பாண்டியன் ஸ்டோர்ஸ் சீரியல் மூலம் மக்கள் மத்தியில் பிரபலமானவர் மீனா என்கிற ஹேமா. இவருடைய சொந்த ஊர் மயிலாடுதுறை. இவருக்கு சிறு வயதிலிருந்தே மீடியாவில் அதிக ஆர்வம் உடையவர். ஹேமா எம்சிஏ படித்து முடித்த பிறகு சைதாப்பேட்டை போலீஸ் காவல் துறை அலுவலகத்தில் ஹார்ட்வேர் என்ஜினியராக பணிபுரிந்து இருக்கிறார். அதற்கு பின்னர் இவர் வசந்த் தொலைக்காட்சியில் செய்தி வாசிப்பாளராக அறிமுகமானார்.
பின்னர் இவர் பல சேனல்களில் செய்தி வாசிப்பாளராக பணிபுரிந்தும் இருந்தார். பிறகு இவர் விஜய் டிவியில் ஒளிபரப்பான ஆபிஸ் சீரியலில் நடித்தார். இதை தொடர்ந்து இவர் குலதெய்வம், மெல்ல திறந்தது கதவு, சின்ன தம்பி என பல சீரியலில் முக்கிய கதாபாத்திரத்தில் நடித்து இருந்தார். அதுமட்டுமில்லாமல் இவர் வெள்ளித்திரையில் பாயும் புலி, அட்டகத்தி, இவன் யார் என்று தெரிகிறதா, போன்ற பல படங்களில் நடித்து உள்ளார்.
தற்போது இவர் பாண்டியன் ஸ்டோர்ஸ் சீரியலில் மீனா என்ற கதாபாத்திரத்தில் நடித்து வருகிறார். இந்த சீரியலில் இவர் முதல் தம்பிக்கு ஜோடியாக நடித்து வருகிறார்.மேலும், இந்த சீரியலில் இவர் கர்ப்பமாக இருக்கிறார். இது அனைவருக்கும் தெரிந்ததே. சமீபத்தில் கூட பாண்டியன் ஸ்டோர்ஸ் சீரியலில் மீனாவிற்கு வளைகாப்பு ந்டந்தது. மேலும், மீனாவிற்கு பெண் குழந்தை பிறந்ததாகவும் கூறப்பட்டது.
இப்படி ஒரு நிலையில் நிஜத்திலும் கர்ப்பமாக இருக்கும் ஹேமாவிற்கு விரைவில் குழந்தை பிறக்க உள்ளதால் அவர் பாண்டியன் ஸ்டோர்ஸ் சீரியலில் தொடர மாட்டார் என்று செய்திகள் வெளியானது. இதுகுறித்து வீடியோ ஒன்றை வெளியிட்டுள்ள ஹேமா, குழந்தை பிறந்ததற்கு பின்னர் பாண்டியன் ஸ்டோர்ஸ்ஸில் மீனா தொடருவரா என்பதை விரைவில் ஒரு நல்ல செய்தியுடன் அறிவிக்கிறேன் என்று கூறியுள்ளார்.
