கவரிங் நகையை கொடுத்த விஜயா, நகை கடையில் தெரிந்த உண்மை, கோபத்தின் உச்சத்தில் முத்து-பரபரப்பில் சிறகடிக்க ஆசை

விஜய் டிவியில் ஒளிபரப்பான நாளில் இருந்து தற்போது வரை விறுவிறுப்புக்கு பஞ்சம் இல்லாமல் சென்று கொண்டு மக்கள் மத்தியில் பேராதரவை பெற்று எப்போதும் டிஆர்பியில் டாப்பில் இருப்பது ‘சிறகடிக்க ஆசை’ சீரியல். இந்த சீரியல் கதாநாயகன் முத்து, கதாநாயகி மீனா ஆகிய இருவரின் வாழ்க்கையில் நடக்கும் எதார்த்த குடும்ப கதை. அண்ணாமலை பேச்சால் மீனாவை முத்து திருமணம் செய்து கொள்கிறார். அதன் பின் முதல் மகனுக்கு பணக்கார பெண் என நினைத்து ரோகினியை திருமணம் செய்து வைக்கிறார் விஜயா. உண்மையில் அவர் பணக்கார குடும்பமே இல்லை.

அதற்கு பின் ரவி-சுருதி காதலித்து திருமணம் செய்து கொள்கிறார்கள். வழக்கம் போல் வீட்டில் மாமியார் அராஜகம் நடக்கிறது. சீரியலில் ரோகினி மீது முத்துவிற்கு சந்தேகம் அதிகம் ஆகிறது. இன்னொரு பக்கம் ரூம் பிரச்சனை வந்ததால் வீடு கட்டுவது குறித்து அண்ணாமலை யோசித்துக் கொண்டிருக்கிறார். இதனால் அவர், அனைவரிடமும் மாதம் நீங்கள் எவ்வளவு காசு கொடுப்பீர்கள் என்று கேட்கிறார். ஒவ்வொருவரும் ஒவ்வொரு தொகையை சொல்கிறார்கள். அதற்குப் பின் வீடு கட்டுவதற்கு குறித்து தன் நண்பரிடம் அண்ணாமலை பேசுகிறார்.

சிறகடிக்க ஆசை சீரியல்:

அவர் 5 லட்சம் ஆகும் என்று சொல்வதால் வீட்டு பத்திரத்தை அடகு வைக்கலாம் என்று அண்ணாமலை சொல்ல விஜயா முடியாது என்று மறுக்கிறார். இந்த விவகாரம் ஸ்ருதி அம்மாவிற்கு தெரிந்தவுடன் முத்து வீட்டிற்கு வந்து அவர் சகுனி வேலை செய்கிறார். இதனால் மனோஜ், முத்து இருவருக்கும் இடையே வாக்குவாதம் முற்றி அடிதடி அளவிற்கு சண்டை ஏற்படுகிறது. பின் முத்துவை எல்லோருமே திட்டுகிறார்கள். இதனால் முத்து மன வேதனையில் குடித்து விடுகிறார்.

சீரியல் ட்ராக்:

மேலும், நேற்றைய எபிசோடில் சோகத்தில் இருக்கும் முத்து எல்லாத்தையும் புலம்பி பேசுகிறார். அடுத்த நாள் காலையில் முத்து குடித்து விட்டு வந்தது தவறு என்று சாமி அறையில் பூஜை செய்து கொண்டிருக்கிறார். இதை பலருமே ஆச்சரியத்துடன் பார்க்கிறார்கள். உடனே ரோகினி அவரை வம்பிழுப்பது போல் பேசுகிறார். இதைக் கேட்டு மீனா, மேல் வீட்டை என்னுடைய வீட்டுக்காரர் கட்டுவார் என்று சபதம் போடுகிறார். இறுதியில் முத்து சவாரி சென்ற இடத்திலிருந்து செங்கல் வாங்கி வருகிறார். அதை மீனாவிடம் காண்பிக்கிறார். இதைப் பார்த்து வீட்டில் உள்ள எல்லோருமே கிண்டல் செய்கிறார்கள்.

இன்று எபிசோட்:

பிறகு மாடியில் மீனாவும் முத்துவும் கொண்டு வந்த செங்கல்களை அடுக்கி வைத்து அழகு பார்த்து சந்தோஷப்பட்டு கொண்டிருந்தார்கள். இன்று ஞாயிற்றுக்கிழமையின் ஸ்பெஷல் எபிசோட்டில், மனோஜ் கடையில் பெரிய ஆர்டர் வந்ததால் லட்சக்கணக்கில் பொருள்களை விற்று விடுகிறார். ஆனால், அவர்கள் கொடுத்த பணம் கள்ளப்பணம் என்று தெரிகிறது. அதையம் ஏமாற்றி விடுகிறார்கள். இதை விஜயாவிடம் சொல்லி அழுகிறார். விஜயாவும் மீனாவின் நகையை அடமானம் வைத்து கொள் என்று கூறுகிறார். ஆனால், மனோஜ் அடமானம் வைக்காமல் விற்று விடுகிறார்.

சீரியல் ப்ரோமோ:

இன்னொரு பக்கம் வீட்டில் முத்து, மீனா உடைய நகையை கொடுங்கள் என்று அண்ணாமலை இடம் கேட்கிறார். இந்நிலையில் தற்போது வெளியாகி இருக்கும் ப்ரோமோவில், முத்து, மீனா நகை வேண்டும் என்று கேட்டவுடன் அண்ணாமலையும் விஜயாவிடம் பேசி மீனாவின் நகையை கொடுத்து விடுகிறார். ஆனால், கவரிங் நகையை தான் மனோஜ் ரெடி பண்ணி தன்னுடைய அம்மாவிடம் கொடுக்கிறார். அந்த நகையை மீனாவும் நகைக்கடையில் காண்பிக்கிறார்கள். அது கவரிங் என்று தெரிந்தவுடன் அதிர்ச்சி ஆகிறார்கள். இது பற்றி தன் அப்பாவிடம் கேட்க முத்து நினைக்கிறார். இனி வரும் நாட்களில் மனோஜ் பண்ண பித்தலாட்ட வேலை வெளியே வருமா? விஜயா நிலைமை என்ன? முத்து- மீனா எண்ணம் நிறைவேறுமா? பரபரப்பான கட்டத்துடன் சீரியல் சென்று கொண்டிருக்கின்றது.