ஸ்கெட்ச் திரைவிமர்சனம் !

விக்ரம் - தமன்னா நடிப்பில் 'வாலு' இயக்குனர் விஜய் சந்தர் இயக்கத்தில் உருவாகியுள்ள படம் ஸ்கெட்ச். படத்தின் தலைப்பிற்கு ஏற்றார் போல ஸ்கெட்ச் போட்டு டியூ கட்டாத வண்டிகளை தூக்குவதுதான் சியானின் வேலை. வட சென்னையில் உள்ள ஒரு சேட்டிடம் இந்த வேலையை செய்து வருகிறார் விக்ரம். வழக்கமாக திடீரென ஹீரோயின் வருகிறார். உடனே ஹீரோவுக்கு காதல் வந்துவிடுகிறது. தேடித்தேடி துரத்தி துரத்தி காதலிக்கிறார் விக்ரம். இந்த நேரத்தில் மட்டுமே படத்தில் தமன்னாவிற்கு வேலை. அதனை பக்கவாக செய்துள்ளார் தமன்னா. இந்த தொழில் விக்ரமிற்கு போட்டி ஆர்.கே சுரேஷ் அண்ட் கேங். இவர்களை எப்படி ஃபீட் செய்கிறார் விக்ரம் எனவும் கதை ஓடுகிறது. அந்த கேங்குடன் முட்டி மோதி சேட்டுக்கு வேலை செய்கிறார் விக்ரம். படத்தில் ஒரு பெரிய தாதாவாக வரும் குமாரின் காரையே தூக்குகிறார் விக்ரம், அங்கு ஆரம்பம் ஆகிறது படத்தின் கதை. இந்த பிரச்சனை எல்லாம் இப்பொடி ஓய்கிறது, இதற்கு யார் காரணம் என கண்டுபிப்பதே படத்தின் கதை. கதை முடியும் போது வைத்திருக்கும் எதிர்பார்க்காத கிளைமாக்ஸ் காட்சி அற்புதம். காதல், சென்டிமென்ட், காமெடி என அனைத்தும் படத்தில் உள்ளது ஆனால், திரைக்கதை தான் இடிக்கிறது. பாடல்கள் எல்லாம் எதற்கு இந்த படத்திற்கு என்று தான் தோன்றுகிறது. பாடல் வந்துவிட்டது தம் அடிக்க கிளம்பிவிடுகிறார்கள் ரசிகர்கள். ஒரு முறை கண்டிப்பாக பார்க்கக்கூடிய படம் இது. ஆனால் மீண்டும் அரைக்கப்பட்ட ஒரு மசாலா படம் என்பதில் மாற்றுக்கருத்து  இல்லை.