டிஆர்பி ரேட்டிங்கில் இந்த 31 வாரத்தில் டாப் 5 இடத்தை பெற்றிருக்கும் சீரியல்கள் பட்டியல் தான் தற்போது இணையத்தில் வைரலாகி வருகிறது. சமீப காலமாக சிறுவர்கள் முதல் பெரியவர்கள் வரை என அனைவரும் சின்னத்திரை பக்கம் வந்து விட்டார்கள். அதிலும் தமிழ் டிவி சேனல்கள் அனைத்திலும் எண்ணற்ற பொழுதுபோக்கு நிகழ்ச்சிகள், சீரியல்கள் ஒளிபரப்பாகி வருகிறது. குறிப்பாக, சீரியல்கள் கிராம மக்களை மட்டும் இல்லாமல் நகர்புற மக்களையும் அதிகமாகவே கவர்ந்திருக்கிறது.
கிட்டத்தட்ட 21 வருடங்களுக்கும் மேலாக சீரியல்கள் எல்லாம் மக்களை கவர்ந்து வைத்துள்ளது. வாரத்தின் முதல் நாள் திங்கள் முதல் சனிக்கிழமை வரை நாள்தோறும் காலையில் தொடங்கி இரவு வரை சீரியல்கள் வரிசைகட்டி டிவியில் டெலிகாஸ்ட் செய்யப்பட்டு வருகிறது. மேலும், சீரியல்கள் ஒளிபரப்பாகி வரும் பிரபலமான முன்னணி சேனல்களாக சன் டிவி மற்றும் விஜய் டிவி திகழ்கிறது. எப்போதும் இந்த இரு சேனல்களுக்கு இடையே தான் கடும் போட்டி நிலவி வருகிறது.
சீரியல் டிஆர்பி:
அதோடு டிஆர்பி ரேட்டிங்கில் கூட இந்த சேனல்களின் சீரியல்கள் தான் மாற்றி மாற்றி இடம் பிடிக்கிறது. அந்த வகையில் இந்த 2024 ஆம் ஆண்டின் வகையில் 31 வாரத்தில் முதல் ஐந்து இடத்தை பிடித்திருக்கும் சீரியல்கள் பட்டியல் தான் தற்போது வெளியாகியிருக்கிறது. எப்போதுமே டிஆர்பி ரேட்டிங்கில் டாப்பில் சன் டிவி சீரியல் தான் முதல் இடத்தை பிடித்து விடுகிறது. எப்பவாவது தான் விஜய் டிவி வரும். இந்த வாரம் டிஆர்பி ரேட்டிங்கில் விஜய் டிவியை முந்திக்கொண்டு சன் டிவி சீரியல் முதலிடத்தை பிடித்திருக்கிறது.
சிங்கப்பெண்ணே சீரியல்:
கடந்த சில வாரங்களாக டிஆர்பி ரேட்டிங்கில் இரண்டாம் இடத்தில் இருந்த ‘சிங்கப் பெண்ணே’ சீரியல் இந்த வாரம் முதல் இடத்திற்கு வந்திருக்கிறது. குடும்ப சூழ்நிலைக்காக கிராமத்திலிருந்து சென்னைக்கு வந்து கார்மெண்ட்ஸ்சில் வேலைக்கு சென்று கொண்டு இருக்கிறார் ஆனந்தி. இவருடன் சில பேர் வேலை செய்கிறார்கள். அங்கு அவர்கள் தைரியமாக எதிர்கொள்ளும் பிரச்சனைகளை மையமாக வைத்து தான் சீரியல் ஒளிபரப்பாகி வருகிறது.
சிறகடிக்க ஆசை:
கடந்த சில வாரமாகவே டிஆர்பியில் நம்பர் 1 இடத்தை பிடித்திருந்த விஜய் டிவியில் சீரியல் ‘சிறகடிக்க ஆசை’ இந்த வாரம் இரண்டாம் இடத்தை பிடித்து இருக்கிறது. இந்த சீரியல் ஒளிபரப்பான நாளில் இருந்து தற்போது வரை விறுவிறுப்புக்கு பஞ்சம் இல்லாமல் சென்று கொண்டு இருக்கிறது. இந்த சீரியல் கதாநாயகன் முத்து, கதாநாயகி மீனா ஆகிய இருவரின் வாழ்க்கையில் நடக்கும் எதார்த்த குடும்ப கதை.
கயல்:
எதிர்பார்க்காத வகையில் சில மாதங்களாகவே முதல் இடத்தில் இருந்த ‘கயல்’ சீரியல் மூன்றாம் இடத்தை பிடித்து இருக்கிறது. இந்த சீரியல் 2021 ஆம் ஆண்டு முதல் சன் டிவியில் ஒளிபரப்பாகி வருகிறது. இதில் சைத்ரா ரெட்டி கதாநாயகியாகவும், கதாநாயகனாக சஞ்சீவ் நடித்து வருகிறார்கள். தன் குடும்பத்திற்காக எல்லா சந்தோசத்தையும் இழந்து போராடும் ஒரு பெண்ணின் கதை தான் கயல் சீரியல்.
மருமகள் சீரியல்:
இந்த சீரியல் சமீபத்தில் தான் சன் டிவியில் ஒளிபரப்பட்டது. டிஆர்பி ரேட்டிங்கில் இந்த சீரியல் நான்காம் இடத்தை பிடித்து இருக்கிறது. இந்த சீரியலில் கேபி கதாநாயகியாகவும், ‘கண்ணான கண்ணே' சீரியல் நடிகர் ராகுல் ரவி ஹீரோவாகவும் நடிக்கிறார்கள். இந்த சீரியல் ஒளிபரப்பான நாளில் இருந்து நன்றாக சென்று கொண்டு இருக்கிறது.
வானத்தைப்போல:
‘வானத்தைப்போல’ சீரியல் இந்த வாரம் ஐந்தாம் இடத்தை பிடித்திருக்கிறது. இந்த சீரியல் 2020 ஆம் ஆண்டு முதல் சன் டிவியில் ஒளிபரப்பாகி வருகிறது. இது முழுக்க முழுக்க அண்ணன்- தங்கை பாசக்கதை. இந்த தொடரில் ஸ்ரீகுமார், மான்யா முதன்மை கதாபாத்திரத்தில் நடித்து வருகிறார்கள்.
