அமரன் படத்தின் வசூல் குறித்து நடிகர் சிவகார்த்திகேயன் அளித்திருக்கும் பேட்டி தான் தற்போது இணையத்தில் வைரலாகி வருகிறது. கடந்த சில வாரங்களாகவே சிவகார்த்திகேயனின் அமரன் படம் குறித்த செய்தி தான் இணையத்தில் அதிகமாக பகிரப்பட்டு வருகிறது. இயக்குனர் ராஜ்குமார் பெரியசாமி இயக்கத்தில் வெளியாகி இருக்கும் ‘அமரன்’ படத்தில் சிவகார்த்திகேயன் நடித்திருக்கிறார். இந்த படத்தை கமல்ஹாசனின் ராஜ்கமல் நிறுவனம் தான் தயாரித்து இருக்கிறது.
மறைந்த மேஜர் முகுந்த் வரதராஜனின் வாழ்க்கை வரலாற்றை மையமாக வைத்து இந்த படம் எடுக்கப்பட்டிருக்கிறது. இப்படத்தில், மேஜர் முகுந்த் வரதராஜனுக்கு ராணுவத்தில் இணைய வேண்டும் என்ற ஆசை எப்படி வந்தது. அதற்காக அவர் சந்தித்த எதிர்ப்புகள் என்ன? முகுந்த் வரதராஜனுக்கும் அவரது மனைவி இந்துவுக்கும் காதல் மலர்ந்தது எப்படி? ராணுவத்தில் முகுந்த் செய்த சாகசங்கள் என்ன? உள்ளிட்ட பல கேள்விகளுக்கான பதில்கள் தான் ‘அமரன்’ படத்தின் கதை.
அமரன் படம்:
தீபாவளிக்கு வெளியான இப்படம் விமர்சன ரீதியாக மட்டும் இல்லாமல் வசூல் ரீதியாகவும் மிகப்பெரிய அளவில் சாதனை படைத்து இருக்கிறது. மேலும், இந்த படத்தை பார்த்து பிரபலங்கள், ரசிகர்கள் மட்டும் இல்லாமல் பல அரசியல் தலைவர்களும் பாராட்டி வாழ்த்துக்களை தெரிவித்து வருகிறார்கள். அமரன் படத்தின் அடுத்து வெற்றிவிழா சென்னையில் நடைபெற்றிருந்தது. இதில் இயக்குனர் ராஜ்குமார் பெரியசாமி, சிவகார்த்திகேயன், சாய் பல்லவி ஆகியோர் ரொம்ப எமோஷனலாக பேசி இருந்தார்கள்.
படத்தின் வசூல்:
மேலும், உலகம் முழுவதும் அமரன் படம் வசூலில் 200 கோடியை நெருங்கி இருப்பதாக கூறப்படுகிறது.
அதுமட்டுமில்லாமல் நவம்பர் 1-ல் இருந்து 3ஆம் தேதி வரை உலக அளவில் வெளியான படங்களின் வசூல் பட்டியலில் அமரன் படத்தின் வசூல் தான் ஏழாம் இடத்தை பிடித்து சாதனை படைத்திருக்கிறது. தென்னிந்திய சினிமாவிலேயே அமரன் படம் தான் இந்த சாதனையை செய்து இருக்கிறது. இந்த நிலையில் அமரன் படம் வெற்றி அடைந்தது அடுத்து பேட்டியில் சிவகார்த்திகேயன், அமரன் படத்தின் உடைய வசூல் 150 கோடியை தாண்டி விட்டதாக சொல்கிறார்கள். இன்னும் நிறைய வசூல் செய்யும் என்று சொல்கிறார்கள்.
சிவகார்த்திகேயன் பேட்டி:
தயாரிப்பாளர் நிறைய முதலீடு செய்து படம் எடுக்கிறார்கள். அதனால் வசூல் ரொம்ப முக்கியம் தான். நிறைய வசூல் செய்தால் தான் இந்த மாதிரியான படங்கள் எடுக்க தயாரிப்பாளர்களுக்கு தோன்றும். அதை தாண்டி எனக்கும் வசூல் ரொம்ப முக்கியம் தான். காரணம், என்னுடைய படங்களுக்கு பட்ஜெட் கிடைத்தால் தான் மக்களுக்கு இன்னும் பெரிய படங்களை கொடுக்க முடியும். வெவ்வேறு மாநிலங்களில், நாடுகளில் எவ்வளவு பேரை தமிழ் சினிமா பார்க்க வைக்க முடியும் என்பது தான் என்னுடைய எண்ணம். அதற்காகத்தான் வசூலை பார்க்கிறேன்.
வசூல் குறித்து சொன்னது:
மற்றபடி இந்த படத்தை தாண்டி விட்டேன், அந்த படத்தை தாண்டி விட்டேன் என்பதற்காக எல்லாம் நான் வசூலை பார்ப்பதும் இல்லை, அதை தலையில் ஏற்றிக் கொள்ளவும் மாட்டேன். இன்னும் நிறைய பெரிய கதைகள் சொல்ல வேண்டுமென்று நினைக்கிறேன். இதற்கு முன் எடுத்த படக்குழு அனைவருக்குமே நன்றி. அவர்களால் மட்டுமே இப்படி ஒரு அமரன் படத்தை கொடுக்க முடிந்தது. அமரன் கமர்சியல் வெற்றி ரொம்ப முக்கியம். இதே மாதிரியான முயற்சி நான் செய்து கொண்டே இருப்பேன். இதைவிட இன்னும் பெரிய படமாக கண்டிப்பாக செய்வேன். தமிழ் சினிமா எனக்கு கொடுத்திருக்கும் இடத்திற்கு கண்டிப்பாக உண்மையாக இருப்பேன் என்று மகிழ்ச்சியுடன் பேசி இருக்கிறார்.
