நடிகர் விஜய்யை வைத்து இயக்கிய பீஸ்ட் படம் அந்த அளவிற்கு வெற்றியடையவில்லை எனவே இவருக்கும் “ஜெயிலர்” படத்தின் வெற்றி மிகவும் முக்கியம் என்பதினால் மும்முரமாக படம் இயக்குவதில் ஈடுபட்டுள்ளார்.
ஜெயிலர் படம்:
மேலும், இந்த படத்திற்கு அனிருத் இசையமைக்கிறார். இந்த படத்தில் கன்னட நடிகர் சிவராஜ்குமார் முக்கிய வேடத்தில் நடிக்கிறார். இவர்களுடன் படத்தில் பிரியங்கா மோகன், யோகிபாபு, ரெடின் கிங்ஸ்லி, கிளி அரவிந்த், இயக்குநர் கேஎஸ் கிங்ஸ்லி, ரம்யா கிருஷ்ணன், வசந்த் ரவி என பலர் நடித்து வருகின்றனர். சமீபத்தில் தான் இப்படத்தின் ஷோ கேஸ் வீடியோ வெளியாகி ரசிகர்கள் மத்தியில் நல்ல வரவேற்பை பெற்றது.
இப்படத்தில் ரஜினி அவர்கள் முத்துவேல் பாண்டியன் என்ற பெயரில் போலீஸ் அதிகாரியாக நடித்துள்ளார். இந்த படத்தில் இடம்பெற்ற ஹுக்கும் பாடல் வெளியான போதே இந்த பாடலில் வரும் ‘ உன் அளும்ப பாத்தவன்… உன் ங்கொப்பன் விசில கேட்டவன்… உன் மவனும் பேரனும் ஆட்டம் போட வைப்பவன்… பேர தூக்க நாலு பேரு… பட்டத்த பறிக்க நூறு பேரு… குட்டி சுவத்த எட்டி பார்த்தா உசுர கொடுக்க கோடி பேரு’ என்ற வரிகள் பக்காவாக ரஜினிக்கு பொருத்தமானதாக இருக்கிறது.
அது மட்டும் இல்லாமல் இந்த வரிகள் மறைமுகமாக விஜய்க்கு பதிலடி கொடுக்கும் வகையில் இருப்பதாக ரசிகர்கள் கூறி வருகின்றனர். இதெற்கெல்லாம் மேலாக ஜெயிலர் படத்தின் இசை வெளியீட்டு விழாவில் ரஜினி சொன்ன பருந்து காக்கா கதை விஜய் ரசிகர்களை மேலும் சீண்டியது. இப்படி ஒரு நிலையில் நடிகர் விஜய் 9 வருடங்களுக்கு முன்னர் போட்ட பதிவு வைரலாகி வருகிறது.
அதில் ‘நான் ஒன் மேன் ஆர்மி. இந்த உலகமே எனக்கு எதிராக இருந்தாலும் நான் அதையெல்லாம் தாண்டி உச்சத்தில் வருவேன்’ என்று பதிவிட்டுள்ளார். இந்த பதிவு தற்போது வைரலாகி வருகிறது. அதே போல சூப்பர் ஸ்டார் பட்டம் குறித்து 9 ஆண்டுக்கு முன்பே சொன்ன ட்வீட் ஒன்று தற்போது வைரலாகி வருகிறது. அதில் ‘உங்களுக்கு சூப்பர் ஸ்டார் பட்டம் பிடிக்குமா அல்லது இளையதளபதி பட்டம் பிடிக்குமா’ என்று ரசிகர் ஒருவர் கேட்டிருந்தார். இதற்கு பதில் அளித்துள்ள விஜய் உங்களுடைய இந்த அன்புக்கு முன்னால் எந்த பட்டமும் பெருசா தோணலை என்றும் உங்கள் விஜய்’ என்று கூறியுள்ளார்.
