காதலுக்கு மரியாதை படத்தில் ஷாலினி தோழியாக வந்த இவங்க யார் தெரியுமா?

காதலுக்கு மரியாதை படத்தில் ஷாலினியின் தோழியாக வந்த நடிகை குறித்த தகவல் தான் தற்போது இணையத்தில் வைரலாகி வருகிறது. தமிழ் சினிமா உலகில் பல ஆண்டு காலமாக பிரபலமான நடிகர்களில் ஒருவராக திகழ்ந்து வருபவர் விஜய். இவருடைய நடிப்பில் வெளிவந்த பல படங்கள் சூப்பர் ஹிட் கொடுத்திருக்கிறது. அந்த வகையில் இயக்குனர் பாசில் இயக்கத்தில் 1997 ஆம் ஆண்டில் விஜய் நடிப்பில் வெளியாகியிருந்த ‘காதலுக்கு மரியாதை’ படம் மிகப்பெரிய அளவில் வெற்றி பெற்றது.

இன்னும் இந்த படம் ரசிகர்கள் மத்தியில் கொண்டாடப்பட்டு தான் வருகிறது. இந்த படத்தில் ஷாலினி, ராதா ரவி, சிவகுமார், ராதிகா, சார்லி உட்பட பல நடிகர்கள் நடித்திருந்தார்கள். இந்த படம் மட்டும் இல்லாமல் இந்த படத்தினுடைய பாடல்களும் ரசிகர்கள் மத்தியில் வரவேற்பு பெற்று இருக்கிறது. மேலும், இந்த படத்தில் நடிகை ஷாலினியின் தோழியாக நடித்திருந்தவர் பூர்ணிமா. இந்நிலையில் இவரைப் பற்றி தான் இங்கு பார்க்கப் போகிறோம்.

பூர்ணிமா குறித்த தகவல்:

இவர் வேற யாரும் இல்லை, மலையாளத்தில் பிரபல நடிகர் பிரிதிவிராஜன் உடைய அண்ணன் இந்திரஜித் மனைவி தான். பிரதிவிராஜின் தந்தை சுகுமாரன் மலையாளத்தில் மிகப் பிரபலமான நடிகர். அதன் மூலம் தான் தனக்கு சினிமாவில் நடிக்க வாய்ப்பு கிடைத்தது என்று சமீபத்தில் கூட பிரிதிவிராஜ் ஒரு பேட்டியில் சொல்லியிருந்தார். அதேபோல பிரித்திவிராஜின் அண்ணன் இந்திரஜித்.

பூர்ணிமா திரைப்பயணம்:

இவரும் மலையாளத்தில் மிகப் பிரபலமான நடிகர். இவருடைய மனைவி தான் பூர்ணிமா இந்திரஜித். இவர் மாடலாகத்தான் தன்னுடைய வாழ்க்கையை தொடங்கியிருந்தார். அதற்கு பிறகு இவர் படங்களில் துணை வேடங்களில் நடித்து வந்தார். இவர் தமிழ் மொழியில் மட்டுமில்லாமல் மலையாளம், இந்தி போன்ற படங்களிலும் நடித்திருக்கிறார். அதேபோல் இவர் சின்னத்திரை சீரியல்களிலும் நடித்திருக்கிறார். தமிழ், மலையாளம் ஆகிய இரு மொழிகளிலும் இவர் நடித்திருக்கிறார்.

பூர்ணிமா நடித்த சீரியல்கள்:

குறிப்பாக, தமிழில் சன் டிவியில் ஒளிபரப்பாகி சூப்பர் ஹிட் கொடுத்த ‘கோலங்கள்’ சீரியலில் பூர்ணிமா நடித்திருந்தார். அதற்குப் பிறகு தமிழில் வரவேற்பு குறைந்த உடன் இவர் மலையாள சீரியல்களில் நடித்து வருகிறார். இதனிடையே இவர் நடிகர் இந்திரஜித் என்பவரை திருமணம் செய்து கொண்டார். இவர்களுக்கு இரண்டு மகள்கள் இருக்கிறார்கள்.

பூர்ணிமா குடும்பம்:

திருமணத்திற்கு பிறகு இவர் சிறிய பிரேக் எடுத்துக்கொண்டு மீண்டும் கவனம் செலுத்தி நடித்து வருகிறார் பூர்ணிமா. தற்போது இவர் மலையாள தொடர்களில் நடித்தும், நிகழ்ச்சிகளிலும் பங்கேற்று வருகிறார். அதுமட்டுமில்லாமல் கடந்த ஆண்டு வெளிவந்த வெப் சீரிஸில் கூட இவர் நடித்திருந்தார். தற்போது நடிகை பூர்ணிமா இந்திரஜித் உடைய குடும்ப புகைப்படம் தான் இணையத்தில் வைரலாகி வருகிறது.