ரோபோ சங்கர் மகளின் திருமண தேதி தற்போது இணையத்தில் வைரலாகி வருகிறது. சின்னத்திரையில் இருந்து வெள்ளித்திரைக்கு பல்வேறு நடிகர், நடிகைகள் சென்று இருக்கிறார்கள். அந்த வகையில் தமிழ் சினிமா உலகில் பிரபலமான காமெடி நடிகனாக பட்டைய கிளப்பி கொண்டு இருப்பவர் ரோபோ ஷங்கர். குறுகிய காலத்தில் தன்னுடைய நடிப்பாலும், நகைச்சுவை பேச்சின் மூலம் தமிழ் சினிமாவில் தனெக்கென ஒரு இடத்தை பிடித்தவர் ரோபோ சங்கர். முதலில் பாடி பில்டராக இருந்த இவர் மேடை காமெடியனாக நடித்தார்.
View this post on InstagramA post shared by RD Fitness Unlimited (@rd_fitness_unlimited)
அதன் பின்னர் இவர் விஜய் தொலைக்காட்சியில் ஒளிபரப்பான பல்வேறு நிகழ்ச்சிகளில் பங்கேற்றார். பின் 2007 ஆம் ஆண்டு வெளிவந்த தீபாவளி என்ற படத்தின் மூலம் தான் இவர் சினிமா திரைக்கு அறிமுகமானார். அதன் பின்னர் இவர் முன்னணி நடிகர்களான இவர் சூர்யா, தனுஷ், சிவகார்த்திகேயன் என்று பல்வேறு நடிகர்களின் படத்தில் காமெடியனாக நடித்து இருக்கிறார். இதனிடையே 2002 ஆம் ஆண்டு நடிகர் ரோபோ ஷங்கர் அவர்கள் பிரியங்கா என்ற ஒரு நடன கலைஞரை காதலித்து திருமணம் செய்து கொண்டார். இவர்கள் இருவருக்கும் இரண்டு மகள்கள் உள்ளனர்
ரோபோ ஷங்கர் மகள்:
அதில் ஒரு மகள் இந்திரஜா அட்லீ இயக்கத்தில் விஜய் நடிப்பில் வெளிவந்த பிகில் படத்தில் நடித்து இருந்தார். இந்தப் படத்தில் பெண்கள் கால்பந்தாட்ட வீராங்கனையாக ரோபோ சங்கரின் மகள் இந்திரஜா நடித்து இருந்தார். இந்த படத்தின் மூலம் இவர் மக்கள் மத்தியில் பிரபலமாக அறியப்பட்டார் என்று சொல்லலாம். அதனை தொடர்ந்து இவர் கார்த்தி நடிப்பில் முத்தையா இயக்கத்தில் வெளிவந்த விருமன் படத்தில் நடித்திருந்தார். தற்போது இவர் சில படங்களில் கமிட்டாகி நடிப்பதாக கூறப்படுகிறது.
View this post on InstagramA post shared by தொடர்வோம் கார்த்திக் (@dr.thodarvom_karthick)
சோசியல் மீடியாவில் இந்திரஜா:
மேலும், இவர் எப்போதும் சமூக வலைத்தளங்களில் படு ஆக்டிவாக இருக்கிறார். இவர் தான் அடிக்கடி எடுக்கும் புகைப்படங்கள் எல்லாம் சோசியல் மீடியாவில் பதிவிட்டிருக்கிறார். அந்த வகையில் கடந்த ஆண்டு இவர் தன்னுடைய முறை மாமனுடன் எடுத்துக்கொண்ட புகைப்படத்தை சோசியல் மீடியாவில் பகிர்ந்து இருக்கிறார். இதை பார்த்து ரசிகர் அவர் உங்களது முறை மாமனா? அவரை தான் நீங்கள் திருமணம் செய்ய போகிறீர்களா? என்று கேட்டிருக்கிறார். அதற்கு இந்திரஜா, ஆமாம், திருமணம் குறித்து விரைவில் தகவல் வரும் என்று கூறியிருக்கிறார்.
திருமண நிச்சயதார்த்த நிகழ்வு:
திருமணம் செய்யப் போகிறார்கள் என்று தெரிந்ததிலிருந்து இந்திரஜா 'மாமா' என்ற கேப்டன் உடன் தன் இன்ஸ்டாகிராம் பக்கத்தில் புகைப்படங்களையும், ரீல்ஸ்களையும் பதிவிட்டு வருகிறார். இவர் திருமணம் செய்யும் நபர் கார்த்திக். இவர் மதுரை சேர்ந்த தொடர்வோம் என்ற அமைப்பின் நிறுவனர். தற்போது இவர் இயக்குனராக வலம் வந்து கொண்டிருக்கிறார். அது மட்டும் இல்லாமல் இவர் ரோபோ சங்கரின் உறவினர் ஆவார்.
திருமணம் குறித்த தகவல்:
இந்த நிலையில் இவர்களுடைய திருமண நிச்சயதார்த்த நிகழ்வு கடந்த சில தினங்களுக்கு முன்னர் நடைபெற்றிருக்கிறது. இதில் ரோபோ சங்கர் குடும்பத்தினருக்கு நெருக்கமான உறவினர்கள் மற்றும் கலந்து கொண்டிருக்கிறார்கள். இப்படி ஒரு நிலையில் கார்த்தி மற்றும் இந்திரஜா இருவரும் தங்கள் திருமண தேதியை அறிவித்து இருக்கின்றனர். இவர்களின் திருமணம் அடுத்த மாதம் 24ஆம் தேதி நடைபெற இருப்பதாக அறிவித்து இருக்கின்றனர்.
