எதிர்நீச்சல் சீரியலில் பாண்டியன் ஸ்டோர்ஸ் சீரியல் நடிகை இணைந்து இருக்கும் தகவல் தற்போது இணையத்தில் வைரலாகி வருகிறது. தற்போது சோசியல் மீடியாவில் ட்ரெண்டிங்காக இருக்கும் சீரியலில் ஒன்று சன் டிவி எதிர்நீச்சல். இந்த சீரியலுக்கு என்று ஒரு தனி ரசிகர் பட்டாளம் இருக்கிறது. இந்த சீரியல் தொடங்கிய நாளில் இருந்து தற்போது வரை விறுவிறுப்புக்கு பஞ்சம் இல்லாமல் சென்று கொண்டு இருக்கிறது. மேலும், இந்த சீரியல் அடக்கு முறைக்கு உட்படும் பெண்களுக்கு ஒரு விழிப்புணர்வு ஏற்படுத்தும் வகையில் இருக்கிறது.
இந்த சீரியலை இயக்குனர் திருச்செல்வம் இயக்கி வருகிறார். இந்த சீரியலில் பிரியதர்ஷினி, ஹரிப்ரியா, மதுமிதா, விபு ராமன், மாரிமுத்து, கமலேஷ், சபரி பிரசாந்த் உட்பட பலர் நடித்து வருகிறார்கள். அப்பா மற்றும் மகள் இருவருக்கும் இடையில் நடக்கும் பாசப் போராட்டத்தையும், பெண்களுக்கான உரிமையையும் மையமாக கொண்ட கதை தான் எதிர்நீச்சல். மேலும், மதுரையில் கூட்டு குடும்பமாக அண்ணன், தம்பிகள் வாழ்கிறார்கள். இந்த கூட்டு குடும்பத்தில் ஆண் ஆதிக்கத்தை நிலை நிறுத்திக் கொண்டிருக்கிறார்கள்.
எதிர்நீச்சல் சீரியல்:
அந்த குடும்பத்திற்கு திருமணம் செய்து வரும் பெண்கள் எல்லாம் வீட்டு வேலை செய்யும் வேலைக்காரர்களாக நடத்தி வருகிறார்கள். அதுவும் அதிகம் படித்த பெண்களை தேடி சென்று திருமணம் செய்கிறார்கள். அவர்களை எதிர்த்து எந்த கேள்வியும் கேட்க முடியாமல் அந்த பெண்களும் அமைதியாக இருக்கிறார்கள். இப்படி இருக்கும் நிலையில் தான் ஜனனி இந்த வீட்டின் கடைசி மருமகளாக வருகிறார். இவர் அங்கு நடக்கும் அநியாயங்களை தட்டிக் கேட்கிறார். இதனால் வீட்டில் பல பிரச்சனைகள் நடக்கிறது.
சீரியலின் கதை:
பின் மற்ற பெண்களும் தங்களின் உரிமையை கேட்டு போராடுகிறார்கள். இது ஒரு பக்கம் இருக்க, சீரியலில் கரிகாலனுக்கும் ஆதிரைக்கும் திருமணம் நடந்து விட்டது. இது பலருக்குமே ஷாக்கிங் ஆகத்தான் இருந்தது. வீட்டில் உள்ள பெண்கள் ஒவ்வொருமே தங்கள் பக்கம் நியாயத்தை எதிர்த்து தட்டிக் கேட்கிறார்கள். இதனால் குணசேகரன் என்ன செய்வதென்று புரியாமல் அமைதியாக இருக்கிறார். அதுமட்டுமில்லாமல் பட்டமாவின் சொத்தை தன் பெயரில் முழுவதுமாக மாற்றும் வரை எந்த பிரச்சினையும் செய்யக்கூடாது என்பதிலும் உறுதியாக இருக்கிறார். மேலும், சொத்துக்கள் மொத்தம் ஜீவானந்தம் பெயரில் மாறிவிட்டது என்று வக்கீல் குணசேகரிடம் சொல்கிறார்.
ஜீவானந்தம்-குணசேகரன் சண்டை:
இதனால் அதிர்ச்சி அடைந்த ஆதி குணசேகரன் மற்றும் அவருடைய தம்பிகள் கம்பெனிக்கு செல்கிறார்கள். ஆபீஸில் குணசேகரன் ஆட்களும் ஜீவானந்தமும் ஆட்களும் சண்டை போட்டுக் கொள்கிறார்கள். பின் கடைசியில் ஜீவானந்தத்தை சந்திக்க வேண்டும் என்று ஜனனி, குணசேகரன்
கேட்கிறார்கள். இதனால் ஆத்திரம் அடைந்த ஜீவானந்தம் துப்பாக்கியில் சுடுகிறார். இதனால் அனைவருமே அமைதியாக நிற்கிறார்கள். இனி இந்த சொத்து ஜீவானந்தத்திற்கு சொந்தமானதா? ஜீவானந்தம் எதற்கு பட்டமாவின் சொத்தை அபகரிக்கிறார்? இதனால் குணசேகரன் என்ன செய்யப் போகிறார்? ஜனனிக்கு ஜீவானந்தம் உதவி செய்வாரா? என்ற பல திருப்பங்களுடன் சீரியல் சென்று கொண்டிருக்கிறது.
புது என்ட்ரி கொடுக்கும் நடிகை:
இந்நிலையில் எதிர்நீச்சல் சீரியலில் பாண்டியன் ஸ்டோர்ஸ் சீரியல் நடிகை இணைய இருக்கும் தகவல் தற்போது இணையத்தில் வைரலாகி வருகிறது. அதாவது, பாண்டியன் ஸ்டோர்ஸ் தொடரில் முல்லையின் அம்மா கதாபாத்திரத்தில் நடித்துக் கொண்டிருப்பவர் சாந்தி வில்லியம்ஸ். தற்போது இவர் தான் எதிர்நீச்சல் சீரியலில் நடிக்க இருக்கிறார். இவர் ஏற்கனவே சன் தொலைக்காட்சியில் ஒளிபரப்பான பல தொடர்களில் நடித்திருக்கிறார். அது மட்டும் இல்லாமல் திருச்செல்வம் அவர்கள் உதவி இயக்குனராக பணியாற்றிய போது மெட்டி ஒலி சீரியலிலும் இவர் வில்லியாக நடித்து மக்கள் மத்தியில் தனக்கென ஒரு இடத்தை பிடித்திருக்கிறார். அதற்குப்பின் தற்போது எதிர்நீச்சல் சீரியலில் சாந்தி நடிக்க இருக்கிறார் என்ற தகவல் வெளியாகியிருக்கிறது. இவர் என்ன கதாபாத்திரத்தில் நடிக்கப் போகிறார் என்பதை தெரிந்து கொள்ள ரசிகர்கள் ஆர்வமாக இருக்கிறார்கள்.
