விஜய் டிவியில் ஒளிபரப்பாகும் பிரபலமான சீரியலில் ஒன்றான ‘சிறகடிக்க ஆசை’ விறுவிறுப்புக்கு பஞ்சம் இல்லாமல் தினமும் சென்று கொண்டு இருக்கிறது. சீரியலில் மனோஜ், பணத்தை ஏமாந்து போனதால் மீனாவின் நகையை யாருக்கும் தெரியாமல் விற்று கவரிங் நகையை மாற்றி வைத்து விடுகிறார். இந்த உண்மை முத்து அறிந்து அண்ணாமலை இடம் சொன்னார். உடனே விஜயா, எனக்கு தெரியாது. மீனா வீட்டில் தான் நகை மாறி இருக்கும் என்று சொல்லி இருந்தார். இறுதியில் முத்து, இந்த வேலையை யார் செய்தது என்று எனக்கு தெரியும், ஆதாரத்துடன் நிரூபிக்கிறேன் என்கிறார்.
மேலும், மனோஜை ஏமாற்றிய கும்பலை போலீஸ் கைது செய்து இருந்தது. அப்போது போலீஸ் ஸ்டேஷனுக்கு வந்த மனோஜ் நடந்ததைப் பற்றி போலீஸ் இடம் சொல்வதை மறைந்து நின்று வீடியோ எடுத்த முத்து வீட்டில் காண்பித்தார். இதை பார்த்தவுடன் அதிர்ச்சியாகி விஜயா, ரோகினி நின்றார்கள். இருந்தாலும், விஜயா சமாளித்து விட்டார். எப்படியாவது மனோஜ் வாயில் உண்மையை வர வைக்க வேண்டும் என்று முத்து, ஒரு சாமியாரிடம் மந்திரித்து வாங்கி வந்த எலுமிச்சை பழத்தை வைத்து தில்லாலங்கடி வேலையை செய்தார். இதனால் மனோஜ், விஜயா இருவருமே பயந்து கொண்டிருந்தார்கள்.
சிறகடிக்க ஆசை:
கடைசியில் விஜயா-மனோஜ் மாட்டி கொண்டார்கள். இதனால் கோபமடைந்த அண்ணாமலை வெளு வெளு என்று மனோஜை வெளுத்தார். பின் அண்ணாமலை, இனி என்னிடம் பேசாதே, ஜென்மத்துக்கும் உன் கையில் தண்ணி கூட வாங்கி குடிக்க மாட்டேன் என்று விஜயாவை பார்த்து சொல்லி விடுகிறார். மேலும், மனோஜ்- அம்மா இருவருமே மீனாவிடம் மன்னிப்பு கேட்க வேண்டும் என்று முத்து கேட்டதற்கு ரோகினி முடியாது என்று சொல்கிறார். உடனே விஜயா தான் போட்டு இருந்த தங்க வளையலை கழட்டி மீனா மேலே தூக்கி எறிந்து பொறுக்கி கொள் என்று கேவலமாக பேசி இருந்தார்.
சீரியல் கதை:
முத்து, பழைய பாக்கி 27 லட்சம், இந்த 4 லட்சத்தை கொடுத்தே தீர வேண்டும் என்று மனோஜ் இடம் கேட்கிறார். ரோகினி, அதற்கு பொறுப்பு எடுத்து கொள்கிறார். நேற்று எபிசோடில், அண்ணாமலை எல்லா விசயத்தையும் மீனாவிடம் மட்டும் சொல்லிவிட்டு செல்கிறார். இதனால் விஜயா ரொம்ப வருத்தப்படுகிறார். இன்னொரு பக்கம் மனோஜ் ஏமாந்த விஷயம் அறிந்த கடையில் வேலை செய்தவர்கள், இவனை ஈசியாக ஏமாற்றி விடலாம் என்று திட்டம் போடுகிறார்கள். இந்த நிலையில் இன்றைய எபிசோடில் ரோகினி- மனோஜ் இருவருமே வீட்டில் உள்ள எல்லோரையும் அழைத்து 2 இலட்சம் ரூபாயை முத்துவிடம் கொடுக்கிறார்கள். மீதி பணம் சீக்கிரமாகவே தருகிறோம் என்று சொல்கிறார்கள்.
இன்றைய எபிசோட்:
உடனே முத்து, எப்படி இந்த பணம் வந்து என்று கேட்டதற்கு என்னுடைய அப்பாவிடம் சொல்லி இந்த படத்தை ஏற்பாடு செய்தேன் என்று ரோகினி சொல்கிறார். பின் மீனா, விஜயாவை நினைத்து ரொம்ப வருத்தப்படுகிறார். ஸ்ருதி, ரோகினியை கூப்பிட்டு விஜயாவிடம் பேசுகிறார் மீனா. விஜயா, மீனாவை தான் தீட்டி இருக்கிறார். இது எல்லாம் பார்த்த ஸ்ருதி, மீனா தான் உங்களை நினைத்து வருத்தப்பட்டுக் கொண்டிருக்கிறார். அவங்க தான் எங்களை உங்களிடம் பேச சொன்னார். நீங்க ஏன் எப்ப பார்த்தாலும் மீனாவை திட்டிக் கொண்டிருக்கிறீர்கள். தப்பு செய்தது நீங்களும், மனோஜ் தான். அதற்கு நீங்கள் சாரி கேட்டாலே இந்த பிரச்சனை தீர்ந்து விடும் என்கிறார்.
நாளை எபிசோட்:
இதனால் விஜயாவிற்கு சுருதி மேல பயங்கர கோபம் வருகிறது. இத்துடன் சீரியல் முடிகிறது. இந்நிலையில் நாளை எபிசோட் ப்ரோமோவில், விஜயா தன்னுடைய தோழி பார்வதியை சென்று பார்க்கிறார். அப்போது அவர், இந்த பணக்கார பேய் சுருதியை அடக்கி வைக்க வேண்டும், இல்லை என்றால் அவள் என்னையும், என் மகனையும் ஆட்டிப்படைப்பாள். அவளை என்ன செய்யப் போகிறேன் என்று பாரு என்று ஷாக் கொடுக்கும் விதத்தில் சொல்கிறார். தற்போது இந்த ப்ரோமோ தான் இணையத்தில் ட்ரெண்டிங் ஆகி வருகிறது. விஜயா, ஸ்ருதி இடையே நடக்கும் கலவரங்களை பார்க்க ரசிகர்கள் ஆர்வமாக இருக்கிறார்கள்.
