டிஆர்பி ரேட்டிங்கில் இந்த ஆண்டின் 30-வது வாரத்தில் டாப் 10 இடத்தைப் பெற்று இருக்கும் சீரியல்கள் பட்டியல் தான் தற்போது இணையத்தில் வைரலாகி வருகிறது. சமீப காலமாகவே சிறுவர்கள் முதல் பெரியவர்கள் வரை அனைவரும் சின்னத்திரை பக்கம் வந்து விட்டார்கள். அதிலும் தமிழ் டிவி சேனல்கள் அனைத்திலும் எண்ணற்ற பொழுதுபோக்கு நிகழ்ச்சிகள் ஒளிபரப்பாகி வருகிறது. குறிப்பாக, ஒவ்வொரு சேனலும் புதுப்புது சீரியல்கள் வித்தியாசமான கதைக்களத்துடன் ஒளிபரப்பி வருகிறார்கள்.
மேலும் கிட்டத்தட்ட 22 வருடங்களுக்கு மேலாக சீரியல்கள் எல்லாம் மக்களை கவர்ந்து வைத்துள்ளது. வாரத்தின் முதல் நாள் திங்கள் முதல் சனிக்கிழமை வரை நாள்தோறும் காலையில் தொடங்கி இரவு வரை சீரியல்கள் வரிசை கட்டி டிவியில் டெலிகாஸ்ட் செய்யப்பட்டு வருகிறது. சீரியல்கள் ஒளிபரப்பாகி வரும் பிரபலமான முன்னணி சேனல்களாக சன் டிவி மற்றும் விஜய் டிவி திகழ்கிறது. எப்போதும் இந்த இரு சேனலுக்கு இடையே தான் கடும் போட்டி நிலவி வருகிறது.
சீரியல் டிஆர்பி:
அதோடு டிஆர்பி ரேட்டிங்கில் கூட இந்த சேனல்களின் சீரியல்கள் தான் மாற்றி மாற்றி இடம் பிடிக்கிறது. அந்த வகையில் இந்த 2024 ஆம் ஆண்டின் 30 ஆவது வாரத்தில் டாப் 10 இடத்தை பிடித்திருக்கும் சீரியல்கள் பட்டியல்தான் தற்போது வெளியாகியிருக்கிறது. இந்த வரம் டிஆர்பி ரேட்டிங்கில் சன் டிவியை முந்திக்கொண்டு விஜய் டிவி டாப்பில் இருக்கிறது.
சிறகடிக்க ஆசை:
‘சிறகடிக்க ஆசை’ சீரியல் 9.18 புள்ளிகளைப் பெற்று டிஆர்பிஎல் நம்பர் ஒன் இடத்தை பிடித்திருக்கிறது. விஜய் டிவியில் ஒளிபரப்பாகும் பிரபலமான சிறகடிக்க ஆசை சீரியல் ஒளிபரப்பான நாளில் இருந்து தற்போது வரை விறுவிறுப்பாக சென்று கொண்டிருக்கிறது. இந்த சீரியல் கதாநாயகன் முத்து, கதாநாயகி மீனா ஆகிய இருவரின் வாழ்க்கையில் நடக்கும் எதார்த்த குடும்ப கதை.
சிங்க பெண்ணே சீரியல்:
அதேபோல் எப்போதும் டிஆர்பி யில் முன்னிலையில் இருந்த சன் டிவியின் ‘சிங்கப் பெண்ணே’ சீரியல் தற்போது 8.67 புள்ளிகளைப் பெற்று இரண்டாம் இடத்தில் இருக்கிறது. குடும்ப சூழ்நிலைக்காக கிராமத்தில் இருந்து சென்னைக்கு வந்த ஆனந்தி கார்மெண்ட்ஸில் வேலைக்குச் சென்று கொண்டிருக்கிறார். அவருடன் சில பேர் வேலை செய்கிறார்கள். அங்கு அவர்கள் தைரியமாக எதிர்கொள்ளும் பிரச்சனைகளை மயமாக வைத்து சீரியல் ஒளிபரப்பாகி வருகிறது.
கயல்:
எதிர்பாராத வகையில் சில வாரங்களாகவே முதலிடத்தை பிடித்த கயல் சீரியல் இந்த வாரம் 8.40 புள்ளிகளைப் பெற்று மூன்றாம் இடத்தில் இருக்கிறது. இந்த சீரியல் 2021 ஆம் ஆண்டு முதல் சன் டிவியில் ஒளிபரப்பாகி வருகிறது. இதில் சைத்ரா ரெட்டி கதாநாயகியாகவும், கதாநாயகனாக சஞ்சீவ் நடித்து வருகிறார்கள். தன் குடும்பத்திற்காக எல்லா சந்தோஷத்தையும் இழந்து போராடும் ஒரு பெண்ணின் கதை தான் கயல் சீரியல்.
மருமகள்:
இந்த சீரியல் சமீபத்தில் தான் சன் டிவியில் ஒளிபரப்பப்பட்டது. இந்த சீரியல் 8.04 புள்ளிகளுடன் நான்காம் இடத்தை பிடித்திருக்கிறது. இந்த சீரியலில் கேபி ஹீரோயின் ஆகவும், ‘கண்ணான கண்ணே’ சீரியல் நடிகர் ராகுல் ரவி ஹீரோவாகும் நடிக்கிறார்கள். இந்த சீரியல் ஒளிபரப்பான நாளில் இருந்து நன்றாக சென்று கொண்டிருக்கிறது.
பாக்கியலட்சுமி:
விஜய் டிவியில் ஒளிபரப்பாகும் ‘பாக்கியலட்சுமி’ சீரியல் 7.75 புள்ளிகளைப் பெற்று ஐந்தாவது இடத்தை பிடித்திருக்கிறது. குடும்பப் பெண்கள் எப்படி எல்லாம் கஷ்டப்படுகிறார்கள் என்பதை மையமாக வைத்து இந்த தொடர் ஒளிபரப்பாகி வருகிறது. தற்போது இனியா செய்த வேலையால், மீண்டும் பாக்யா மற்றும் கோப்பியிடையே பிரச்சனை வெடிக்கிறது.
வானத்தைப்போல:
‘வானத்தைப்போல’ சீரியல் 7.54 புள்ளிகளுடன் இந்த வரம் ஆறாம் இடத்தை பிடித்திருக்கிறது. இந்த சீரியல் 2020 ஆம் ஆண்டு முதல் சன் சன் டிவியில் ஒளிபரப்பாகி வருகிறது. இது முழுக்க முழுக்க அண்ணன்- தங்கை பாசக்கதை. இந்த தொடரில் ஸ்ரீகுமார், மான்யா முதன்மை கதாபாத்திரத்தில் நடித்து வருகிறார்கள்.
மல்லி:
சன் டிவியில் சமீபத்தில் புதிதாக தொடங்கப்பட்ட சீரியல் தான் ‘மல்லி’. இந்த சீரியல் 7.03 புள்ளிகளுடன் ஏழாம் இடத்தை பிடித்திருக்கிறது.
பாண்டியன் ஸ்டோர்ஸ் 2:
விஜய் டிவியில் ஒளிபரப்பாகும் ‘பாண்டியன் ஸ்டோர்ஸ் 2’ சீரியல் 6.88 புள்ளிகளுடன் எட்டாவது இடத்தை பிடித்திருக்கிறது. அப்பா மகன்களுக்கு இடையேயான உறவை மையமாக வைத்து ஒளிபரப்பாகி வருகிறது. இந்த சீரியலில் ஸ்டாலின், நிரோஷா, விஜே கதிர், வெங்கட், ஆகாஷ், ஹேமா உட்பட பலர் நடித்து வருகிறார்கள். சீரியலில் பாண்டியன் தன் பிள்ளைகளை தன்னுடைய கட்டுக்கோப்பில் வளர்த்து வருகிறார்.
சுந்தரி 2 சீரியல்:
சன் டிவியில் ஒளிபரப்பாகி மக்கள் மத்தியில் நல்ல வரவேற்பை பெற்று வரும் சீரியல் ‘சுந்தரி’. இந்த சீரியல் தொடங்கிய நாளிலிருந்து இன்றுவரை நன்றாக செல்கிறது. இந்த சீரியலின் முதல் பாகத்தை முடித்துவிட்டு இரண்டாம் பாகம் ஒளிபரப்பாகி வருகிறது. இந்தத் தொடர் 6.62 புள்ளிகள் பெற்று ஒன்பதாவது இடத்தைப் பிடித்திருக்கிறது.
சின்ன மருமகள்:
விஜய் டிவியில் ஒளிபரப்பாகி வரும் சின்ன மருமகள் சீரியல் 5.73 புள்ளிகள் பெற்று பத்தாவது இடத்தை பிடித்திருக்கிறது. இந்தத் தொடரும் ஒளிபரப்பான நாளில் இருந்து தற்போது வரை விறுவிறுப்பாக சென்று கொண்டிருக்கிறது.
