தமிழ் ராக்கர்ஸ் அட்மின் சென்னையில் கைதுசெய்யப்பட்டார்

இணையத்தில் கள்ளத்தனமாக படங்களை வெளியிட்டு வந்த தமிழ் ராக்கர்ஸ் அட்மின் இன்று சென்னை திருவல்லிக்கேணியில் கைது செய்யப்பட்டார். தயாரிப்பாளர் சங்க தேர்தலில் வென்றதும், விஷால் அணியினர் முதல் வேலையாக திருட்டு விசிடியை ஒழித்தாக வேண்டும் என்று தீவிரமாக வேலை செய்தனர். திருட்டு விசிடியை ஒழிக்க வேண்டுமானால் அதற்கு தமிழ் ராக்கர்ஸை ஒழித்தாக வேண்டும் என்பது அவர்களுக்கு நன்கு தெரியும். இதனிடையே பல தயாரிப்பாளர்களும் இயக்குனர்களும் தமிழ் ராக்கர்ஸை கைது செய்தே தீருவோம் என்று பொது மேடைகளில் கூறி வந்தனர். அவர்களின் கனவு தற்போது நினைவாகி உள்ளது. நடிகர் விஷால், கைது செய்யப்பட்ட நபரை காண தற்போது திருவல்லிகேனி காவல் நிலையத்திற்கு சென்றுள்ளார்