'அண்ணாத்த' படம் பற்றி Sk போட்ட பதிவு, வச்சி செய்த நெட்டிசன்கள் (பின்ன படம் பாத்தவங்க சும்மா இருப்பாங்களா)

சிறுத்தை சிவா இயக்கத்தில் ரஜினி நடிப்பில் உருவாகி இருக்கும் 'அண்ணாத்த' திரைப்படம் தீபாவளி திருநாளான இன்று வெளியாகி இருக்கிறது. ரஜினிகாந்த், நயன்தாரா, கீர்த்தி சுரேஷ், குஷ்பு, மீனா, சூரி, பிரகாஷ்ராஜ், வேல ராமமூர்த்தி, சதீஷ், ஜார்ஜ் மரியான், அபிமன்யு சிங், சத்யன், ரெடின் கிங்ஸ்லி, ஜகபதிபாபு, லிவிங்ஸ்டன், பாண்டியராஜன் என்று ஒரு மிகப்பெரிய நட்சத்திர பட்டாளமே நடித்துள்ள இந்த படத்திற்கு தேசிய விருது வென்ற இமான் இசையமைத்து உள்ளார்.

இந்தப் படத்தில் ரஜினியின் தங்கையாக கீர்த்திசுரேஷ் நடித்திருக்கிறார் இதுவரை சிறுத்தை சிவா இயக்கத்தில் வெளியான அனைத்து அஜித் படங்களுமே அன்பு, பாசம், நட்பு போன்றவற்றை மையமாக வைத்து எடுக்கப்பட்டு இருந்தது. அந்த வகையில் இந்த படமும் சிறுத்தை சிவா இயக்கிய வேதாளம் படத்தை போன்று ஒரு அண்ணன் தங்கை பாசத்தை மையமாக கொண்டு எடுக்கப்பட்ட படம்தான்.

ஆனால், இந்த படத்தில் தமிழ் சினிமாவில் 25 ஆண்டுகளுக்கு முன்னர் வந்த அதே ஒன் லைன் ஸ்டோரி தான் எடுத்து இருக்கிறார்கள். இதுபோன்ற அண்ணன் தங்கை பாச கதைகள் தமிழ் சினிமாவில் 100 முறைக்கு மேல் வெளியாகி இருந்திருக்கும். அதேபோல தர்பார் படத்தின் பெரும் தோல்விக்கு பின்னர் மிகவும் எதிர்பார்க்கப்பட்ட இந்த திரைப்படம் ரசிகர்களை பெரிதும் ஏமாற்றி இருக்கிறது.

சொல்லப்போனால் இந்த படத்திற்கு தர்பார் படமே எவ்வளவோ தேவலாம் என்ற அளவிற்கு தான் இந்த திரைப்படம் அமைந்திருக்கிறது. இதனால் இந்த படத்தை பல்வேறு விமர்சகர்களும் ரசிகர்களும் கழுவி ஊற்றினார்கள் இப்படி ஒரு நிலையில் இந்த திரைப்படம் குறித்து சிவகார்த்திகேயன் போட்டுள்ள பதிவு பெறும் கேலிக்கு உள்ளாகி இருக்கிறது.

இதுகுறித்து சிவகார்த்திகேயன் பதிவிட்டுள்ளதாவது ' ஒன் மேன் ஷோ. எங்களை மகிழ்வித்ததற்க்கு நன்றி தலைவா. ஒரு முறை தலைவரின் ரசிகரானால் எப்போதும் தலைவரின் ரசிகர் தான் என்று பதிவிட்டுள்ளார். இதை பார்த்த 'அண்ணாத்த' படத்தை பார்த்த ரசிகர்கள் பலரும் சிவர்த்திகேயனின் இந்த பதிவை பங்கமாக கலாய்த்து வருகின்றனர்.