தனுஷ் பெயரால் ஏமாந்த நடிகை நமீதா – சர்ச்சைகளுக்கு மத்தியில் நமீதா கிளப்பிய புதிய புயல்.

நடிகை நமீதாவை தயாரிப்பாளர் ஒருவர் ஏமாற்றி இருக்கும் தகவல் தான் தற்போது சோசியல் மீடியாவில் சர்ச்சையை ஏற்படுத்தி இருக்கிறது. தென்னிந்திய சினிமா உலகில் மிக பிரபலமான நடிகையாக இருந்தவர் நமீதா. சொல்லப்போனால், ஒரு காலத்தில் இவர் ரசிகர்களின் கனவு கன்னியாக இருந்தவர். தமிழில் விஜயகாந்த் நடித்த எங்கள் அண்ணா படத்தின் மூலம் தான் நமீதா அறிமுகமானார். ஆனால், அதற்கு முன் இவர் சில தெலுங்கு படங்களில் நடித்து இருக்கிறார்.

அதை தொடர்ந்து இவர் தமிழ், தெலுங்கு, மலையாளம், கன்னடம், ஹிந்தி, என பல மொழி படங்களில் நடித்து இருக்கிறார். மேலும், இவர் சினிமாவில் அறிமுகமான சில நாட்களிலேயே இளைஞர்களின் மனதில் தனக்கென ஓரு இடத்தை பிடித்து விட்டார். அதன் பின் இவர் ஒட்டு மொத்த ரசிகர்களையும் தன் பக்கம் இழுத்தார். அதோடு இவர் அனைவரையும் ‘மச்சான்’ என்று தான் செல்லமாக அழைப்பார். அதனால் தான் இவர் இளைஞர்கள் மத்தியில் பெரிய அளவுக்கு பிரபலம் ஆனார் என்றும் சொல்லலாம்.

நமீதா திருமணம்:

மேலும், இவர் தமிழ் சினிமாவில் விஜய், அஜித், சரத் குமார் , சத்தியராஜ் , விஜயகாந்த் போன்ற பல முன்னணி நடிகர்களின் படத்தில் நடித்து இருக்கிறார். பின் உடல் எடை கொஞ்சம் அதிகரித்த பிறகு நமீதாவிற்கு சினிமா பட வாய்ப்புகள் குறைய தொடங்கியது. இதனால் இவர் தனியார் தொலைக்காட்சி நிகழ்ச்சிகளில் நடுவராக சில காலம் இருந்தார். அதன் பின் இவர் விஜய் தொலைக்காட்சியில் ஒளிபரப்பான பிக் பாஸ் 1 நிகழ்ச்சியில் போட்டியாளராக பங்கு பெற்றார்.

நமீதா குடும்பம்:

இதன் மூலமாவது பட வாய்ப்புகள் கிடைக்குமா? என்று காத்திருந்தார் நமீதா. ஆனால், பிக் பாஸ் நிகழ்ச்சிக்கு பிறகும் இவருக்கு பெரிதாக சினிமா பட வாய்ப்புகள் கிடைக்கவில்லை. பின் இவர் 2017 ஆம் ஆண்டு தனது காதலர் வீரேந்திர சௌத்ரி என்பவரை திருமணம் செய்து கொண்டார். இவர்களுக்கு கடந்த ஆண்டு தான் இரட்டை ஆண் குழந்தைகள் பிறந்தது. இதற்கிடையே சொந்தமாக ஓடிடி தளத்தை நமீதா உருவாக்கி இருக்கிறாராம்.

மீண்டும் என்ட்ரி கொடுக்கும் நமீதா:

அந்த ஓடிடி தளத்தில் உண்மை சம்பவங்களை அடிப்படையாக கொண்டு உருவாக்கப்பட்ட படங்கள் மட்டுமே வெளியிடப்படுகிறது. தற்போது நமீதா அவர்கள் “பவ் பவ்” என்ற படத்தில் நடித்து வருகிறார். இப்படத்தை நமீதாவே தயாரித்து இயக்குவதாகவும், இப்படம் முழுக்க செல்லப்பிராணிகளை விரும்பும் நண்பர்களுக்கான படம் என்றும் கூறப்படுகிறது. இப்படி இருக்கும் நிலையில் சமீபத்தில் நடிகை நமீதா பேட்டி ஒன்று அளித்திருந்தார். அதில் அவர், கடந்த 2006-ஆம் ஆண்டு ஒரு படத்தில் நடிக்க என்னிடம் கேட்டார்கள். அந்த படத்தின் பெயரை சொல்லவில்லை.

நமீதா பேட்டி:

அந்த படத்தின் நான் தனுசுக்கு ஜோடியாக நடிப்பதாக ஒரு தயாரிப்பாளர் என்னிடம் சொல்லினார்.
இதற்காக என்னிடம் கால்சீட் வாங்கினார். கடைசியில் தயாரிப்பாளர் உறவினர் தான் அந்த படத்தில் ஹீரோவாக நடித்தார். அதை நான் அறிந்ததுமே கடுப்பாகி படத்திலிருந்து பாதியிலேயே வந்துவிட்டேன். எப்படியோ அந்த படத்தை எடுத்து முடித்து ரிலீஸ் செய்தார்கள். பின் இந்த விவகாரம் தொடர்பாக நான் தயாரிப்பாளர் சங்கம் மற்றும் நடிகர்கள் சங்கத்தில் அப்போதே புகார் கொடுத்திருந்தேன் என்று கூறி இருந்தார்.