தமிழ் சினிமாவின் காமெடி நடிகரான சூரி ஒரு முன்னணி காமெடி நடிகராக விளங்கி வருகிறார். சமீப காலமாக வெளியாகும் பெரும்பாலான ஹீரோக்களின் படங்களில் சூரி தான் காமெடியனாக நடித்து வருகிறார். அதிலும், சிவகார்த்திகேயன் படம் என்றால் சூரி கண்டிப்பாக இருந்த்துவிடுகிறார்.
சமீபத்தில் சிவகார்த்திகேயன் நடிப்பில் வெளியான “சீமராஜா” படத்தில் நடிகர் சூரி சிக்ஸ் பேக் எல்லாம் வைத்து அசத்தி இருந்தார். நடிகர் சூரி தமிழ் சினிமாவின் முன்னணி நடிகரான விஜய் மற்றும் அஜித் ஆகியோரின் படங்களில் நடித்துவிட்டார் .
நடிகர் அஜித்துடன் வேதாளம் படத்திலும் நடித்திருக்கிறார் சூரி. இந்நிலையில் சமீபத்தில் பேட்டி ஒன்றில் பங்கேற்ற சூரி, அஜித் குறித்து பேசுகையில், நான் அஜித் மற்றும் விஜய் என இருவர் படங்களிலும் நடித்துவிட்டேன். அஜித் சார் எனக்கு ஒரு அட்வைஸ் வழங்கினார்.
அது என்னவெனில் இனி வரும் காலங்களில் நீங்கள் எப்படி வேண்டுமாலும் ஸ்டைலை மாற்றிக்கொண்டும், கெட்டப்பை மாற்றிக்கொண்டும் நடியுங்கள். ஆனால், கடைசி வரை உங்களின் எதார்த்த குணத்தை மட்டும் மாற்றிக்கொள்ளாதீர்கள் என்று தல கூறியதாக காமெடி நடிகர் சூரி தெரிவித்துள்ளார்.