மீனாவால் திருந்தும் சத்யா, முத்துவை அழிக்க ரோகினியை வைத்து திட்டம் போடும் சிட்டி- சிறகடிக்க ஆசை

விஜய் டிவியில் ஒளிபரப்பாகும் ‘சிறகடிக்க ஆசை’ சீரியலில் கடந்த வாரம் செல்வத்திற்கு பணம் வேண்டும் முத்து, மீனாவிடம் கேட்க, அவர் முடியாது என்று மறுத்தார். இன்னொரு பக்கம் ரோகினி, வட்டிக்கு பணம் வேண்டும் என்று மனோஜ் இடம் கேட்டதால் அவர் ஒத்து கொண்டார். பின் ரோகினியின் தோழி ட்ராமா செய்து மீண்டும் மனோஜிடம் வட்டிக்கு பணத்தை வாங்கி விட்டார். அதன் பின் ரோகினி, 1 லட்ச ரூபாயை வீட்டு வாடகைக்கு கொடுத்துவிடு, மீதி 75 ஆயிரத்தை கிரிஷ் படிப்பு செலவுக்கு கொடுத்து விடு என்று சொன்னார். அதை அடுத்து மீனா, செல்வத்தை சந்தித்து சூழ்நிலையை எடுத்துச் சொல்லி புரிய வைத்தார்.

இதை அறிந்த முத்து கோபப்பட்டு மீனாவிடம் கேட்க, இருவருக்கும் இடையே வாக்குவாதம் சண்டை வந்தது.
இந்த வாரம் எபிசோடில், செல்வம் வீட்டு விசேஷத்திற்கு முத்து, மீனா போனார்கள். அங்கு தடபுடலாக விசேஷம் நடந்தது. இன்னொரு பக்கம் எல்லோருமே குடித்துக் கொண்டு அமர்க்களம் செய்து இருந்தார்கள். இதை பார்த்த முத்து எதுவுமே பேசாமல் அமைதியாக சாப்பிடும் இடத்திற்கு சென்றார். அப்போது பிரியாணி சரி இல்லை என்று சண்டை நடந்தது. உடனே தன் நண்பனுக்காக முத்து சண்டைக்கு போனார்.

சிறகடிக்க ஆசை:

இதனால் செல்வம் உறவினர்களுக்கும் முத்துவுக்கும் இடையே கலவரம் அதிகமாகி இருந்தது. மீனா எவ்வளவு தடுத்துப் பார்த்தும் முடியவில்லை. பின் செல்வத்தின் உறவினர்கள் முத்துவை அடித்து அசிங்கப்படுத்தி வெளியே தள்ளி விட்டார்கள். இன்னொரு பக்கம் ரோஹிணிக்கு பிளாக்மெயில் செய்யும் மேனேஜர் போன் பண்ணி, கிர்ஷை வைத்து மிரட்டி பணத்தை கேட்டார். ரோகினிக்கு என்ன செய்வதென்று புரியாமல் இருந்தார். நேற்று எபிசோடில், ரவி வேலை செய்யும் இடத்தில் அவருடைய முதலாளியின் மகள் ஹோட்டலின் பொறுப்பை ஏற்றுக் கொண்டார்.

நேற்று எபிசோட்:

பின் ஸ்ருதியிடம் ரவி பேசுவதை பார்த்த ஓனர் மகள், உங்களுக்கு கல்யாணம் ஆகிவிட்டதா? என்று கேட்க, ஆமாம் என்று ரவி சொன்னவுடன் அவருக்கு முகம் மாறியது. ஸ்ருதிக்கும் முதலாளியின் மகளை பிடிக்கவே இல்லை. பின் ரோகினி தன் தோழியுடன் மேனேஜரை பார்த்து பேசி இருந்தார். அப்போது அவர் 30 லட்சம் வேணும் என்றவுடன் ரோகினி ஷாக்காகி முடியாது என்று மறுத்தார். உடனே அவர் உண்மையை சொல்லி விடுவேன் என்று மிரட்டி விட்டு சென்றார். இன்னொரு பக்கம் சத்யா செய்யும் வேலை சரி இல்லை என்றவுடன் மீனா சிட்டியை பார்த்து சண்டை போட்டார். அப்போது சண்டையில் சிட்டி, மீனாவை கீழே தள்ளி விட்டார்.

இன்றைய எபிசோட்:

அந்த சமயம் வந்த முத்து, சிட்டியை வெளுத்து வாங்கி விட்டு மீனாவை ஹாஸ்பிடலுக்கு அழைத்து சென்றார். பின் நடந்த விவரத்தை மீனா அம்மாவிடம் முத்து சொல்ல, அவர் ரொம்பவே பயந்தார். இந்நிலையில் இன்றைய எபிசோட்டில், சிட்டி செய்த வேலையை சத்யாவிடம் சொல்லி மீனாவின் அம்மா கோபப்பட்டு திட்டி அடிக்கிறார். இதனால் சத்யா, சிட்டியை பார்த்து சண்டை போட்டு உன்னுடைய நட்பு வேண்டாம் என்று சொல்லிவிட்டு வந்து விடுகிறார். இதனால் சிட்டிக்கு பயங்கர கோபம் வருகிறது. பின் ஹாஸ்பிடலில் மீனாவிடம் சத்யா மன்னிப்பு கேட்டு, நான் ஒழுங்காக படிக்கிறேன். சிட்டியுடன் சேரமாட்டேன் என்று வாக்குறுதி கொடுக்கிறார்.

சீரியல் ட்ராக்:

இதை எல்லாம் முத்து கவனித்து மனசுக்குள் சந்தோஷப்பட்டு கொள்கிறார். பிறகு வீட்டிற்கு முத்து, மீனா வருகிறார்கள். மீனாவை பார்த்தவுடன் அண்ணாமலை அதிர்ச்சியாகி விசாரிக்க, வண்டியில் இருந்து கீழே விழுந்து விட்டார் என்று சொல்ல முத்து சொல்லி சமாளித்தார். உடனே விஜயா, ஒழுங்காக வண்டி ஓட்ட வேண்டாமா என்று மீனா மீது அக்கறையாக பேசி நானே சமைக்கிறேன் என்று சொல்லிவிட்டு செல்கிறார். இதெல்லாம் பார்த்து மூவருக்குமே அதிர்ச்சியாக இருக்கிறது. கடைசியில் ரோகினி, சிட்டியை சந்தித்து அந்த மேனேஜரை ஏதாவது பண்ண சொல்லி கேட்கிறார். ஆனால், சிட்டி முத்து செய்த வேலை நினைத்து, நீங்கள்
நான் சொல்வதை செய்ய வேண்டும் என்றவுடன் ரோகினி அதிர்ச்சியாகிறார். இத்துடன் சீரியல் முடிகிறது.