பாண்டியன் ஸ்டோர்ஸ் மீனா கட்டிருக்கும் புது வீடு குறித்த வீடியோ தற்போது சோசியல் மீடியாவில் பயங்கர ட்ரெண்டிங் ஆகி வருகிறது. விஜய் தொலைக்காட்சியில் ஒளிபரப்பாகி வரும் சீரியல்களில் டிஆர்பியில் முன்னிலையில் வகுத்து வரும் சீரியல் “பாண்டியன் ஸ்டோர்ஸ்”. இந்த சீரியல் அண்ணன் தம்பிகளுக்கு இடையேயான பாசக் கதையை மையமாக கொண்டது. இந்த சீரியலில் ஸ்டாலின், சுஜிதா, வெங்கட், ஹேமா ராஜ்குமார், லாவண்யா, குமரன் தங்கராஜன், சரவணன் என பல நடிகர்கள் நடிக்கிறார்கள்.
அதோடு இந்த சீரியல் ஆரம்பித்த நாளில் இருந்து இப்போது வரை விறுவிறுப்புடன் சென்று கொண்டு இருக்கிறது. அதனால் இந்த சீரியலுக்கு என்று ஒரு தனி ரசிகர் பட்டாளம் இருக்கிறது. தற்போது சீரியலில் அண்ணன் தம்பிகள் பிரிந்து இருக்கிறார்கள். இவர்கள் இணைவர்களா? என்ற பல அதிரடி திருப்பங்களுடன் சீரியல் சென்று கொண்டு இருக்கிறது. மேலும், இந்த சீரியலில் மீனா என்ற கதாபாத்திரத்தின் மூலம் ரசிகர்கள் மத்தியில் தனக்கென ஒரு இடத்தை பிடித்து வைத்திருப்பவர் ஹேமா.
ஹேமா குறித்த தகவல்:
இவருடைய சொந்த ஊர் மயிலாடுதுறை. இவருக்கு சிறு வயதிலிருந்தே மீடியாவின் மீது அதிக ஆர்வம் உடையவர். இவர் எம்சிஏ படித்து முடித்த பிறகு சைதாப்பேட்டை போலீஸ் காவல் நிலை அலுவலகத்தில் ஹார்ட்வேர் என்ஜினியராக பணிபுரிந்து இருந்தார். அதற்கு பின்னர் இவர் வசந்த் தொலைக்காட்சியில் செய்தி வாசிப்பாளராக அறிமுகமாகி இருந்தார். அதன் பின்னர் இவர் பல சேனல்களில் செய்தி வாசிப்பாளராக பணிபுரிந்தும் இருக்கிறார். அதற்கு பிறகு தான் இவர் விஜய் டிவியில் ஒளிபரப்பான ஆபிஸ் சீரியலில் நடித்தார்.
ஹேமா நடிக்கும் சீரியல்:
இதை தொடர்ந்து இவர் மெல்ல திறந்தது கதவு, சின்ன தம்பி என பல சீரியலில் முக்கிய கதாபாத்திரத்தில் நடித்தார். அதுமட்டுமில்லாமல் இவர் வெள்ளித்திரையில் நடித்து இருக்கிறார். தற்போது இவர் பாண்டியன் ஸ்டோர்ஸ் சீரியலில் மீனா என்ற கதாபாத்திரத்தில் நடித்து வருகிறார். இந்த சீரியலில் இவர் முதல் தம்பிக்கு ஜோடியாக நடித்து வருகிறார். அதிலும் இவர் சீரியலில் காமெடி, வில்லி, நல்லவர் என மூன்றும் கலந்த கலவையாக கலக்கிக் கொண்டிருக்கிறார்.
புது வீடு கட்டிய ஹேமா:
இவருடைய இயல்பான பேச்சும், நடிப்பும் இந்த சீரியலுக்கு கூடுதல் பலம் என்று சொல்லலாம். இது ஒரு பக்கமிருக்க, ஹேமா அவர்கள் தனியாக யுடியூப் சேனல் ஒன்றை தொடங்கி இருக்கிறார். அதில் அவர் பல வீடியோக்களை பதிவிட்டு இருக்கிறார். இப்படி ஒரு நிலையில் ஹேமா சொந்தமாக வீடு கட்டி வருகிறார். இது தொடர்பான புகைப்படம் எல்லாம் இணையத்தில் வைரலாகி இருந்தது. இந்நிலையில் ஹேமா தன்னுடைய புது வீடு குறித்த வீடியோ ஒன்றை பதிவிட்டு இருக்கிறார்.
ஹேமா பதிவிட்ட வீடியோ:
அந்த வீடியோவில், சொந்தமாக வீடு கட்டுவது என்பது நீண்ட நாள் கனவு. இப்போது என்னுடைய கனவு நனவாகி இருப்பதை நினைத்து சந்தோஷமாக இருக்கிறது. நான் நினைத்தபடி என்னுடைய ஒவ்வொரு அறையும் வைத்திருகிறோம் பல வருடங்களாக போராடி தான் இந்த வீட்டை கட்டி முடித்து இருக்கிறோம். 90% எங்களுடைய வீடு கட்டு முடிந்து விட்டது. வீட்டு கிரகப்பிரவேசத்திற்கு நாங்கள் ரெடியாகிவிட்டோம் என்று கூறியிருந்தார். இந்த வீடியோவை பார்த்த ரசிகர்கள் பலருமே ஹேமாவிற்கு வாழ்த்துகளை குவித்து வருகிறார்கள்.
